1 Timootiyu 1:5 - Hapari Zooshapweya

⁵ Maana a masomi aya apa ophetana wa rooho yookemaani, na ojuwa othawula yooshapweya vakatthi wa yootakhala, na amini yohiiyi yoonaafikhi.

1 Timootiyu 1:5 Iomraidhean Croise

Matewuzhu 12:35

Ntthu wooshapweya rooho, mmujuju mwawe ensarulamo vitthu zooshapweya, wootakhala rooho mmujuju mwawe ensarulamo vitthu zootakhala.

Matewuzhu 5:8

Ooparikhiyiwa pi apale ariina rooho yoopakusiwa, maana yo anteela omoona Nluku.

Khaazi 15:9

Ye khanivirikaniseeni fweeyo na yo, maana atwaharesha rooho zaya khwa amini.

Khaazi 23:1

Paawulu khuwaakhontolela maasho Mashawuriiya apale, khuri: “Attwiizaku, kineettettana Nluku, mpakha leelo eti rooho yaka khinikinkha hatha paathwili!”

Khaazi 24:16

Khwa attaapho theenya kinjilipisa yoori kiiyane rooho swaafi omaasho wa Nluku na wa anaatamu.

Arooma 10:4

Maana mwiisho wa kano ti Al-Masiihu, yoori ahakikhiwe wooshi otule aninkhupalaaye.

Arooma 12:9

Pheta yenu mweeyo ena ya wiiya ya khweele. Ewiiphireni zootakhala; mwikholelele epile ziiyiyeeyo zooshapweya.

Arooma 14:15

Amana ttwiiyo ahuzunikha khwa vitthu onjaazo, weeyo khuneettettisa pheta mwaasa wa etthu yoojiwa yawo. Ohintapanye ttwiiyo otule Al-Masiihu anfweliyeeyo.

Arooma 9:1

Kinlupa khweele khwa Yinsa, akintta ohata; khwa akhili zaka zinhakikhi nkatthi wa Rooho Ttakatthiifu:

1 Akorintiyu 13:1

Hatha nkhama miiyo keetta ottakhula luuka za anaatamu na za malayikha, ila khuhiina pheta, kiniiya nkhama yuuma envumaaye ama nkhama ovuma wa laatha.

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Akaalata 5:6

Maana khwa Yinsa Al-Masiihu, wala okhiriya, wala ohikhiriyi khuna hatha fwayita moote, ila amini paasi enkholaaye khaazi vakatthi wa pheta.

1 Timootiyu 1:18

Masomi atthaapo kinuutumerela weeyo mwanaka Timootiyu, nkhama khwa weyo yuulupeziyeezo Rooho Ttakatthiifu, wuupuwelaka mattakhuzi apa wuuziweeyo, onttela owahi wuumana viittha ya nnafusi,

1 Timootiyu 1:19

ojilipisanaka amini na ojuwa othawula yooshapweya vakatthi wa yootakhala. Mwaasa woohitakhi othawula yooshapweya, atthu akina amini yaya apwetecha.

1 Timootiyu 3:9

Eeye atthu oohikheetiwi pi rooho zaya na oojilipisana mwentto wa amini athoonyeziweeyo ti Nluku.

2 Timootiyu 1:3

Kininshukhurwela Nluku othuuto kininrumeyelaaye khwa niiya yooshapweya, nkhama etthiipi anrumeyeliyeezo amarehemu apapazaku, na kinuufikhirini mweeyo amana kilompaka osikhu na nthana.

2 Timootiyu 1:5

Kinfwahamu amini yawo ya ekhweele, ethiito piipi awo Looyiti na Ewuniisi mamaawo aarinaaye, kinkhupalela yoori ti ethiito eriiye khwa weeyo.

2 Timootiyu 2:22

Otthire tuvela za oshaapu weekese olotta shariya, amini, pheta na heeri, vamote na apale ariina rooho yooshapweya aninkhuwelaaye Mbwana.

Tiitu 1:15

Vitthu zooshi pi za oottakasiwa khwa atthu apale eeyiye oottakattha, ila khwa atthu apale ahiiyeeni oottakattha na ahiiyeeni mamuumini khayiivo etthu yoottakattha. Maana waaza shawuri zaya na akhili zaya zatapanyeya.

Meepereewu 10:22

apho nlaweni nimwaattame Nluku na rooho yookhweele na amini khaamili, na rooho zootwahareshiwa khwa akhili za paathuli na wiiyana mwiili wawoosiwa ti maati oohalalishiwa.

Meepereewu 13:18

Mwinilompele, maana ninkhupalela yoori akhili zeetthu pi zooshapweya, nitakhaka yoori niikhale wooshitaheya khwa vitthu zooshi.

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

Tiyaaku 4:8

Mwimwaattame Nluku na ye ontta owaattamani! Moose makhono enu, anatwampi! Mweeyo mwiriina shawuri zawaawanyeya, mwitwahareshe rooho zenu!

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.

1 Pheeturu 3:16

Khwa zooshi, mwirette epo khwa emaani na shitaha mwithokorelaka akhili zooshapweya, khwa nanna yoori apale anttakhulaaye wootakhalavo khwa menttezi enu ooshapweya khwa Al-Masiihu, ewaapatthe haaya na ohankawaani aya.

1 Pheeturu 3:21

Nasaapi eti maati apo anthoonyeza njampo la woosa liniwuusurwaanini mweeyo, khahiyo mwaasa wa olaza ttaakha za mwiili, ila khwa ahiti ya akhili zooshapweya mmakhono wa Nluku khwa osisimuwa wa Yinsa Al-Masiihu,

1 Pheeturu 4:8

Khwa zooshi, mwiphetane weekhweelevo wakhula mmote na nzeenu, maana pheta enswaamihi twampi zawaatta.

2 Pheeturu 1:7

va emaani, ojalana; va ojalana, pheta.

1 Yaahaya 3:10

Etthiipo phi anjuweyaavo apale eeyiye aana a Nluku na apale eeyiye aana a sheethwani: otule ahineettettisaaye shariya oto khahi wa Nluku na otule ahinimphetaaye ttwiiye pi etthiipo.

1 Yaahaya 3:23

Oruma wawe pi opu: yoori fweeyo nikhupali nzina la Mwanawe Yinsa Al-Masiihu, na yoori niwaaphete azeetthu, nkhama Nluku anirumiyeezo.

1 Yaahaya 3:3

Wakhula otule ariina nroromelo opu ajittakatthise nkhama etthiipi naye eeyiyeeyo woottakattha.