1 Pheeturu 4:6 - Hapari Zooshapweya

⁶ Khwa etthiipo hapari zooshapweya atafusireliwa theenya ananfwa yoori yo hatha nkhama eetta ophukiwa khwa mwiili wa onaatamu, eekhale khwa Rooho, nkhama Nluku antakhaazo.

1 Pheeturu 4:6 Iomraidhean Croise

Matewuzhu 24:9

“Aphano yo anteela owinkhelelani yoori mwilupatthiwe na muuliwe, mwinlawa mweeniwe ti khapila zooshi mwaasa wa nzina laka.

Arooma 8:2

Maana vakatthi wa Yinsa Al-Masiihu, kano ya rooho ya ohaayi yakitaphula khwa kano ya twampi na ofwa.

Akaalata 2:19

Maana miiyo akiniikhala khwa kano, ila kafwa vakatthi wa kano, yoori kiiyane meekhazi khwa Nluku.

Akaalata 5:25

Nkhama niniikhala khwa Rooho ya Nluku, aphano nina yaweettetta naye khwa Rooho ethiito.

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

1 Pheeturu 3:19

Khwa kuvu za Rooho Ttakatthiifu, ye atafusirela rooho zaari zoofukeliwa.

Othoonyeziwa 14:18

Theenya nlayikha likina, liriina ofwalume khwa moottho, khulaawo wa alitaari, khunkhuwela na huula yoosileya ntthile liriina sheko yoonoliwa liraka: “Othuule sheko yawo yoonoliwa na okusanye miwawa za wuuva za nviteera wa va tuniya, maana wuuva zaya zattokottha.”