2 Pheeturu 1:3 - Hapari Zooshapweya

³ Owahi wawe onlankhaaye pinkuuni onninkha wakhula etile ninhithajiyaaye yoori niiyane meekhazi a emaani vakatthi wa ojuwa wooshi wa otule anikhuweliyeeyo, khwa siifwa yawe mweenyewe na okemaani.

2 Pheeturu 1:3 Iomraidhean Croise

Matewuzhu 28:18

Aphano Yinsa khuwaattama khuwooza yoori: “Kenkhiwa ofwalume pinkuuni na vathi.

Arooma 8:32

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

Arooma 9:24

Ama talili ti fweeyo, theenya awaakhuweliyeeyo khahiyo vakatthi wa mayaahuuti paasi, ila theenya amalapo.

1 Akorintiyu 1:9

Nluku ti wa waamineya, othuuto ookhuweliyeenini khwa osiilana na Mwanawe Yinsa Al-Masiihu Mbwana eetthu.

2 Akorintiyu 12:9

Ila ye khukuuza yoori: “Rehema yaka entosheleza khwa weeyo, maana owahi waka onkamilikha muutteettheya.” Nakataalikha, miiyo kinjishashawula saaneene wa wafurahavo khwa otteettheya waka, yoori owahi wa Al-Masiihu ovumule khwa miiyo.

Ayeefezu 4:1

Tiito kinuuvekelanini, miiyo kiiyiye napherezu khwa Mbwana, yoori mwiikhale khwa mwentto woosuhi khwa okhuweliwa otthuupo mwipwekhereliyeeyo.

Ayeefezu 4:4

Mwiili mmote paasi na Rooho Ttakatthiifu eri moote paasi, nkhama etthiipo mwikhuweliweeyo khwa nroromelo mmote.

Afiliipu 3:8

Khahiyo etthiiporu, ila vitthu zooshi kinoona ohiina fwayita, amana kilattanisa na owula wa ojuwa wa Al-Masiihu Yinsa, Mbwanaaka, mwaasa wa ye zakaashikha vitthu zooshi. Miiyo kinoona zooshi nkhama vitutu, yoori kimpatthe Al-Masiihu

Afiliipu 4:8

Wiishela waya attwiizaku, yooshi yiiyiyeeyo ya ookhweele, yooshi yiiyiyeeyo ya shitaha, yooshi yiiyiyeeyo yoolotteya, yooshi yiiyiyeeyo swaafi, yooshi yiiyiyeeyo yoophetiwa, yooshi yiiyiyeeyo yootuvela, amana yiiyavo etthu yootepa oshapweya ama ensuhaaye ottitthimisiwa, mwifikhiri vitthu zaya epo.

Akoloosu 1:16

Maana khwa ye zompiwa vitthu zooshi, pinkuuni na vathi, za wooneya na zoohooneyi, waaza khukulu, yenzi, owahi ama ofwalume; zooshi zompiwa khwa ye na pi za awe.

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

1 Atizaloonika 4:7

Maana Nluku khanikhuweleeni yoori niiye oohifwayi, ila yoori niiye attakatthiifu.

2 Atizaloonika 2:14

Ye ookhuwelelani ethiito khwa olaleya weetthu hapari zooshapweya, yoori mwipatthe siifwa ya Mbwana eetthu Yinsa Al-Masiihu.

1 Timootiyu 4:8

Okhomaaza makhonkolo fwayita yaya vattitthiiru, ila emaani ti eriina fwayita khwa zooshi, maana entana nroromelo woohaayi otthuupu na Ahera.

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

Meepereewu 1:3

Na ti mwaana othuuto eeyiye waara wa nuuru ya Nluku na nthoonyezo wa ratarato yawe khaamili na akholelelaka vitthu zooshi khwa nttakhuzi lawe la owahi. Paata ya oswafi twampi za anaatamu eetta wiikhala nkhono nlume wa Nluku wa owahi zooshi.

1 Pheeturu 1:15

Ila nkhama etthiipo eeyiyeezo ttakatthiifu otule ookhuweliyeenini, theenya mweeyo mwiiye attakatthiifu khwa zooretta zenu zooshi,

1 Pheeturu 1:5

khwa amini mwakholeleliwa ti owahi wa Nluku mpakha ota nusura entakhaaye othoonyeziwa wakathi wa mwiisho.

1 Pheeturu 2:21

Tithiito mwikhuweleliweeyo, maana Al-Masiihu ahoowa khwa zwaamu yenu mweeyo, alikhaka nthoonyezo, yoori mweezele mwentto awe.

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

1 Pheeturu 3:9

Yootakhala mwihiriphe khwa yootakhala, wala mattukhano khwa mattukhano; olikha toowo mwijipu khwa mattakhuzi a parakha, maana mwakhuweliwa yoori mwirette etthiipo, yoori mwipwekherele parakha khwa erathi.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

2 Pheeturu 1:10

Nakataalikha, attwiizaku, mwijilipise weekesa venkivene ohakikhi okhuweliwa na othawuliwa weenu, mwirettaru etthiipo khamwinteela okwakwanttuwa,

2 Pheeturu 1:2

Rehema na heeri ti yeekezeliwe khwa ojuwa wooshi wa Nluku na wa Yinsa, Mbwana eetthu.

2 Pheeturu 1:5

Khwa etthiipo, mwijilipise yoori mweekezele va amini venu okemaani; va okemaani venu ojuwa;

2 Pheeturu 1:6

va ojuwa, ojishintta omweenyewe; va ojishintta omweenyewe, nthiti; va nthiti, emaani;

2 Pheeturu 1:8

Maana makhaamu mwintakhaaye wiiyana pi apa. Amana mwiiyana na khuretta yoori eekezeleye, mwiniiya okhomaala na mwinteela wiima vitthu zawaatta zooshapweya mwaasa wa fwayita ya ojuwa wooshi mwiriinaaye khwa Mbwana eetthu Yinsa Al-Masiihu.

2 Pheeturu 2:20

Nkhama awahi owerawera vitthu zootakhala za olumwenku khwa ojuwa wa Mbwana eetthu na Namuusuru Yinsa Al-Masiihu, ila khulawa khukholiwa na khushinttiwa opheya pi epo zaya, meekhazi aya aniiya ootepa zayita eettaka waazaru.

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.