1 Pheeturu 4:13 - Hapari Zooshapweya

¹³ Ila mwifurahi mwaasa wa oretta phantte ya ohoowa wa Al-Masiihu, yoori amana ottitthima wawe othoonyeziwa, mweeyo mwitthape khwa furaha khuluyeene.

1 Pheeturu 4:13 Iomraidhean Croise

Matewuzhu 16:27

Apho Mwaana wa Pinaatamu onlawa ate nnuuru wa Papaawe na malayikha awe, amwinkhe phakari wakhula ntthu khwa etile arettiyeeyo.

Matewuzhu 25:21

“Mbwanaawe khunjipu yoori: ‘Kemaani, karumeya wooshapweya na wa waamineya! Weeyo waamineya khwa ttiitthiiru, apho kintta owinkha yawaatta. Ote ofurahi vamote na Mbwana awo.’

Matewuzhu 25:23

“Mbwanaawe khunjipu yoori: ‘Kemaani, karumeya wooshapweya na wa waamineya, weeyo waamineya khwa ttiitthiiru, miiyo kiniwinkha zawaatta. Ote ofurahi na Mbwana awo.’

Matewuzhu 25:31

“Amana Mwaana wa Pinaatamu ata nsiifwa mwawe na malayikha ooshi, onttela wiikhala vakhukulu vawe ya nuuru ya pinkuuni.

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Matewuzhu 5:12

Mwifurahi na mwitthape, maana tthuvo yenu pinkuuni khuluyeene, maana khwa nanna etthiipo awaalupatthiye manapiyu aviriyeeyo khapula ya mweeyo.

Maaruku 8:38

Otule anikoonelaaye haaya miiyo na mattakhuzi aka, khwa khapila epi zoovonya na za twampi, Mwaana wa Pinaatamu onteela omoonela haaya amana ataaka nsiifwa wa Papaawe na malayikha ttakatthiifu.”

Luuka 17:30

“Enttela orettikhana etthiipo siikhu anttelaavo othoonyeziwa Mwaana wa Pinaatamu.

Khaazi 16:25

Osikhu layili, Paawulu na Siila eetta olompa na omwiipela maliipo asiifwa Nluku, anamafukeliwa akina eettaka owaasiila.

Khaazi 5:41

Maaswihaapa khusaruwamo nnyuupa khuulu ya Mashawuriiya ari ofurahi mwaasa wa Nluku owoona wiiyana owahi ohoowa wa opattisisiwa haaya mwaasa wa nzina la Yinsa.

Arooma 5:3

Na khahiyo etthiipo paasi, ila theenya ninjittitthimisa mmiswipa, maana miswipa entana ovilela;

Arooma 8:17

Nkhama na aana, apho na anamarithi, anamarithi a Nluku na anamarithi vamote na Al-Masiihu; nkhama khweele ninhoowana khwa ye, yoori theenya nirette phantte ya ottitthimisiwa wawe.

Arooma 8:18

Kinkhupalela yoori ohoowa weetthu nasaapi eti, khunlikanisaniwa siifwa enttelaaye othoonyeziwa khwa fweeyo.

2 Akorintiyu 1:5

Maana, nkhama etthiipo ninrettaaye phantte ya ohoowa wa Al-Masiihu, theenya ozurwiwa weetthu onta khwa vakatthi wa Al-Masiihu.

2 Akorintiyu 1:7

Na nroromelo eetthu khwa mweeyo pi wookhomaala, maana najuwa yoori khwa nanna ethiito mwinrettaaye phantte ya ohoowa weetthu, theenya mwinretta phantte khwa ozurwiwa weetthu.

2 Akorintiyu 4:10

Wakhula swaafu va mwiili nintana ofwa wa Yinsa, yoori theenya ohaayi wa Yinsa othoonyezeye va mwiili veetthu.

2 Akorintiyu 4:17

Maana ohoowa weetthu wa oveya oniviraaye, onjeka khwa fweeyo siifwa ya mileele enlemeelaaye zayita zooshi epo.

Afiliipu 3:10

Kintakha onjuwa Al-Masiihu, owahi woosisimuwa wawe. Na kintakha oretta phantte nkatthi wa ohoowa wawe na kijirette wiiya nkhama ye ofwa wawe,

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

2 Timootiyu 2:12

amana nivilela, ninteela wiiya afwalume vamote na ye; amana ninkhana, na ye onteela onikhana;

1 Pheeturu 1:13

Nakataalikha mwiiyane akhili zootthenkezeya, oolikana khwa oretta, mwiiye oojisiileza na nroromelo enu wooshi mwitthe nkatthi wa rehema mwinttelaaye winkhiwa amana Yinsa Al-Masiihu athoonyeziwa.

1 Pheeturu 2:21

Tithiito mwikhuweleliweeyo, maana Al-Masiihu ahoowa khwa zwaamu yenu mweeyo, alikhaka nthoonyezo, yoori mweezele mwentto awe.

1 Pheeturu 5:1

Miiyo, theenya kiiyiyeeyo nttunkhulu wa ojama wa Nluku, kiniwaahirimiza attunkhulu a ojama wa Nluku ari vakatthi venu mweeyo. Ki shaahiti wa ohoowa wa Al-Masiihu na kinttela oretta phantte ya ottitthima onttelaaye othoonyeziwa:

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Yuuda 1:24

Khwa otule eeyiyeeyo wa owahi yoori ookattazeni muukwakwanttuwa na yoori oothonyezeni nsiifwa mwawe woohiina hatha nlepa na furaha khuluyeene,

Othoonyeziwa 1:7

Moone! Ye onta mmawiku, maasho ooshi anteela omoona, hatha apale anshomiyeeyo na nkokhi; atthu ooshi a voolumwenku anteela ojiliza mwaasa wa ye. Enttela orettikhana etthiipo! Amiina.

Othoonyeziwa 1:9

Miiyo Yaahaya, ttwi na nshirikheenu muuhoowa, na muufwalume, na nthiti khwa Yinsa, kaari esura ya Paatimo mwaasa wa nttakhuzi la Nluku na oshaahiti khwa Yinsa.