2 Pheeturu 3:16 - Hapari Zooshapweya

¹⁶ Warakha zawe zooshi ye aatikha nanna moote, alupaka monkoni wa vitthu etthiipo. Warakha zawe ena vitthu kiina zoolipa ntthu omweeleya, epo zaya atthu apale oohijaliwi na apale oottettheya nkatthi wa amini annyokola mattakhuzi, nkhama anrettaazo khwa phantte kiina ya Zawaatikhiwa Ttakatthiifu. Khwa ethiito yo anjitapanya eenyewe.

2 Pheeturu 3:16 Iomraidhean Croise

Mwanzo 49:4

Weeyo o wootumpunyeya nkhama maati a mpahari, omwanzo awo wafujeya, mwaasa wa olalana muukha wa papaawo, waphuja olili wa papaawo.

Matewuzhu 15:3

Yinsa khuwaajipu araka: “Mwaasa aya niini mweeyo mwikhijilelaka kano za Nluku, mwaasa wa zowera zenu?

Matewuzhu 15:6

ye khankhanyareliwa theenya onshitahi papaawe khwa nanna nkhama eto.’ Khwa etthiipo, mwaasa wa zowera zenu, mweeyo mwimpeepheyisa nttakhuzi la Nluku.

Matewuzhu 22:29

Yinsa khuwaajipu yoori: “Mweeyo mwattettekhiwa, maana khamwinjuwa Zawaatikhiwa Ttakatthiifu wala owahi wa Nluku.

Afiliipu 3:19

Mwiisho wa apo aya opwetheya, nluku aya ejohojoho yaya, na anjikhutupulana vitthu epile zoopatthisa haaya; anuupuwela vitthu za voolumwenku apha paasi.

Meepereewu 5:11

Khwa toowo ninaaye vitthu zawaatta za olupa, ziiyiye zoolipa weeleza, mweeyo olipa weeleyiwa mwaasa wa orupaza osomiseya.

Tiyaaku 1:8

Maana ona shawuri zawaawanyeya na khanjuwa hatha etthu yooretta.

1 Pheeturu 1:1

Miiyo Pheeturu, aswihaapa wa Yinsa Al-Masiihu, kiniwaatikhela warakha eti ananthawuliwa a Nluku amwazeyeliyeeyo nti wa Pontu, Kalaasiya, Kapatosiya, Aaziya na Bitiiniya,

1 Pheeturu 2:8

na, “Liwe lookwakwanttula na liwe linkwisaaye.” Yo ankwakwanttuwa mwaasa akhijilela hapari, maana piitthiipo atthomeliweeyo.

2 Pheeturu 2:1

Raku, vakatthi wa atthu aapuwiyevo manapiyu oojipanka, etthiipo theenya vakatthi venu mweeyo anteela opuwavo anamanozela oojipanka. Yo anteela osarula vattiitthi vattiitthi mwentto woovonyeya ontapanyaaye, afiyelelaka onkatthala Mfwalume Nwulu otule awaakaphuliyeeyo, ajitothelaka nasaapiru otapanyeya.

2 Pheeturu 2:14

Mmaasho mwaya weetaalamo oraruwa, khanlikha theenya oretta twampi, aniwaattettekha apale oottettheya, anaaye rooho ya weettettisa omaashokopho. Atthu oolanikha!

2 Pheeturu 3:14

Khwa ethiito, aphetani aka, mwiwejaka vitthu zaya epo, mwijilipise yoori Nluku oosikaneni mwihina nlepa, mwihina twampi na mwirina heeri.

2 Pheeturu 3:2

Kintakha yoori muupuwele mattakhuzi alupiweeyo raku ti manapiyu ttakatthiifu, na oruma wa Mbwana eetthu Namuusuru opule maaswihaapa oosomisiyeenini.

Yuuda 1:4

Nakataalikha atthu akina, ahinimoovaaye Nluku ata vakatthi venu woohisopheliwi. Yo anzukulisa rehema ya Nluku khwa vitthu zoovonyeya. Na aninkatthala Yinsa Al-Masiihu, Mfwalume eetthu na Mbwana eetthu otthwe. Raku zeene Zawaatikhiwa Ttakatthiifu zalupa hukhumu yo apwekheriyeeyo.