1 Timootiyu 1:4 - Hapari Zooshapweya

⁴ Owoozaka theenya yoori alikhe olottela hantisi na waalaka mazina a marehemu. Epo zaya zintiisa onyakulisana na enlikhisa mwentto wa Nluku onlottaniwaaye amini.

1 Timootiyu 1:4 Iomraidhean Croise

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

Ayeefezu 3:2

weekhweele mweeyo mwinjuwa yoori Nluku, mwaasa wa rehema yawe, akinkha khaazi eti khwa saana yenu mweeyo.

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

1 Timootiyu 4:7

Masomi oovonyeya na hantisi zoololo ojiwerawerisane. Ojikhomaaze na emaani.

1 Timootiyu 6:11

Ila weeyo, ntthu wa Nluku, vitthu zaya epo owerawere. Weekese weettettisa shariya, emaani, epaata, pheta, ovilela na ojithuza.

1 Timootiyu 6:20

Weeyo Timootiyu! Etile olikheliweeyo otthe nroho. Owerawere mattakhuzi oololo aninveyisaaye Nluku na akhili zoovonyeya zinooniwaaye nkhama ojuwa ila zihiiyeeni.

2 Timootiyu 2:14

Mattakhuzi apa owaafikhirise atthu ooshi, owoozaka saaneene omaasho wa Nluku yoori ahijitupweeze muunyakulisana monkoni wa mattakhuzi. Opo aya khuna fwayita, oniwaatapanya apale ansiilaaye.

2 Timootiyu 2:22

Otthire tuvela za oshaapu weekese olotta shariya, amini, pheta na heeri, vamote na apale ariina rooho yooshapweya aninkhuwelaaye Mbwana.

2 Timootiyu 2:23

Wiiye peetiwene na onyakulisana woololo woohiina fwayita, weeyo ojuwe yoori epo zaya entotha wuumani.

2 Timootiyu 4:4

Anttela olikha osiila haakhi asala asiileza hantisi.

Tiitu 1:1

Miiyo Paawulu, karumeya wa Nluku na aswihaapa wa Yinsa Al-Masiihu khwa oweettana ananthawuliwa a Nluku nkatthi wa amini yoori ajuwe haakhi eniwettanaaye muukemaani;

Tiitu 1:14

na ohisiileze hantisi za mayaahuuti wala oruma wa anaatamu apale ankhijilelaaye haakhi.

Tiitu 3:9

Ila weeyo ojiwerawerisane onyakulisana wa ololo na warakha ya mazina a amarehemu, okheetisana na nyaasa monkoni wa kano za mayaahuuti. Vitthu zaya epo khinfwayi na khina fwayita.

Meepereewu 13:9

Mwihijilikhelele mwithuuliwaka pi masomi ofwarikhana na oohijuweyi. Afwataali rooho wiiya yoolipisiwa ti rehema woohiiyi khwa vitthu zoojeliwa majampo, etthiipo zihiniwapatthisaaye fwayita apale anjaaye.

2 Pheeturu 1:16

Weekhweele fweeyo khanaari olotta hantisi zoopankiwa saaneene wakathi naari owuuzanini monkoni wa owahi wa ota wawe Mbwana eetthu Yinsa Al-Masiihu; ila naari mashaahiti nooniyeeyo owula wawe.