1 Pheeturu 2:16 - Hapari Zooshapweya

¹⁶ Mwiikhale nkhama atthu ootaphuliwa, ila mwihirumeyele otaphuliwa nkhama nswammaha wa orettana vitthu zootakhala; ila mwiikhale nkhama akarumeya a Nluku.

1 Pheeturu 2:16 Iomraidhean Croise

Matewuzhu 23:13

“Olaanikha pu weenu mweeyo anamanozela a kano na mafwarizeewu, manaafikhi, maana mwiniwafukela atthu ofwalume wa pinkuuni, ila na mweeyo khuheettimo na khamwintakha owaalikha weettamo apale antakhaaye weettamo waya!

Yaahaya 15:22

Eriwaka akaatiiye kilupa, yo khaari wiiyana paathwili ya twampi. Ila apha khana hatha nanna ya ojaakisa monkoni wa twampi zaya.

Arooma 6:18

Mweeyo mwataphuliwa ntwampi, na mwaretteya wiiya amwiitthwaana a shariya.

Arooma 6:22

Aphano mwalaziwamo ntwampi mwarettiwa oviitthwaana wa Nluku na mishumo mwinshumaaye zinuurettani wiiya a Ttakatthiifu, omwiisho waya ohaayi wa mileele.

1 Akorintiyu 7:22

Maana otule aari mwiitthwaana, khukhuweliwa nkatthi wa amini ti wootaphuliwa wa Mbwana, maana ti wa Mbwana. Khwa nanna ethiito, otule aari wootaphuliwa khukhuweliwa nkatthi wa amini mwiitthwaana wa Al-Masiihu.

Akaalata 5:1

Al-Masiihu anitaphula yoori niiye wootaphuwa. Nakataalikha mwiiye ookhomaala, mwihijirutisele opheya nkatthi wa mapwattha oovitthwaana.

Akaalata 5:13

Maana mweeyo attwiizaku, mwakhuweliwa yoori mwitaphuliwe. Otaphuliwa waya opo mwihirumeyele khwa winkha kiphenyo tuvela za onaatamu, ila mwirumeyelane mmote na nzeenu khwa pheta.

Ayeefezu 6:6

Khahiyo owaashututela amana eeya attaapho paasi yoori mwipatthe owaatuvelisa, ila mwirette zooshi mwaasa wa wiiya amwiitthwaana a Al-Masiihu, mwirettaka na rooho yenu matakhelo a Nluku.

Akoloosu 3:24

mwijuwaka yoori mwinteela opwekhera phakari ya erathi khwa Mbwana, maana mwininrumeyela Al-Masiihu, Mbwana.

1 Atizaloonika 2:5

Mweeyo mwinjuwa saaneene yoori mattakhuzi eetthu khahiyo ottettekha wala wuutakhani etthu. Nluku shaahiti wa epo zaya.

Tiyaaku 1:25

Ila ntthu anlottaaye saana kano khaamili zintanaaye otaphuliwa na khusala asiileza kano zaya etthiipo khuhisala asahawu epile asiiliyeezo na oretta, onttela wiiya wa oshapweyisiwa khwa wakhula etile anrettaaye.

Tiyaaku 2:12

Ottakhule na orette nkhama ntthu anttelaaye ophukiwa ti kano entaphulaaye.

2 Pheeturu 2:19

Awaahitaka atthu otaphuliwa, ila yo ari amwiitthwaana a vitthu zootakhala, maana ntthu oniiya mwiitthwaana wa etile eninshinttaaye.

Yuuda 1:4

Nakataalikha atthu akina, ahinimoovaaye Nluku ata vakatthi venu woohisopheliwi. Yo anzukulisa rehema ya Nluku khwa vitthu zoovonyeya. Na aninkatthala Yinsa Al-Masiihu, Mfwalume eetthu na Mbwana eetthu otthwe. Raku zeene Zawaatikhiwa Ttakatthiifu zalupa hukhumu yo apwekheriyeeyo.