1 Pheeturu 1:22 - Hapari Zooshapweya

²² Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.

1 Pheeturu 1:22 Iomraidhean Croise

Yaahaya 15:17

Opo pi oruma waka: mwiphetane mmote na nzeenu.

Yaahaya 15:3

Mweeyo mwattakatthisiwa ti nttakhuzi kiwuuziyeenini.

Yaahaya 17:17

Owaattakatthise na haakhi; nttakhuzi lawo haakhi.

Yaahaya 17:19

Khwa zwaamu yaya kinjittakatthisa miiyo, yoori na yo attakatthe khwa haakhi.

Khaazi 15:9

Ye khanivirikaniseeni fweeyo na yo, maana atwaharesha rooho zaya khwa amini.

Khaazi 6:7

Etthiipile nttakhuzi la Nluku khusala limwazeyela Yeruzaleemu, Thamani ya anakhiyoni khusala yeekezeleya; na anamalokozela a tiini enkeene aari oshututela amini.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Arooma 2:8

Ila eniiyavo katapu na hukhumu khwa apale ojikhupali, ankatthalaaye haakhi na khusala alottela vitthu zohiiyi za shariya.

Arooma 8:13

Maana, amana mweeyo mwiikhala khwa nanna ontakhaazo onaatamu, mwintta ofwa; ila khwa rooho amana muula tuvela za mwiili, mwiniiya haayi.

2 Akorintiyu 6:6

khwa ohalaali, ojuwa, ovilela na okemaani, khwa Rooho Ttakatthiifu na pheta ya khweele,

Akaalata 3:1

Oo alolo Akaalata! Paani oolowiyeenini? Yinsa Al-Masiihu aasaruleliwe omaasho weenu khukhomeliwa vansalapa!

Akaalata 5:5

Maana fweeyo khwa Rooho ya Nluku ninwejela khwa nroromelo, shariya enlankhaaye nkatthi wa amini.

Akaalata 5:7

Mweeyo mwaari weettetta saana. Khi paani olikhisiyeenini orutela oshututela haakhi?

Ayeefezu 4:3

Mwijilipise yoori mweekese othokorela okusanyeya wa Rooho Ttakatthiifu khwa ophakanyeya wa heeri.

Afiliipu 1:9

Eto lompa yaka yoori: pheta yenu wakhula swaafu esala yeekezeleya khwa ojuwa na weeleyiwa wookhamilikha,

1 Atizaloonika 3:12

Yoori Mbwana awulise na eekezele pheta mwiriinaaye mmote na nzeenu na atthu ooshi, khwa nthoonyezo wa pheta yeetthu na mweeyo.

2 Atizaloonika 1:3

Attwi, nina ya onshukhurwela Nluku wakhula swaafu khwa mweeyo; eto ya shariya, maana amini mweeyo mwiriinaaye entepa owula channu na eneekezela pheta yenu mooshi mmote na nzeenu.

2 Atizaloonika 2:13

Ila fweeyo nina ya onshukhurwela Nluku wakhula wakathi khwa mweeyo attwiizetthu, aphetani a Mbwana, maana thanku omwanzo Nluku oothawulani yoori mwiiye awuusurukha, khwa khaazi za ottakatthisa wa Rooho na amini mwiriinaaye khwa haakhi.

1 Timootiyu 1:3

Nkhama etthiipo kaawuuziyeezo wakathi opule kaari weettaaye nti wa Masetooniya, yoori amana osala nti wa Eefezu owaahirimize atthu akina yoori ahikhanyarele osomisa mwentto woovonyeya.

1 Timootiyu 1:5

Maana a masomi aya apa ophetana wa rooho yookemaani, na ojuwa othawula yooshapweya vakatthi wa yootakhala, na amini yohiiyi yoonaafikhi.

1 Timootiyu 4:12

Ahiiyevo antakhaaye wuutarawu mwaasa wa wiiya shaapu, ila khwa ottakhula wawo, menttezi awo, pheta, amini na wookemaanivo wiiye nthoonyezo wa anamwaamini.

1 Timootiyu 5:2

aakha a wuuziti owula nkhama amamazo, na aamwari nkhama alupuwo wookemaanivo.

2 Timootiyu 1:14

Etile winkhiweeyo, othokorele khwa Rooho Ttakatthiifu eniikhalaaye khwa fweeyo.

Meepereewu 11:8

Khwa amini Eburahiima, wakathi akhuweliweevo ti Nluku yoori alawe puuro aari weettelaaye orithisiwa, ye khushututi; khusala alawa, woohijuwi ohali aari weettaawo.

Meepereewu 13:1

Mwikhanyarele ophetana mmote na nzeenu nkhama attwi khwa Al-Masiihu.

Meepereewu 5:9

Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

Meepereewu 6:10

Nluku khahi woohiiyi wa shariya. Ye khanteela osahawu khaazi zenu na pheta mwithonyeziyeeyo, maana mwawenkha nkhono attakatthiifu na apho mwinvira mwiwenkhaka.

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

Tiyaaku 1:21

Nakataalikha, mwilikhe vitthu zooshi zootakhala na zoohifwayi, mwipokherele na ojipushuwisa nttakhuzi nttinttho likheyiweeyo liriina owahi wa wuusuru nafusi zenu.

Tiyaaku 4:8

Mwimwaattame Nluku na ye ontta owaattamani! Moose makhono enu, anatwampi! Mweeyo mwiriina shawuri zawaawanyeya, mwitwahareshe rooho zenu!

1 Pheeturu 1:2

athawuliweeyo khwa matakhelo a ojuwa wa Nluku Paapa khwa khaazi ya ottakatthisa ya Rooho Ttakatthiifu, yoori anshututele Yinsa Al-Masiihu, na wiittikha wa taamu yawe: Rehema na heeri ti yeekezeliwe.

1 Pheeturu 2:17

Mwiwaatthantte atthu ooshi khwa shitaha, mwiwaaphete attwi, mwimoove Nluku, na mwinshitahi mfwalume.

1 Pheeturu 3:1

Khwa nanna etthiipo, mweeyo aakha mwina ya owaashitahi amanna zenu, yoori nkhama yo khankhupalela nttakhuzi la Nluku, afiyelele okhupali mwaasa wa menttezi enu, woohuuziwi hatha nttakhuzi,

1 Pheeturu 3:20

Epo zaari rooho za apale ahaari onshututelaaye Nluku, wakathi ye aari oweejaaye na ovilela siikhu epile Nuuhi aari omwaattalaavo aaraka. Eettiyemo atthu vattitthiiru, oosheene aari wanaane pi oosurukhiyeeyo khwa maati.

1 Pheeturu 3:8

Omwiisho waya, wuupuwela weenu wiiye nanna moote, ohurumiyana, mwithoonyezaka pheta ya ottwi, mwiiye awoonelana tthakaraka na oojipushuwisa.

1 Pheeturu 4:17

Maana wafiya wakathi wa waaziwa ophukiwa nyuupa ya Nluku, na nkhama enaaza khwa fweeyo, onttela wiiya woolipa mwiisho wa apale ahinshututelaaye hapari zooshapweya za Nluku.

1 Pheeturu 4:8

Khwa zooshi, mwiphetane weekhweelevo wakhula mmote na nzeenu, maana pheta enswaamihi twampi zawaatta.

2 Pheeturu 1:7

va emaani, ojalana; va ojalana, pheta.

1 Yaahaya 3:11

Hapari mwisiiliyeezo thanku omwanzo pi epi: yoori nisala niphetana mmote na nzeetthu.

1 Yaahaya 3:23

Oruma wawe pi opu: yoori fweeyo nikhupali nzina la Mwanawe Yinsa Al-Masiihu, na yoori niwaaphete azeetthu, nkhama Nluku anirumiyeezo.

1 Yaahaya 4:12

Khaavo amooniyeeyo Nluku. Nkhama nimphetana mmote na nzeetthu, Nluku oniikhala khwa fweeyo, na toowo, opheta wawe oniiya wookhamilikha khwa fweeyo.

1 Yaahaya 4:20

Nkhama ntthu onri onimpheta Nluku khusala eephiiriwa ti ttwiiye, oto namalokova. Maana otule ahimpheteeni ttwiiye, otule animoonaaye, khanwahi ompheta Nluku, otule ahinimoonaaye?

1 Yaahaya 4:7

Aphetani aka, niphetane mmote na nzeetthu, maana pheta enlankha wa Nluku. Wakhula otule amphetaaye avokoliwa ti Nluku na oninjuwa Nluku.

Othoonyeziwa 2:4

Ila kinaaye eti khwa mweeyo, mweetta olikha pheta mwarinaaye mwanzo.