Arooma 1:3 - Hapari Zooshapweya

³ monkoni wa Mwanawe, othuuto nkhama pinaatamu, atiiyeeyo khwa ojama wa Daawuuda,

Arooma 1:3 Iomraidhean Croise

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Matewuzhu 1:1

Eti warakha ya mazina a amarehemu a phantte ya ojama wa Daawuuda, wiiyiye ojama wa Eburahiima.

Matewuzhu 1:16

na Yaakhumpa khunvokola Yuusufu, manna wa Mariyamu, otule anvokoliyeeyo Yinsa, othuuto aniitthiwaaye Al-Masiihu.

Matewuzhu 1:6

Yeese khunvokola mfwalume Daawuuda. Daawuuda khunvokola Seleyimaana, mamaawe aari muukha wa Uriiya;

Matewuzhu 12:23

Atthu ooshi khwiiya ooshanka channu khusala oozelana yoori: “Khahi Mwaana wa Daawuuda otu?”

Matewuzhu 15:22

Muukha wa Kanaani aari wiikhalaaye nti otthuupule, khuta okutthanana Yinsa eettaka okhuwa yoori: “Mbwana, Mwaana wa Daawuuda, koonele huruma! Mwanaka etta wiiyana masheethwani na ontta ohoowa channu.”

Matewuzhu 26:63

Ila Yinsa nalelo khwiiya woonyamala. Haakhimu nwulu wa tiini khumuuza yoori: “Kinuuvekela yoori weeyo olaphe khwa Nluku woohaayi, nkhama weeyo o Al-Masiihu, mwaana wa Nluku, onuuze.”

Matewuzhu 27:43

Ye amwaamini Nluku. Nluku ti amuusuru nasaapi ethiiti, nkhama ona huruma na ye, maana alupa yoori: ‘Ki mwaana wa Nluku!’ ”

Matewuzhu 3:17

Huula ya olankha pinkuuni khuri: “Otu mwanaka wompheta, na wookituvela channu!”

Matewuzhu 9:27

Noolaavo aphale vaya, ananhooni awiri khusala anlotta akhuwaka araka: “Mwaana wa Daawuuda, noonele huruma!”

Luuka 1:35

Nlayikha khujipu liraka: “Rooho Ttakatthiifu entta owiishukhela, owahi wa Nwulu wa Pinkuuni onttela wuufinikha na yiivuuli yawe. Tiito mwaana onttelaaye ompattha, onteela wiitthiwa Ttakatthiifu, Mwaana wa Nluku.

Luuka 1:69

Nluku aninkha nusura yookhomaala khwa ojama wa karumeya awe mfwalume Daawuuda,

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Yaahaya 1:34

Miiyo koona vitthu epo, tiito kinlawelaaye oshaahiti yoori ye Mwaana wa Nluku.”

Yaahaya 1:49

Attaaphale Natanayeele khushanka khuri: “Rabi, weeyo o Mwaana wa Nluku. Weeyo O Mfwalume wa Ezirayiilu!”

Yaahaya 10:30

Miiyo na Paapa na amote.”

Yaahaya 10:36

aphano otule Paapa anttakatthisiyeeyo na khunruma voolumwenku, mwinri: ‘Weeyo onamakufuru,’ mwaasa wa niini kilupaka yoori ‘Ki mwaana wa Nluku?’

Yaahaya 20:28

Tome khujipu araka: “Mbwana aka na Nluku aka!”

Yaahaya 20:31

Ila epi zaatikhiwa yoori mweeyo mwikhupali yoori Yinsa ti Al-Masiihu, Mwaana wa Nluku na yoori amana mwinkhupali mwiiyane ohaayi khwa nzina lawe.

Yaahaya 5:25

Miiyo kiniwuuzani khweele yoori, ontta ofiya wakathi, na wafiya, ananfwa anttelaaye osiila huula ya Mwaana wa Nluku na otule anttelaaye osiila oniiya haayi.

Yaahaya 7:42

Zawaatikhiwa Ttakatthiifu zinlupa yoori Al-Masiihu onttela olankha khwa ojama wa Daawuuda nti wa Belemu, okhu aari wiikhalaawo Daawuuda.”

Khaazi 2:30

Ye aari napiyu na aari ojuwa yoori Nluku aamwahitiye khwa olapha yoori vakatthi wa ojama awe aari oteela opuwavo mfwalume aari oteelaaye osalana yenzi yawe ya ofwalume.

Khaazi 3:13

Nluku wa Eburahiima wa Esiyaakha na wa Yaakhumpa, Nluku wa amarehemu apapazetthu anttitthimisa karumeya awe Yinsa, othuutule mweeyo mwaawenkhiyeeyo atthu yoori amuule na khunkatthala vakatthi wa Pilaatu, wakathi ye aalakeliyevo onfukula.

Khaazi 8:36

Ari ntarikhi eettaka olawa, khufiya vahali aarivo maati. Mwiitiyoopiya otu khumuuza Filiipe yoori: “Apha awaapho maati. Niini enkhattazaaye woosiwa miiyo?”

Khaazi 9:20

Wakathi otthuupule khwaaza olaleya mmasinakooka araka Yinsa Mwaana wa Nluku.

Arooma 1:9

Nluku, kininrumeyelaaye na rooho yaka yooshi kitafusiraka hapari monkoni wa Mwanawe, shaahiti aka yoori wakhula wakathi kinuufikhirini mweeyo,

Arooma 4:1

Nakataalikha, nilupe niini khwa marehemu papeetthu Eburahiima?

Arooma 9:3

maana miiyo hatha kaari otakha opokhera laana na ovaluliwa khwa Al-Masiihu mwaasa wa pheta ya attwi a khapila yaka,

Arooma 9:5

Yo ojama wa amarehemu apapazetthu, na khwa yo pi olankhiyeevo ntathaari wa onaatamu wa Al-Masiihu, othuuto eeyiye Nluku vatulu wa vitthu zooshi, anlupiwaaye wooshapweyavo khwa mileele! Amiina!

1 Akorintiyu 1:9

Nluku ti wa waamineya, othuuto ookhuweliyeenini khwa osiilana na Mwanawe Yinsa Al-Masiihu Mbwana eetthu.

1 Akorintiyu 10:18

Mwiwoone mayaahuuti: apale anjaaye etile entthiwaaye vaalitaari nkhama twaha ari khwa osiilana na Nluku, otule alitaari awe eeyiyeeyo woohalalishiwa.

Akaalata 4:4

Ila noofiya wakathi khaamili, Nluku amperekha Mwanawe, woovokoliwa ti muukha, na eekhaliyeeyo nkatthi wa kano,

1 Atizaloonika 1:10

na onwejela mwanawe woolankha pinkuuni, othuuto ansisimuliyeeyo muufwa, Yinsa anniwerawerisaaye katapu enttelaaye ota.

1 Timootiyu 2:5

Maana, Nluku ori mmote paasi, na namasiilanisa paasi khwa atthu na Nluku mmote, Yinsa Al-Masiihu pinaatamu,

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

2 Timootiyu 2:8

Onfikhiri Yinsa Al-Masiihu, jaama wa Daawuuda asisimuliweeyo muufwa, nkhama enlupaazo hapari kinlaleyaaye.

1 Yaahaya 1:3

Fweeyo nawuuzani epile nooniyeezo na nisiiliyeezo, yoori na mweeyo mwiiyane osiilana na fweeyo, na osiilana weetthu ori khwa Paapa na Mwanawe Yinsa Al-Masiihu.

1 Yaahaya 3:23

Oruma wawe pi opu: yoori fweeyo nikhupali nzina la Mwanawe Yinsa Al-Masiihu, na yoori niwaaphete azeetthu, nkhama Nluku anirumiyeezo.

1 Yaahaya 3:8

Otule anrettaaye twampi oto ntthu wa sheethwani, maana sheethwani namaretta twampi thanku omwanzo. Ti swapwapu yooperekhiwa Mwaana wa Nluku yoori ate apweche khaazi za sheethwani.

1 Yaahaya 4:15

Wakhula otule antukhurwaaye yoori Yinsa Mwaana wa Nluku, Nluku onlipa khwa ntthu aya oto, na oto onlipa khwa Nluku.

1 Yaahaya 5:1

Ooshi apale ankhupalaaye yoori Yinsa ti Al-Masiihu oto avokoliwa ti Nluku, na ooshi apale animphetaaye Nluku onimpheta otule anvokoliyeeyo.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

1 Yaahaya 5:5

Paani aniwahaaye oshintta olumwenku? Otule akhupaliyeeyo yoori Yinsa mwaana wa Nluku paasi.

2 Yaahaya 1:7

Maana anamattettekha enkeene amwazeyela va olumwenku, alupaka yoori Yinsa Al-Masiihu khateeni nkhama pinaatamu. Anrettaaye toowo namattettekha na atuwi wa Al-Masiihu.

Othoonyeziwa 2:18

“Khwa ojama wa Nluku wa Tiyatiira waatikhe yoori: Apa mattakhuzi a mwaana wa Nluku, otule ariina maasho nkhama eviriviri ya moottho na moolu oolattanana poronzi ya woochiwa.