1 Pheeturu 2:9 - Hapari Zooshapweya

⁹ Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

1 Pheeturu 2:9 Iomraidhean Croise

Zaapuura 22:30

Peewu entaaye enteela onrumeyela, na atthu anttela olupa monkoni wa Mbwana oozaka khapila entaaye.

Matewuzhu 4:16

Atthu aari wiikhalaaye n'yiiza oona nuuru khuluyeene; khwa apale aari wiikhalaaye miti za mwiivuuli wa ofwa, amwasikheliwa ti nuuru.”

Matewuzhu 5:16

Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.

Luuka 1:79

ewaamwasikhele apale ari n'yiiza na vamwiivuuli woofwa, yoori eneettettise ntarikhi ya heeri.”

Yaahaya 17:19

Khwa zwaamu yaya kinjittakatthisa miiyo, yoori na yo attakatthe khwa haakhi.

Khaazi 20:28

Mweettette saana na mwitthantte khuntti etile Rooho Ttakatthiifu awinkhiyeenini otthantta, yoori mwiiye attunkhulu awulu a ojama wa Nluku, otthuupo ye oozanyiyeeyo na taamu yawe.

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Khaazi 26:28

Aphano Akiriipa khumuuza Paawulu yoori: “Apho weeyo onoona yoori khwa wakathi vattitthiiru onikishintta okirette wiiya namalottela wa Yinsa?”

Arooma 9:24

Ama talili ti fweeyo, theenya awaakhuweliyeeyo khahiyo vakatthi wa mayaahuuti paasi, ila theenya amalapo.

1 Akorintiyu 3:17

Amana ntthu atapanya Nyuupa ya Nluku, na Nluku ontta ontapanya. Maana Nyuupa ya Nluku ttakatthiifu, na mweeyo mwa nyuupa yawe yoosifwiwamo.

Ayeefezu 1:14

Ethiito ti yiiyiyeeyo nroromelo wa erathi yeetthu mpakha wookhowa sawasawa wa apale eeyiyeeyo a Nluku, khwa siifwa ya nuuru yawe.

Ayeefezu 1:6

Khwa siifwa ya nuuru ya rehema yawe etile aninkhiyeeyo mahala khwa Mphetani awe.

Ayeefezu 3:21

asifwiwe ye vakatthi wa ojama wa Nluku na khwa Yinsa Al-Masiihu khwa khapila zooshi, mileele. Amiina!

Afiliipu 3:14

kiniikarisa epile kintthomaazo, yoori kipatthe tthuvo ya okhuweliwa wa pinkuuni wa Nluku khwa Al-Masiihu Yinsa.

Akoloosu 1:13

Ye anikaphula nkatthi wa oshintta wa yiiza khunittha muufwalume wa Mwanawe wompheta wawe,

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

1 Pheeturu 1:2

athawuliweeyo khwa matakhelo a ojuwa wa Nluku Paapa khwa khaazi ya ottakatthisa ya Rooho Ttakatthiifu, yoori anshututele Yinsa Al-Masiihu, na wiittikha wa taamu yawe: Rehema na heeri ti yeekezeliwe.

1 Pheeturu 2:5

mweeyo theenya mwinrumeyeliwa nkhama mawe haayi khwa ojekaniwa nyuupa ttakatthiifu, yoori mwipatthe onamalokozela wa tiini ttakatthiifu, mwinkhaka twaha ttakatthiifu yookhupaleliwa ti Nluku vakatthi wa Yinsa Al-Masiihu.

1 Pheeturu 4:11

Otule anttakhulaaye, attakhule nkhama antafusiraaye nttakhuzi la Nluku; otule anrumeyaaye ti arumeye khwa kuvu enkhiweeyo ti Nluku, yoori khwa vitthu zooshi Nluku asifwiwe khwa Yinsa Al-Masiihu, otule eeyiye ottitthima na owahi khwa mileele. Amiina.

Othoonyeziwa 1:6

khuniretta ofwalume na onamalokozela wa tiini yoori ninrumeyele Nluku awe na Paapa. Attitthimisiwe na owahi wiiye wawe khwa mileele! Amiina.

Othoonyeziwa 20:6

Ooparikhiyiwa na attakatthiifu pi apale ariina phantte ya osisimuwa wa mwanzo! Ofwa wa phiiri khuna owahi khwa yo; anttela wiiya anamalokozela a tiini ya Nluku na a Al-Masiihu, anttela olokozela vamote na ye khwa nyaakha alufu.

Othoonyeziwa 5:10

Weeyo wawenkha ofwalume na wiiya mahaakhimu a tiini a Nluku eetthu, yo anttela othawala va tuniya.”