Arooma 1:1 - Hapari Zooshapweya

¹ Miiyo Paawulu, karumeya wa Yinsa Al-Masiihu, kakhuweliwa yoori kiiye aswihaapa, kithawuliweeyo yoori kilaleye hapari zooshapweya za Nluku,

Arooma 1:1 Iomraidhean Croise

Maaruku 1:14

Paata ya Yaahaya ofukeliwa, Yinsa khulankha khusala alawa Kalileya, alaleyaka hapari zooshapweya za Nluku,

Yaahaya 12:26

Otule antakhaaye okirumeyela, akilotte; na puuro kiniiyaavo na karumeya aka oniiya attaapho. Otu anikirumeyelaaye, Paapa onteela onttitthimisa.

Yaahaya 15:15

Akiniwiitthani theenya akarumeya, maana karumeya khanjuwa niini anrettaaye Mbwana awe. Nakataalikha, miiyo kiniwiitthani yoori maswaahipu zaka, maana zooshi epile kinsiliyeeyo Paapa koojuwisani.

Yaahaya 15:20

Mwifikhiri mattakhuzi kiwuuziyeenini yoori: ‘Khaavo karumeya anzitiyeeyo Mbwana awe.’ Nkhama akilupatthiyeezo miiyo, na anlawa oolupattheni mweeyo theenya. Nkhama anshututela mattakhuzi aka, theenya anlawa ashututele apale mwinttelaaye olupa mweeyo.

Khaazi 13:9

Sawulu, aniitthiwaaye Paawulu, wa wiitaala Rooho Ttakatthiifu, khunkhontolela maasho,

Khaazi 20:24

Khwa miiyo ohaayi aka khuna fwayita, ila eriina fwayita okhola khaazi eti kithawuleliweeyo ti Mbwana Yinsa, mpakha wiishisa, khaazi ya olaleya hapari zooshapweya za rehema ya Nluku.

Khaazi 21:40

Khwinkhiwa ruhusa, Paawulu khweemela vashikatta, khuwaattheela alama na nkhono. Atthu ooshi khwiiya oonyamala, ye khusala attakhula khwa luuka ya meepereewu araka:

Khaazi 22:21

Attaaphale Mbwana khukuuza yoori: ‘Olawe, miiyo kinuuperekha peetiwene vakatthi wa amalapo.’ ”

Khaazi 22:7

Miiyo khukwela vathi khusala kisiila huula yaari okikhuwelaaye eraka: ‘Sawulu, Sawulu, onikilupatthela ni?’

Khaazi 26:1

Aphano mfwalume Akiriipa khumuuza Paawulu yoori: “Weeyo onaaye ruhusa ya ojaakisa.” Elottelanaka, Paawulu khuttha alama na nkhono awe khwaaza ojaakisa araka:

Khaazi 26:14

Fooshi khukwela vathi. Aphano keetta osiila huula yaari okuuzaaye khwa luuka ya aramaayiku yoori: ‘Sawulu, Sawulu, onikilupatthela ni? Weeyo amana weekesa ohijali puutta ontta ojoonisa olwaaza omweenyewe.’

Khaazi 27:23

Maana taana osikhu lakipuwelela nlayikha la Nluku mweenyewe miiyo na otule kinimwaputwaaye,

Khaazi 9:15

Ila Mbwana khumuuza Ananiiya yoori: “Olawe, maana ntthu oto khwa miiyo, yoopo yoothawuliwa yoori ethuule nzina laka ewaalawanele amalapo na afwalume aya, na vakatthi wa atthu a Ezirayiilu.

Arooma 1:16

Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Arooma 1:9

Nluku, kininrumeyelaaye na rooho yaka yooshi kitafusiraka hapari monkoni wa Mwanawe, shaahiti aka yoori wakhula wakathi kinuufikhirini mweeyo,

Arooma 11:13

Kiniwuuzani mweeyo, amalapo. Maana miiyo ki aswihaapa wa amalapo, kinwulisa khaazi yaka,

Arooma 15:16

ya wiiya karumeya wa Al-Masiihu Yinsa khwa amalapo, nkhama khaazi ya ohaakhimu ya olaleya hapari za Nluku, yoori amalapo aretteye wiiya zaakha yookhupaliwa ti Nluku, oottakatthisiwa ti Rooho Ttakatthiifu.

Arooma 15:29

Kajuwa yoori, amana kita wuuthotolani, kinlawa kiri woolikana na parakha zawaatta za Al-Masiihu.

Arooma 16:18

Maana atthu aya apo khaninrumeyela Al-Masiihu, Mbwana eetthu, ila tuvela zaya ennyewe. Khwa mattakhuzi awoolowa na ottettekha, anhata rooho za apale oottettekheya.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

1 Akorintiyu 1:1

Miiyo Paawulu, kikhuweliweeyo khwa matakhelo a Nluku yoori kiiye aswihaapa wa Al-Masiihu Yinsa, kinaatikha vamote na ttwi Sositeene,

1 Akorintiyu 9:1

Weekhweele ki wootaphuliwa, ki aswihaapa na kamoona Yinsa Mbwana eetthu na mweeyo mwa fwayita a khaazi kikholiyeeyo khwa Mbwana.

2 Akorintiyu 1:1

Miiyo Paawulu aswihaapa wa Al-Masiihu Yinsa khwa matakhelo a Nluku, na ttwi Timootiyu ninaatikhela warakha eti ojama wa Nluku oriiye Korintiyu, na attakatthiifu ooshi ari nti wa Akaaya.

2 Akorintiyu 11:5

Miiyo akinjoona hatha vattitthiiru ohiina fwayita zayita maaswihaapa apo awulu.

2 Akorintiyu 11:7

Talili karetta twampi khwa ojipushuwisa yoori kuuwuliseni mweeyo, wuutafusirelani hapari zooshapweya za Nluku wooheekeseli hatha etthu?

2 Akorintiyu 12:11

Kaari nlolo ottakhula toowo, ila ti mweeyo mwikikhanyareliye epo zaya. Miiyo kaarina ya orumiwa ti mweeyo, maana aki woopushuwa fwayita zayita “maaswihaapa apale awulu,” hatha nkhama aki paani.

2 Akorintiyu 2:12

Wakathi kifiyeevo Torowaati yoori kitafusiri hapari zooshapweya za Al-Masiihu, khoona yoori Mbwana akifukulela milako,

2 Akorintiyu 4:5

Maana khaninjitafusiri fweeyo, ila ninintafusiri Yinsa Al-Masiihu Mbwana; fweeyo na akarumeya enu, mwaasa wa Yinsa.

Akaalata 1:1

Miiyo Paawulu, kiniwaatikhelani warakha eti, miiyo kikhuweliweeyo yoori kiiye aswihaapa khahiyo wooperekhiwa pi anaatamu wala woolankha mmakhono wa ntthu, ila woolankha mmakhono wa Yinsa Al-Masiihu na Nluku Paapa, otule ansisimuliyeeyo Yinsa muufwa,

Ayeefezu 1:1

Miiyo Paawulu, aswihaapa wa Yinsa Al-Masiihu khwa matakhelo a Nluku, kiniwaatikhela warakha eti attakatthiifu na mamuumini khwa Yinsa Al-Masiihu a sitati ya Eefezu.

Ayeefezu 1:13

Wakathi mweeyo mwisiiliyeeyo na khukhupalela nttakhuzi la haakhi, hapari zooshapweya ziwuusuriyeenini, mweeyo mwamatthaniwa khwa Al-Masiihu Rooho Ttakatthiifu etile ye ahitiyeeyo.

Ayeefezu 4:11

Othuuto khuwenkha akina owaaswihaapa, akina onapiyu, akina onamalaleya, akina onshuki na onamanozela,

Afiliipu 1:1

Miiyo Paawulu na Timootiyu, akarumeya a Al-Masiihu Yinsa, niniwaatikhela attakatthiifu ooshi a Yinsa Al-Masiihu aniikhalaaye sitati ya Filiipu, attunkhulu awulu a ojama wa Nluku na anamarumeya a ojama wa Nluku.

Afiliipu 2:11

Na malimi ooshi atukhuru yoori Yinsa Al-Masiihu ti Mbwana, khwa siifwa ya Nluku Paapa.

Akoloosu 1:1

Miiyo Paawulu, aswihaapa wa Yinsa Al-Masiihu khwa matakhelo a Nluku, kiniwaatikhela warakha eti vamote na ttwiiyaku Timootiyu,

Akoloosu 1:25

Khwa otthuupo miiyo karetteya wiiya karumeya khwa khaazi Nluku akinkhiyeeyo ya wuuthoonyezani mweeyo saaneene nttakhuzi lawe,

1 Atizaloonika 2:2

Neeyiyeru pure woohikholiwi saana na ottukhaniwa sitati ya Filiipu, nkhama mweeyo mwinjuwaazo, khwa awuni ya Nluku naarina ominyala wa olaleya hapari zooshapweya za Nluku khwa mweeyo, vakatthi wa viittha ya waatta.

1 Atizaloonika 2:8

Ninuuphetani venkivene, najilakelela owinkhani khahiyo paasi hapari zooshapweya za Nluku, ila theenya ohaayi eetthu, maana mweeyo mwaretteya wiiya aphetani eetthu saaneene.

1 Atizaloonika 2:9

Attwiizetthu, weekhweele mweeyo mwinfikhiri khaazi yoolipa nikholiyeeyo woohishokheri vakatthi venu. Maana naari okhola osikhu na nthana, yoori nihimwantipu hatha ntthu wakathi naari olaleyaavo hapari zooshapweya za Nluku khwa mweeyo.

1 Timootiyu 1:1

Miiyo Paawulu, aswihaapa wa Yinsa Al-Masiihu khwa oruma wa Nluku Namuusuru eetthu na wa Yinsa Al-Masiihu nroromelo eetthu,

1 Timootiyu 2:7

Akintta ohata kinlupa khweele, keetta othawuliwa yoori kiiye namalaleya, kiiye aswihaapa na kiiye namanozela wa mattakhuzi apa a amini na a haakhi, khwa khapila zooshi.

2 Timootiyu 1:11

Khwa hapari etthiipo miiyo karettiwa wiiya namatafusiri, aswihaapa na namanozela.

Tiitu 1:1

Miiyo Paawulu, karumeya wa Nluku na aswihaapa wa Yinsa Al-Masiihu khwa oweettana ananthawuliwa a Nluku nkatthi wa amini yoori ajuwe haakhi eniwettanaaye muukemaani;

Meepereewu 5:4

Khina anjittitthimisaaye mwenyeweru, ila ona ya okhuweliwa ti Nluku nkhama etthiipo aakhuweliweezo Haruni.

Meepereewu 7:26

Nanna ya haakhimu nwulu wa tiini naari onhithajiyaaye oniiya nkhama toono: nttakatthifu, woohiina paathuli, watwahara, woophakuwana na anatwampi, woottitthimisiwa zayita pinku.

Tiyaaku 1:1

Miiyo Tiyaaku, karumeya wa Nluku na wa Mbwana Yinsa Al-Masiihu, kimperekha salamu khwa mahimo khumi na mawiri amwazeyeliyeeyo wakhula phantte.

1 Pheeturu 4:17

Maana wafiya wakathi wa waaziwa ophukiwa nyuupa ya Nluku, na nkhama enaaza khwa fweeyo, onttela wiiya woolipa mwiisho wa apale ahinshututelaaye hapari zooshapweya za Nluku.

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

Yuuda 1:1

Yuuda, mwiitthwaana wa Yinsa Al-Masiihu, ttwiiye Tiyaaku, apale akhuweliweeyo, oophetiwa ti Nluku Paapa na athokoreliweeyo ti Yinsa Al-Masiihu:

Othoonyeziwa 1:1

Othoonyeza wa Yinsa Al-Masiihu, Nluku amwinkhiyeeyo yoori awaathoonyeze akarumeya awe vitthu zaariina ya orettikhana woohirupazi. Ye aperekha nlayikha lawe yoori linthoonyeze karumeya awe Yaahaya vitthu zaya epo,

Othoonyeziwa 22:6

Nlayikha khukuuza yoori: “Mattakhuzi apa ansuhi waaminiwa na pi a haakhi. Mbwana Nluku, aniwinkhaaye rooho yawe amanapiyu, aperekha nlayikha lawe yoori awaathoonyeze akarumeya awe vitthu zinttelaaye orettikhana woohirupazi.

Othoonyeziwa 22:9

Ila nlayikha khukuuza yoori: “Ohirette etthu eto! Miiyo ki karumeya nkhama weeyo na attwiizo, manapiyu, na nkhama apale anthokorelaaye mattakhuzi a kithaapu eti. Omwaaputu Nluku!”