2 Pheeturu 2:4 - Hapari Zooshapweya

⁴ Maana Nluku kheenaneliye malayikha apale akosiyeeyo, ila eeselela motthooni, khufukela nkhilintti wooripamo yoori apwehe mpakha siikhu ya ophukiwa.

2 Pheeturu 2:4 Iomraidhean Croise

Matewuzhu 25:41

“Aphano ye onttela owooza apale a nkhono nkha awe yoori: ‘Anamalaanikha mwikaattuwe! Mweette omoottho wa mileele, waattaleleliweeyo sheethwani na malayikha awe.

Matewuzhu 8:29

Aphano, yo khusala anyakula araka: “Onnitakhelani fweeyo Mwaana wa Nluku? Wata okhuno oteela onoopopisa ohinafiye wakathi aya?”

Maaruku 5:7

Khukhuwa na huula yawe yooshi araka: “Onikitakhelani miiyo, Yinsa mwaana wa Nluku Nwulu? Kinuuvekela khwa Nluku yoori ohikihukhumu!”

Luuka 10:18

Yinsa khuwaajipu yoori: “Miiyo kamoona epiliisi akwaka pinkuuni nkhama ozerima.

Luuka 8:31

Khusala anvekela Yinsa yoori ahiikarele nkhilintti.

Yaahaya 8:44

“Mweeyo mwinaaye papeenu, sheethwani, na mwintakha oretta etile enintuvelaaye. Ye namahusuti waaza omwanzweene wala khanalotteleke haakhi, maana ye khana haakhi. Amana ahataka onlupa mattakhuzi awe, maana namahata, paapa wa ohata.

Arooma 11:21

Nkhama etthiipo Nluku ahiilikheleleni virapi epile za ephattu, na weeyo theenya khanteela owiinanela.

Arooma 8:32

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

2 Pheeturu 2:11

Khwa zooshi, hatha malayikha, ariina kuvu zooziti na ofwalume, khanlupeza mattakhuzi ooveyisa zumpe zaya epo omaasho wa Mbwana.

2 Pheeturu 2:5

Nluku kheenaneliye olumwenku wa raku, wakathi aatisiyeevo nnyeri khwa makaafiri, ila khunlikha Nuuhi, namatafusiri wa shariya, na atthu akina sapa.

2 Pheeturu 2:9

Nakataalikha, ninoona yoori Mbwana onjuwa owaataphula atthu apale a emaani khwa wootootiwa na khuwaapweha makaafiri vathi wa hukhumu ya siikhu ya ophukiwa,

1 Yaahaya 3:8

Otule anrettaaye twampi oto ntthu wa sheethwani, maana sheethwani namaretta twampi thanku omwanzo. Ti swapwapu yooperekhiwa Mwaana wa Nluku yoori ate apweche khaazi za sheethwani.

Yuuda 1:13

Yo anuupuwa nkhama mawipi oowali a mpahari, asarulelaka oje maphovu a khaazi zaya zoopatthisa haaya, anuupuwa nkhama matthottowa oohiina tarikhi, apo aya athokoreliwa mileele yoori eeye puuro ya wiicha n'yiiza.

Yuuda 1:6

Mwifikhiri malayikha apale ahithokoreleeni puuro yaya ya ofwalume, ila khwanswi meekhazi aya, Nluku awaapweha nhali wooripamo na khuwaafukana makwinjili a mileele mpakha siikhu ya ophukiwa.

Othoonyeziwa 20:10

Epiliisi otule aari owaahataaye, khweeseleliwa vantthatta la moottho onkholelaaye oka, okhule yeeseleliweewo nyama yawoopisa na napiyu woojipanka. Yo anlawa oopopisiwe osikhu na nthana khwa mileele.