Arooma 8:3 - Hapari Zooshapweya

³ Maana, etile kano yahawahiyeeyo oretta mwaasa wa otteettheya wa onaatamu, Nluku aretta, khumperekha mwanawe, woolattanana pinaatamu wa twampi, nkhama zaakha ya twampi, khwa etthiipo khuttha paathuli twampi vakatthi wa onaatamu.

Arooma 8:3 Iomraidhean Croise

Maaruku 15:27

Vamote na ye aakhomeliwe manantarawu awiri, mmote nkhono nlume, nkina nkhono nkha,

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Yaahaya 9:24

Khunkhuwela swaafu ya phiiri mwinyi otule ahaari woonakaaye khumuuza yoori: “Olaphe khwa Nluku na olupe haakhi. Maana najuwa yoori mwinyi aya oto natwampi.”

Khaazi 13:39

Khwa ye, wakhula otule ankhupalaaye ontta ohakikhiwa khwa vitthu zooshi zahaari onhakhikhisaazo kano za Munsa.

Arooma 3:20

Nakataalikha, khaavo anttelaaye ohakikhiwa omaasho wa Nluku khwa khaazi za kano. Maana khwa kano najuwa twampi.

Arooma 6:6

Maana ninjuwa yoori otthu eetthu opule wa raku wafwa na Yinsa vansalapa yoori mwiili wa twampi wiiye wootapanyiwa, na theenya nihirutele wiiya aviitthwaana a twampi.

Arooma 7:18

Miiyo kinjuwa yoori khina etthu yooshapweya eniikhalaaye nkatthi mwaka, olikha toowo, khwa onaatamu aka. Maana kinaaye niiya ya oretta etthu yooshapweya, ila akinwahi oretta.

Arooma 8:32

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

Arooma 9:3

maana miiyo hatha kaari otakha opokhera laana na ovaluliwa khwa Al-Masiihu mwaasa wa pheta ya attwi a khapila yaka,

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

Akaalata 3:13

Yaatikhiwa yoori: “Woolanikha ti otule wooshi athomeyiweeyo vansalapa.” Tiito Al-Masiihu khujiretta wiiya namalaanikha khwa zwaamu yeetthu fweeyo, na arettiyeevo toowo Ye anilaza nkatthi wa laana za kano.

Akaalata 3:21

Niri talili eto enlupa yoori kano enuumanana ahiti ya Nluku? Hatha vattitthiiru! Maana eriwaka yeettiye wiiyavo kano eriina owahi wa winkha ohaayi, aphano ohakikhiwa wa ntthu waari weettela olankha nkatthi wa kano ethiito.

Afiliipu 2:7

ila khujileva, khujiretta wiiya karumeya, ajilikanisanaka anaatamu.

Meepereewu 10:12

Ila haakhimu nwulu eetthu wa tiini, Al-Masiihu eekhala phantte ya Nluku paasi paata ya winkha twaha moote paasi enlazaaye twampi swaafu moote khwa mileele.

Meepereewu 10:14

Maana khwa twaha moote ethiito paasi yawaakhamilikhisa mileele apale antwahareshiwaaye.

Meepereewu 2:14

Mwaasa wa aana wiiya atthu awiiyana mwiili na taamu, tiito Yinsa ajirettiyeeyo ontthu, yoori khwa ofwa wawe anshintte sheethwani nlupa ariina owahi wa ofwa,

Meepereewu 2:17

Khwa etthiipo yaari ohithajiya ye wiiya woolattanana attwiize khwa zooshi, yoori eeye haakhimu nwulu wa tiini wa tthakaraka na wa waamineya khwa khaazi ya Nluku, yoori aswamiheliwe twampi za atthu.

Meepereewu 4:15

Tiito khanina haakhimu nwulu wa tiini ahinwahaaye omweeleya otteettheya weetthu, ila apho ninaaye haakhimu nwulu wa tiini wa wiiya nkhama fweeyo, azayiniweeyo nanna zene nkhama fweeyo, ila ye khakoseeni.

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.