2 Pheeturu 3:7 - Hapari Zooshapweya

⁷ Khwa nttakhuzi nttinttho pinku na vathi eriivo nasaapi eti zathokoreleliwa moottho, zapwehiwa yoori efiye siikhu ya ophukiwa na otapanyiwa wa makaafiri.

2 Pheeturu 3:7 Iomraidhean Croise

Matewuzhu 10:15

Miiyo kiniwuuzani khweele yoori, siikhu ya ophukiwa enttela wiiyavo tthakaraka khwa Sotooma na Komoora zayita sitati ya eto.

Matewuzhu 11:22

Ila miiyo kiniwuuzani yoori siikhu ya ophukiwa enteela wiiyavo tthakaraka khwa Tiiru na Sitooni zayita mweeyo.

Matewuzhu 11:24

Ila miiyo kiniwuuza yoori siikhu ya ophukiwa enteela wiiyavo tthakaraka khwa Sotooma zayita weeyo.”

Matewuzhu 12:36

Ila miiyo kiniwuuzani yoori, siikhu ya ophukiwa, atthu anlawa arettiwe hisapu mwaasa wa mattakhuzi ooshi ohiina fwayita aari olupakaaye.

Matewuzhu 24:35

Pinku na vathi zooshi zinteela ovira, ila mattakhuzi aka khanviraru.

Matewuzhu 25:41

“Aphano ye onttela owooza apale a nkhono nkha awe yoori: ‘Anamalaanikha mwikaattuwe! Mweette omoottho wa mileele, waattaleleliweeyo sheethwani na malayikha awe.

Maaruku 6:11

Na miti mikinoko amana zihuupwekhereleni na khuhuusiilini, mwitathe lifufu la mmoolu mweenu mwilaakamo, nkhama oshaahiti vakatthi vaya.”

Yaahaya 12:48

Owaapho namaphuka wa otule anikikatthalaaye na ahinkhupalelaaye mattakhuzi aka; nttakhuzi laka nttinttho kilupiyeeyo ti linttelaaye omphuka siikhu ya mwiisho.

Arooma 2:5

Ila mwaasa wa ohilikhiseyi na olipa rooho yawo, oneekezela katapu khwa weeyo enttelaaye osaruwa siikhu ya katapu ya Nluku, wakathi onttelaaye ojithoonyeza ophuka wawe wa shariya.

1 Akorintiyu 3:13

khaazi yawe enttela wooniseliwa, maana Siikhu ya Mbwana entana nuuru yaya; na enttela othoonyeziwa khwa moottho, onttelaaye woona khaazi ya wakhula ntthu.

Afiliipu 1:28

Mwihoove hatha etthu khwa maatuwi enu, maana eto enttela wiiya alama ya otapanyeya waya yo, ila khwa mweeyo nusura, na eto phantte ya Nluku.

2 Atizaloonika 2:3

Mwihinlikhe ntthu wuuttettekhani hatha vattitthiiru. Ehinafiye siikhu yaya eto, onlawa weeyevo okhijili, aphano phi anttelaaye othoonyeziwa ntthu wa twampi, mwaana wa opwetheya.

1 Timootiyu 6:9

Ila apale aneekesaaye oreela ankwela muuzayiniwa na mmiraakho za sheethwani, alottelelaka tuvela zoololo zimpwetechaaye. Etthiipo eniwaatupweeza muuthowelela na nwantipweya.

Meepereewu 12:29

maana Nluku ori nkhama moottho wooharipu.

2 Pheeturu 2:9

Nakataalikha, ninoona yoori Mbwana onjuwa owaataphula atthu apale a emaani khwa wootootiwa na khuwaapweha makaafiri vathi wa hukhumu ya siikhu ya ophukiwa,

2 Pheeturu 3:10

Nakataalikha, siikhu ya ota wa Mbwana, enteela opuwa nkhama nantarawu. Pinku enteela ozimweela na onyakula saaneene, vitthu epile za otulu enttela otapanyeya mwaasa wa nkukuku. Olumwenku na zooshi ziriimo zinteela waashikha.

2 Pheeturu 3:12

mwiwejelaka siikhu ya Nluku na mwirette thenke yoori ete woohirupazi. Siikhu ya eto pinku enteela otapanyiwa ti moottho, na vitthu epile za otulu enteela otothowa mwaasa wa haari.

1 Yaahaya 4:17

Khwa nanna eti opheta oniiya woozowereya khwa fweeyo, yoori siikhu ya mwiisho niiye wonroromela, maana voolumwenku apha fweeyo niri nkhama ye.

Yuuda 1:7

Nkhama Sotooma na Komoora na sitati kiina zaya za nkerekhere zajittha nkatthi wa vitthu zootakhala na khaapa twayifu. Yo ari nkhama nthoonyezo yoori ari nkatthi wa hukhumu ya moottho wa mileele.

Othoonyeziwa 17:11

Nyama yawoopisa yaari, ila apha khahi, ti mfwalume wa naane. Eeyiyeeyo mmote wa apale sapa anlottaaye tarikhi ya opwetheya.

Othoonyeziwa 17:8

Nyama yawoopisa eto weeyo wooniyeeyo, yaari, ila apha khahi. Ye entakha osaruwa nkhilintti na enlotta tarikhi ya opwetheya. Apale aniikhalaaye va tuniya, mazina aya ahaatikhiweeni nkithaapu ya ohaayi thanku wumpiwa wa olumwenku anttela wiiya ooshanka amana oona nyama yawoopisa eto, maana eto yaari, ila apha khahi, na enteela ota.

Othoonyeziwa 20:11

Paata ya toole, koona khukulu khuluyeene yoolakala na otule eekhaleliyeeyo. Tuniya na pinku khutthiravo vakatthi vaya, khuhisikani puuro khwa yo.

Othoonyeziwa 21:1

Aphano koona pinku pheeya na tuniya pheeya, maana pinku ya mwanzo na tuniya ya mwanzo yaaviriye, na pahari khayaarivo.