1 Pheeturu 2:12 - Hapari Zooshapweya

¹² Mwiikhale nkhama nthoonyezo vakatthi wa makaafiri, yoori hatha nkhama yo antta wuulokovezani oretta vitthu zootakhala, oone khaazi zenu zooshapweya na anttitthimise Nluku siikhu yoophukiwa.

1 Pheeturu 2:12 Iomraidhean Croise

Matewuzhu 10:25

Nakhiyoni ona yoofurahi amana anfiyela mwaaliimu awe, na karumeya amana anfiyela Mbwana awe. Moone, amana mweenyewe nyuupa attukhaniwa na khutthajiwa nzina la Belezibuuli, khi ajamaaze khatepeeni!

Matewuzhu 5:11

“Ooparikhiyiwa ti mweeyo amana mwittukhaniwaka, olupatthiwa na olupeziwa wakhula nanna ya ohankawaani mwaasa wa miiyo.

Matewuzhu 5:16

Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.

Matewuzhu 9:8

Paata ya atthu woona vitthu epile khuwaapattha woova, khunsifu Nluku, awenkhiyeeyo anaatamu ofwalume nkhama opo.

Luuka 1:68

“Asifwiwe Mbwana Nluku, Nluku wa Ezirayiilu, ateeliyeeyo owaawuni na owaataphula atthu awe.

Luuka 19:44

Onttela ophwantteliwa vamote weeyo na aanaawo, khalinlawa osala hatha liwe vatulu wa liwe nzaaya, maana weeyo khunhakikheeni Nluku wakathi aateeliyeeyo owuusuru.”

Luuka 6:22

Ooparikhiyiwa ti mweeyo, amana atthu eephiiriwaka ti mweeyo, awiikarani, oottukhanani na khuwoonani ohifwayi mwaasa wonlotta Mwaana wa Pinaatamu.

Yaahaya 13:31

Wakathi Yuuda aliyeevo, Yinsa khulupa yoori: “Nasaapi Mwaana wa Pinaatamu onsifwiwa, na Nluku onsifwiwa khwa ye.

Khaazi 15:14

Simawu Pheeturu aneeleza khwa nanna Nluku omwanzo anthoonyeziyeeyo wiiyana niiya na amalapo, atakhaka yoori akusanye khapila za atthu khwa nzina lawe.

Khaazi 24:13

wala yo khanlawa opattha hakiikha ya vitthu zaya epo anikilupezaayo.

Khaazi 25:7

Wakathi Paawulu atiiyeevo, mayaahuuti alankhiyeeyo Yeruzaleemu khukusanyeya attaaphale, khusala anlokoveza mattakhuzi awoopisa na ootakhala ila khuhimoonani hatha paathwili.

Khaazi 28:22

Khwa attaapho naari otakha osiila khwa phantte yawo shawuri oriinaazo, maana najuwa yoori wakhula vahali enttakhuliwa vitthu zootakhala monkoni wa khuntti eti.”

Arooma 12:17

Mwihinriphe ntthu yootakhala khwa yootakhala. Mweekese oretta vitthu zoolotteya vakatthi wa atthu ooshi.

Arooma 13:13

Nijilikanise weekhweelevo nkhama atthu aneettettaaye nnuuru ya nthana, khahiyo khaapa twayifu na ohapaliwa, wala oraruwa na zowera, wala onyakulisana na nrima.

Arooma 14:18

Otule aninrumeyelaaye etthiipo Al-Masiihu, Nluku ti wontuvela na oniiya woohakikhiwa pi anaatamu.

Arooma 15:9

yoori amalapo anttitthimise Nluku khwa tthakaraka yawe, nkhama etthiipo yaatikhiweezo yoori: “Tiito miiyo kinuusifu vakatthi wa amalapo; kiniipela siifwa nzina lawo.”

1 Akorintiyu 14:25

na siiri za nroho mwawe enteela osaruwa, khwa etthiipo, ye onkokhora afiise ajihi vathi, na omwaaputu Nluku anyakulaka araka: “Wekhweele Nluku ori vakatthi venu!”

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

2 Akorintiyu 13:7

Nilompe ninvekelaka Nluku yoori mweeyo mwihirette hatha etthu yootakhala. Khahiyo yoori atthu akina anoone yoori ahinikatthale, ila yoori mweeyo mwirette etthu yoolotteya, hatha nkhama nalattanana atthu ookatthaliwa.

2 Akorintiyu 8:21

Maana ninaaye phoole ya oretta etile yiiyiyeeyo yoolotteya, khahiyo omaasho wa Mbwana paasi, ila theenya omaasho wa anaatamu.

Ayeefezu 2:3

Raku fooshi fweeyo naari wiikhala nkhama atthaapo, nirettaka niiya za onaatamu etthu, nilottelaka tuvela zaya na wuupuwela waya. Nkhama akinoko aya, naari atthu yaari onisuhaaye katapu ya Nluku.

Ayeefezu 4:22

Khwa mwentto wa meekhazi apale a raku, mwasomisiwa olikha ontthu opule wa raku, woojitapanya khwa tuvela zenu zoohata,

Afiliipu 1:27

Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.

Afiliipu 4:8

Wiishela waya attwiizaku, yooshi yiiyiyeeyo ya ookhweele, yooshi yiiyiyeeyo ya shitaha, yooshi yiiyiyeeyo yoolotteya, yooshi yiiyiyeeyo swaafi, yooshi yiiyiyeeyo yoophetiwa, yooshi yiiyiyeeyo yootuvela, amana yiiyavo etthu yootepa oshapweya ama ensuhaaye ottitthimisiwa, mwifikhiri vitthu zaya epo.

1 Atizaloonika 4:12

yoori mweettette wa waamineyavo omaasho wa apale ariiye oje, woohimweekeseli hatha ntthu.

1 Timootiyu 2:2

Mwiwaalompele afwalume na attunkhulu ooshi apale ariinaaye yenzi yoori fweeyo niiyane meekhazi a wiitthaala, a heeri, emaani na hishima khuluyeene.

1 Timootiyu 4:12

Ahiiyevo antakhaaye wuutarawu mwaasa wa wiiya shaapu, ila khwa ottakhula wawo, menttezi awo, pheta, amini na wookemaanivo wiiye nthoonyezo wa anamwaamini.

1 Timootiyu 5:10

Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.

Meepereewu 13:18

Mwinilompele, maana ninkhupalela yoori akhili zeetthu pi zooshapweya, nitakhaka yoori niikhale wooshitaheya khwa vitthu zooshi.

Meepereewu 13:5

Mwaattuwanise ohaayi enu pheta ya nzurukhu. Mwifurahele vitthu epile mwiriinaazo; maana Nluku mweenyeweene alupa yoori: “Miiyo akinteela wuulikhani na wala akinteela owaanswini.”

Tiyaaku 3:13

Paani ariina akhili na weeleyiwa vakatthi venu? Ti athoonyeze wooshapweyavo khwa khaazi zookholiwa woojipushuwisavo zoolankha muujuwa.

1 Pheeturu 2:15

Maana niiya ya Nluku mweeyo oretta saana, yoori mwinyamaze ohijaliwi wa alolo.

1 Pheeturu 3:16

Khwa zooshi, mwirette epo khwa emaani na shitaha mwithokorelaka akhili zooshapweya, khwa nanna yoori apale anttakhulaaye wootakhalavo khwa menttezi enu ooshapweya khwa Al-Masiihu, ewaapatthe haaya na ohankawaani aya.

1 Pheeturu 4:11

Otule anttakhulaaye, attakhule nkhama antafusiraaye nttakhuzi la Nluku; otule anrumeyaaye ti arumeye khwa kuvu enkhiweeyo ti Nluku, yoori khwa vitthu zooshi Nluku asifwiwe khwa Yinsa Al-Masiihu, otule eeyiye ottitthima na owahi khwa mileele. Amiina.

2 Pheeturu 3:11

Maana vitthu zooshi zinteela wiiya etthiipo zootapanyiwa, mweeyo mwinhithajiya wiiya atthu a nanna ni? Mwina ya wiikhala khwa nanna ttakatthiifu na ya emaani,