1 Timootiyu 4:8 - Hapari Zooshapweya

⁸ Okhomaaza makhonkolo fwayita yaya vattitthiiru, ila emaani ti eriina fwayita khwa zooshi, maana entana nroromelo woohaayi otthuupu na Ahera.

1 Timootiyu 4:8 Iomraidhean Croise

Matewuzhu 12:32

Wakhula otule anlupaaye nttakhuzi la omuumanana Mwaana wa Pinaatamu onswamihiwa, ila otule anttakhulaaye wawuumananavo Rooho Ttakatthiifu khanswamihiwa, waaza nasaapi eti mpakha okhu ninttaawo.

Matewuzhu 19:29

Ooshi apale alikhiyeeyo vaje vaya, attwi zaya, alupu aya, papaaya, mamaaya, aanaaya ama mashapa aya, mwaasa wa miiyo, anlawa apwekhere swaafu miiya na orithi ohaayi wa mileele.

Matewuzhu 6:33

Apho, mweekese khapula Ofwalume wa Nluku na shariya yaya, na vitthu zooshi mwintta weekezeliwa.

Maaruku 10:30

ahinpwekheraaye venkivene ohaayi otthuupu, swaafu miiya theenya ya manyupa, attwi, alupu, maama, paapa, aana ama mashapa na olupatthiwa. Mwiisho waya ohaayi wa mileele.

Luuka 5:38

Viinyu pheeya entthiiwa nttompwiyo pheeya.

Arooma 8:28

Ninjuwa yoori apale animphetaaye Nluku na awaakhuweliyeeyo khwa shawuri zawe, zooshi ziniweettettela saana.

1 Akorintiyu 3:22

waaza Paawulu ama Apoolu ama Pheeturu ama olumwenku, ohaayi, ofwa, nasaapi ama akhipa; zooshi pi zenu,

1 Akorintiyu 8:8

Nakataalikha, etthu yoojiwa khinniretta wiiya atthu okhupaleliwa omaasho wa Nluku. Khaninziti amana nihiji, ama khanitepa amana nija.

1 Timootiyu 4:7

Masomi oovonyeya na hantisi zoololo ojiwerawerisane. Ojikhomaaze na emaani.

1 Timootiyu 6:3

Nkhama ntthu onsomisa mwentto woofwarikhana ohinkholananaaye na mattakhuzi oolikana a Mbwana eetthu Yinsa Al-Masiihu mwentto wa emaani,

1 Timootiyu 6:5

na oshinttana woohilikheleli. Nkhama etthiipile aazowereliyeezo atthu awiiyana akhili za wuntuwanyiwa, eeyeliweeyo haakhi yaya, apo aya anoona yoori tiini etthu enreelisaaye.

1 Timootiyu 6:6

Weekhweele, tiini enreelisa channu khwa atthu apale amfurahelaaye epile ariinaazo.

2 Timootiyu 3:5

ariinaaye wuuso wa omuumini, ila ankatthalaaye owahi waya opo. Ojiphakulane apo aya.

Tiitu 3:8

Mattakhuzi apa pi awaamineya, miiyo kintakha yoori weeyo Tiitu okhanyarele olupa, yoori apale aninkhupalaaye Nluku ajilipisane oretta khaazi zooshapweya. Vitthu zaya epo pi za otepa oshapweya na za fwayita khwa anaatamu.

Meepereewu 13:9

Mwihijilikhelele mwithuuliwaka pi masomi ofwarikhana na oohijuweyi. Afwataali rooho wiiya yoolipisiwa ti rehema woohiiyi khwa vitthu zoojeliwa majampo, etthiipo zihiniwapatthisaaye fwayita apale anjaaye.

1 Yaahaya 2:25

Eti ahiti ye aniretteliyeeyo, ohaayi wa mileele.

Othoonyeziwa 3:12

Otule anshinttaaye, kininretta wiiya nripu la omwimpari wa Nluku aka, na khanteela olaawo theenya. Kinteela waatikha khwa ye nzina la Nluku aka na nzina la sitati ya Nluku aka, Yeruzaleemu pheeya, eniishukhaaye pinkuuni khwa phantte ya Nluku; na theenya kinteela omwaatikhela nzina laka lipheya.

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.