1 Pheeturu 5:9 - Hapari Zooshapweya

⁹ Muumanane na mwilipalipe nkatthi wa amini, mwijuwaka yoori attwi enkeene mwiriina olumwenku wooshi na yo anhoowa etthiipo.

1 Pheeturu 5:9 Iomraidhean Croise

Luuka 22:32

Ila miiyo koolompela yoori amini yawo ehizime. Amana orutela wiiya vamote na miiyo, owaalipisele azaawo.”

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Khaazi 14:22

Awaakhomaazaka na owaatumerela anakhiyoni yoori ajilipisane amini na awoozaka theenya yoori: “Ennihithajiya ovirela tafwawuthi zawaatta yoori neette muufwalume wa Nluku.”

1 Akorintiyu 10:13

Ozayiniwa wuupatthiyeenini mweeyo pi otthuupo oniwapatthaaye atthu ooshi. Na Nluku ti wa waamineya; ye khanteela olikhelela yoori mweeyo mwiiye ozayiniwa khwa khiima ya ohiwahi ovilela. Ila amana mwizayiniwaka, ye oniwinkhani nanna ya kiphenyo yoori mweeyo mwiwahi ovilela.

Ayeefezu 4:27

Mwihimwinkhe kiphenyo sheethwani.

Ayeefezu 6:16

Olikha toowo, mwirumeyele khawo ya amini, khwa ethiito mwinwahi ofuja mikhwenyenye zooshi zoojakhuliwa za ntakhali.

Akoloosu 2:5

Maana, keeyaru pure peetiwene khwa mwiili, kiri vamote na mweeyo khwa rooho. Na kinfurahi khwa owoonani nanna mwinikhalaazo wookusanyeya na nanna eriizo yookhomaala amini mwiriina khwa Al-Masiihu.

1 Atizaloonika 3:3

yoori ahiiyevo anttelaaye osakhinyiwa ti miswipa zaya epo. Maana mweeyo mwinjuwa saaneene yoori nathawuleliwa oretta etthiipo.

1 Timootiyu 6:12

Wuumane viittha yooshapweya ya epaata, okholelele ohaayi wa mileele. Okhuweleliweeyo noolaza oshaahiti wooshapweya wa tukhuru yawo omaasho wa atthu a waatta.

2 Timootiyu 3:12

Weekhweele apale antakhaaye wiikhala wa emaani khwa Yinsa Al-Masiihu aniiya oolupatthiwa.

2 Timootiyu 4:7

Koomana viittha yooshapweya, kamarisa otthira waka, kathokorela amini.

Meepereewu 11:33

apo khwa amini, oomanana ofwalume, eettettisa shariya na khupwekhera etile Nluku awaahitiyeeyo, attiyela milomo za aasipa,

Meepereewu 12:8

Nkhama mweeyo khamwinlikhisiwa, na khupe olikhisiwa ori wa aana ooshi, toowo khahi mwa aana eekhweele, ila mwa aana ohiiyi akhweele.

Tiyaaku 4:7

Nakataalikha mwijinkhe wa Nluku. Mwinkhijilele sheethwani, yoori ye ootthireni.

1 Pheeturu 1:6

Mwifurahele ethiito, nalelo enasaapi ti, khwa wakathi vattitthiiru, mwinteela ohuzunikhisiwa ti wakhula nanna ya wootootiwa.

1 Pheeturu 2:21

Tithiito mwikhuweleliweeyo, maana Al-Masiihu ahoowa khwa zwaamu yenu mweeyo, alikhaka nthoonyezo, yoori mweezele mwentto awe.

1 Pheeturu 3:14

Khwa zooshi, hatha nkhama mwintta ohoowa mwaasa wa weettettisa shariya, mweeyo mwinttela wiiya oparikhiyiwa. “Mwihoove epile yo anoovaaye, mwihisuthuwe.”

1 Pheeturu 4:13

Ila mwifurahi mwaasa wa oretta phantte ya ohoowa wa Al-Masiihu, yoori amana ottitthima wawe othoonyeziwa, mweeyo mwitthape khwa furaha khuluyeene.

Othoonyeziwa 1:9

Miiyo Yaahaya, ttwi na nshirikheenu muuhoowa, na muufwalume, na nthiti khwa Yinsa, kaari esura ya Paatimo mwaasa wa nttakhuzi la Nluku na oshaahiti khwa Yinsa.

Othoonyeziwa 6:11

Aphano wakhula mmote wa yo khupwekhera kuwo moote yoolakala, na khuuziwa yoori aweje vattitthiiru theenya, mpakha olikana thamani ya ashirikha aya na attwiizaya, aarina ya wuuliiwa nkhama yo.

Othoonyeziwa 7:14

Miiyo khunjipu yoori: “Mbwana, weeyo onjuwa.” Ye khuri: “Apa pi apale alankhiyeeyo vakatthi wa nswipa nwulweene na afula kuwo zaya na alakaza na taamu ya Pwittipwitthi.