1 Pheeturu 2:21 - Hapari Zooshapweya

²¹ Tithiito mwikhuweleliweeyo, maana Al-Masiihu ahoowa khwa zwaamu yenu mweeyo, alikhaka nthoonyezo, yoori mweezele mwentto awe.

1 Pheeturu 2:21 Iomraidhean Croise

Matewuzhu 10:38

Otule ahinvikelaaye nsalapa awe akilotta, khansuhi wiiya namalottela aka.

Matewuzhu 11:29

Mwithuule tthentte yaka na mwikeezele, maana miiyo kiwoonyamala na woojipushuwisa nroho, mweeyo mwintta opattha ovumula wa nafusi zenu.

Matewuzhu 16:24

Aphano Yinsa khuwooza anakhiyoni awe yoori: “Nkhama ntthu ontakha okilotta, ajikatthale mweenyewe, athuule nsalapa awe akilotte.

Luuka 24:26

Al-Masiihu khaarina yoohoowa etthiipo yoori eette nnuuru mwawe?”

Yaahaya 13:15

Miiyo kawinkhani nthoonyezo yoori etthiipi kirettiyeezo na mweeyo mwisale mwiretta etthiipi.

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Khaazi 14:22

Awaakhomaazaka na owaatumerela anakhiyoni yoori ajilipisane amini na awoozaka theenya yoori: “Ennihithajiya ovirela tafwawuthi zawaatta yoori neette muufwalume wa Nluku.”

Khaazi 17:3

aweelezaka na awaathoonyezaka yoori Al-Masiihu aarina yoofwa na asisimuwe muufwa. Khulupa yoori: “Yinsa othuutu miiyo kinuufiselanini Al-Masiihu ti othuuto.”

Khaazi 9:16

Kinlawa kanthoonyeze Sawulu nanna anttelaaye ohoowa mwaasa wa nzina laka.”

Arooma 8:29

Maana apale Nluku awathawuliyeeyo, awaaphakula yoori alattanane Mwanawe. Ye aretta epo yoori mwanawe eeye wa omwanzo vakatthi wa attwi enkeene.

1 Akorintiyu 11:1

Mwikeezele miiyo, nkhama etthiipo miiyo kinimweezelaazo Al-Masiihu.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

Afiliipu 2:5

Menttezi enu eeye sawasawa na a Al-Masiihu Yinsa.

1 Atizaloonika 3:3

yoori ahiiyevo anttelaaye osakhinyiwa ti miswipa zaya epo. Maana mweeyo mwinjuwa saaneene yoori nathawuleliwa oretta etthiipo.

1 Atizaloonika 4:2

Maana mwinjuwa oruma niwinkhiyeenini mweeyo khwa ofwalume wa Mbwana Yinsa.

2 Timootiyu 3:12

Weekhweele apale antakhaaye wiikhala wa emaani khwa Yinsa Al-Masiihu aniiya oolupatthiwa.

Meepereewu 2:10

Khwa owaalokoza aana awaatta nsiifwa, yaari ohithajiya yoori Nluku, khwa othuuto na vakatthi wa othuuto vitthu zooshi ziriivo, akhamilikhe, vakatthi wa ohoowa, mweenyewe nusura yaya.

1 Pheeturu 1:20

Ye athawuliwa ti Nluku khapulathi olumwenku ohinompiwe, ila khuthoonyeziwa wakathi opu wa mwiisho khwa zwaamu yenu mweeyo.

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

1 Pheeturu 3:9

Yootakhala mwihiriphe khwa yootakhala, wala mattukhano khwa mattukhano; olikha toowo mwijipu khwa mattakhuzi a parakha, maana mwakhuweliwa yoori mwirette etthiipo, yoori mwipwekherele parakha khwa erathi.

1 Pheeturu 4:1

Nakataalikha, nkhama etthiipo Al-Masiihu ohoowiyeevo mwiili awe, theenya wuupuwela weenu mwitthenkeze nanna moote, maana otule ahoowiyeeyo khwa mwiili awe onlikha oshinttiwa ti twampi,

1 Pheeturu 4:13

Ila mwifurahi mwaasa wa oretta phantte ya ohoowa wa Al-Masiihu, yoori amana ottitthima wawe othoonyeziwa, mweeyo mwitthape khwa furaha khuluyeene.

1 Yaahaya 2:6

otule anraaye onlipana ye, oto ona yaweettetta nkhama ye eettettiyeezo.

1 Yaahaya 3:16

Khwa etthiipo ninjuwa niini pheta: Yinsa aleva ohaayi awe khwa fweeyo, na nina yooleva ohaayi eetthu khwa attwi zeetthu.

Othoonyeziwa 12:11

Yo anshintta khwa taamu ya Pwittipwitthi na khwa mattakhuzi oshaahiti alaziyeeyo; maana aajilakeleliye oleva ohaayi aya na ofwa.