1 Pheeturu 1:3 - Hapari Zooshapweya

³ Asifwiwe Nluku, Paapa wa Mbwana eetthu Yinsa Al-Masiihu! Khwa owula wa tthakaraka yawe, ye anikaphula khuninkha nroromelo wawiiyavo khwa osisimuwa wa Yinsa Al-Masiihu vakatthi wa ananfwa,

1 Pheeturu 1:3 Iomraidhean Croise

Yuunusa 4:2

Ye khusala amuuza Nnyizinku araka: “Oo Nnyizinku, khahiyo eti khaalupiye nalelo kiri onti? Tithiito yaakipatthisiyeeyo otthira keettaka Taarisi. Miiyo kaajuwiye yoori weeyo o Nluku wa tthakaraka na wa huruma, woovilela na woopheta channu, onaahitaaye ohukhumu ila khulevelela amana wiiyavo othupwiya.

Yaahaya 1:13

Atthaapo ahivokoliweeni khwa ephattu, wala khwa matakhelo a onaatamu wala ohiiyi khwa makhaamu a nlume, ila avokoliwa khwa matakhelo a Nluku.

Arooma 12:12

Mwifurahele nroromelo mwiriinaaye, mwiiye oovilela miswipa, na olompa woohilikheleli.

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Arooma 4:25

Ye enkheleliwa ofwela twampi zeetthu na khusisimuwa yoori anihakikhi.

Arooma 5:10

Maana wakathi naari maatuwi a Nluku nawahi osiilana na ye khwa ofwa wa mwanawe, khutepa nasaapi eti nisiilananiyeevo ye, ninteela wuusurukha mwaasa wa ohaayi awe.

Arooma 8:11

Nkhama Rooho ya otule ansisimuliyeeyo Yinsa eri vamote na mweeyo, othuuto ansisimuliyeeyo Al-Masiihu nkhapuri theenya onteela osisimula mwiili enu woofwa, khwa Rooho yawe eniikhalaaye khwa mweeyo.

Arooma 8:24

Maana khwa nroromelo otthuupo noosurwiwa. Ila nroromelo onooneyaaye khahiyo nroromelo. Paani anwejelaaye etile anoonaaye?

1 Akorintiyu 13:13

Aphano ziwaapho vitthu epi ttatthu: Amini, owejela na pheta. Nakataalikha khuulu khwa epi zaya pheta.

1 Akorintiyu 15:20

Ila wekhweele, Al-Masiihu asisimuwa vakatthi wa ananfwa, othuuto eeyiyeeyo mwanzo na nroromelo wa apale ooshi afwiyeeyo.

2 Akorintiyu 1:3

Attitthimisiwe Nluku na Paapa wa Mbwana eetthu Yinsa Al-Masiihu, Paapa wa tthakaraka na Nluku wa ozuru wooshi,

Akaalata 6:16

Heeri na tthakaraka ti yiiye na apale aneettettelaaye mwentto otthuupo, theenya khwa Ezirayiilu ya Nluku.

Ayeefezu 1:17

Kininvekela Nluku wa Mbwana eetthu Yinsa Al-Masiihu, Paapa wa siifwa, yoori awinkheni rooho ya akhili na yoothonyeziwa khwa onjuwa waya saaneene,

Ayeefezu 1:3

Attitthimisiwe Nluku Paapa wa Mbwana eetthu Yinsa Al-Masiihu, aniparikhaniyeeyo nasipu zooshi za parakha za nroho za pinkuuni khwa Al-Masiihu.

Ayeefezu 1:7

Ye anitaphula koosa zeetthu khwa taamu yawe, ninaaye nswammaha wa twampi khwa maali za rehema ya Nluku,

Ayeefezu 2:4

Ila mwaasa wa Nluku wiiya thaajiri wa tthakaraka na mwaasa wa pheta khuluyeene ariinaaye na-fweeyo,

Ayeefezu 3:20

Otule ariina makhaamu ooretta zooshi zawaatta venkivene, zayita epile ninvekaazo ama ninuupuwelaazo khwa owahi onkholaaye khaazi vakatthi veetthu,

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

1 Atizaloonika 1:3

Ninfikhiri woohilikheleli omaasho wa Nluku eetthu Paapa, maana mweeyo mwinthoonyeza amini entanaaye khaazi, ojilipisa onlankhaaye khwa pheta na nthiti lintaaye khwa onroromela Mbwana eetthu Yinsa Al-Masiihu.

1 Atizaloonika 4:13

Attwiizetthu, khanintakha yoori mweeyo mwitikhine khwa apale afwiiyeeyo, yoori mwihiiye ohuzunikha nkhama akina apale ahina nroromelo.

2 Atizaloonika 2:16

Yoori Mbwana Yinsa Al-Masiihu mweenyewe, na Nluku papeetthu, aniphetiyeeyo na khuninkha ominyala wa mileele na nroromelo wooshapweya khwa rehema,

1 Timootiyu 1:14

Rehema yooziti ya Mbwana eetthu khukiishukhela, khukipatthisa ompheta na omwaamini Ye.

Tiitu 2:13

naahirishaka nroromelo wooshapweya na othoonyeziwa wa siifwa ya Nluku nwulu na Namuusuru Yinsa Al-Masiihu.

Meepereewu 3:6

Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

Tiyaaku 1:18

Mwaasa wa matakhelo awe, anumpa na nttakhuzi lawe la haakhi, yoori niiye puuro yamwanzo khwa zumpe zawe zooshi ompiyeeyo.

1 Pheeturu 1:13

Nakataalikha mwiiyane akhili zootthenkezeya, oolikana khwa oretta, mwiiye oojisiileza na nroromelo enu wooshi mwitthe nkatthi wa rehema mwinttelaaye winkhiwa amana Yinsa Al-Masiihu athoonyeziwa.

1 Pheeturu 1:21

Khwa ye mweeyo mwankhupali Nluku, otule ansisimuliyeeyo muufwa na khunttitthimisa, khwa nanna yoori amini na nroromelo enu wiiye khwa Nluku.

1 Pheeturu 1:23

Khwa etthiipo mwivokoliweeyo opheya, woohiiyi khwa peewu enaashikhaaye, ila ehinaashikhaaye, khwa nttakhuzi la Nluku, la ohaayi na la mileele.

1 Pheeturu 2:2

Nkhama aana atteetthe, mwihithajiye leethi swaafi ttakatthiifu la nroho, yoori khwa nttinttho mwiwulele nusura,

1 Pheeturu 3:15

Khapulathi, mwimwinkhe hishima Al-Masiihu nroho mweenu nkhama Mbwana. Wakathi wooshi mwiiye woojitthenkeza yoori mwinjipu wakhula otule anuuvekelaanini weeleziwa monkoni wa nroromelo mwiriinaaye.

1 Pheeturu 3:21

Nasaapi eti maati apo anthoonyeza njampo la woosa liniwuusurwaanini mweeyo, khahiyo mwaasa wa olaza ttaakha za mwiili, ila khwa ahiti ya akhili zooshapweya mmakhono wa Nluku khwa osisimuwa wa Yinsa Al-Masiihu,

1 Pheeturu 3:5

Maana pi etthiipo theenya aari ojijirisaaye aakha ttakatthiifu araku, aari onroromelaaye Nluku. Yo aari ojinkha mmakhono wa amanna zaya,

1 Yaahaya 2:29

Nkhama mweeyo mwinjuwa yoori ye nashariya, mwijuwe theenya yoori wooshi otule aneettettelaaye shariya avokoliwa ti ye.

1 Yaahaya 3:3

Wakhula otule ariina nroromelo opu ajittakatthise nkhama etthiipi naye eeyiyeeyo woottakattha.

1 Yaahaya 3:9

Wakhula otule avokoliweeyo ti Nluku khanretta twampi, maana ojama awe onlipa khwa ye. Oto khanwahi orutela weettetta ntwampi maana avokoliwa ti Nluku.

1 Yaahaya 4:7

Aphetani aka, niphetane mmote na nzeetthu, maana pheta enlankha wa Nluku. Wakhula otule amphetaaye avokoliwa ti Nluku na oninjuwa Nluku.

1 Yaahaya 5:1

Ooshi apale ankhupalaaye yoori Yinsa ti Al-Masiihu oto avokoliwa ti Nluku, na ooshi apale animphetaaye Nluku onimpheta otule anvokoliyeeyo.

1 Yaahaya 5:18

Ninjuwa yoori ooshi apale avokoliweeyo ti Nluku khaneettetta ntwampi, maana Mwaana wa Nluku ontta owiinanela, na ntakhali khaninsapa.

1 Yaahaya 5:4

Maana ooshi apale avokoliweeyo ti Nluku ashintta olumwenku. Na opu pi oshintta olumwenku: amini yeetthu.