1 Pheeturu 1:17 - Hapari Zooshapweya

¹⁷ Amana mwilompaka mwininkhuwela Paapa, otule amphukaaye sawasawa khaazi ya wakhula ntthu, mwinshitahi ye khwa ohaayi enu va olumwenku apha.

1 Pheeturu 1:17 Iomraidhean Croise

Mwanzo 47:9

Yaakhumpa khunjipu araka: “Kinaaye nyaakha miiya na talaathiini, keettaka osaafiri kijeettettelaka. Nyaakha epi kivirisiyeeyo vattitthiiru na pi zootakhala, mpakha apha akinafiye nyaakha epile eekhaliyeezo amarehemu apapazaku.”

Matewuzhu 16:27

Apho Mwaana wa Pinaatamu onlawa ate nnuuru wa Papaawe na malayikha awe, amwinkhe phakari wakhula ntthu khwa etile arettiyeeyo.

Matewuzhu 22:16

Khuwaaruma anakhiyoni aya na atthu akina a khuntti ya Herooti khusala amuuza Yinsa yoori: “Mwaaliimu, fweeyo najuwa yoori weeyo onlupa khweele na onsomisa na khweele tarikhi ya Nluku, khunjilikha othowelelisiwa ti ntthu, wala khuniwaaphuka atthu khwa nanna ariizo.

Matewuzhu 6:9

Nakataalikha, mweeyo amana mwilompaka mwisala mwiri toono: “ ‘Papeetthu oriiye pinkuuni, littitthimisiwe nzina lawo loottakatthifu,

Arooma 11:20

Yalikana. Yo zashijiwa mwaasa woohikhupali, weeyo nalelo wiiye wookhomaala mwaasa wa amini. Aphano ohijikhutupule ila woove.

2 Akorintiyu 1:2

Khwa mweeyo, rehema na heeri ya phantte ya Nluku Papeetthu na ya Mbwana Yinsa Al-Masiihu yiiye vamote na mweeyo.

2 Akorintiyu 5:6

Nakataalikha, ninaaye nroromelo mileele na ninjuwa yoori, nalelo amana niiya khwa mwiili, niniiya peetiwene na Mbwana.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

2 Akorintiyu 7:11

Moone, huzuni eti ya Nluku, etthu etaniyeeyo khwa mweeyo: ojinkha, nswamaha, ojiinanela, woova, onukheliwa, tafwawuthi, niiya ya woona erettiwe vitthu za shariya! Khwa mooshi mweeyo mwajithoonyeza wiiya oohiretti hatha etthu monkoni wa vitthu epo.

Akaalata 2:6

Ila apale anjoonaaye wiiya oojuwanikha, kinlupa toowo, miiyo khinikijali nanna yo ariizo, maana Nluku khanimphuka ntthu khwa wumpo awe, apo anjoonaaye khakuuzeeni yoori kiina ya weekezelavo etthu khwa hapari epi kintafusiraaye.

Ayeefezu 1:17

Kininvekela Nluku wa Mbwana eetthu Yinsa Al-Masiihu, Paapa wa siifwa, yoori awinkheni rooho ya akhili na yoothonyeziwa khwa onjuwa waya saaneene,

Ayeefezu 3:14

Mwaasa wa ethiito, miiyo kinkokhora omaasho wa Paapa,

Ayeefezu 6:9

Mweeyo mwiiyiyeeyo ambwana, mwiwaatthantte amwiitthwaana enu woohiwaatuturushi, muupuwelaka yoori mweeyo na yo Mbwana enu mmote na ori pinkuuni khaniwaafwarikhanisa atthu.

Afiliipu 2:12

Aphetani aka, nkhama etthiipo mwikishututeliyeeyo siikhu zooshi, khahiyo amana kiiyavo paasi, ila theenya amana kihiivo, mwikhole khaazi ya nusura yenu khwa woova na othukumela.

Akoloosu 3:25

Ila otule anrettaaye vitthu zootakhala, onteela opwekhera phakari khwa vitthu zootakhala epile anrettaazo. Mbwana khanteela onthawula ntthu.

Meepereewu 12:28

Nakataalikha, zaama nimpwekheraaye ofwalume woohisakinyeyi, nina ya wiiya ooshukhuru na etthiipo nimwaaputu Nluku, khwa shitaha na woova wa ottakatthifu,

Meepereewu 4:1

Nakataalikha, ahiti ya ofiya puuro ya ovumula ya Nluku nalikheliwa. Ahiiyevo mmote wa mweeyo anuupuwelaaye yoori avonya.

1 Pheeturu 2:11

Aphetani aka, kinuutumerelani nkhama aletto na anamasaafiri a va olumwenku, mweeyo mwina ya wanswi tuvela za onaatamu etthiipo zinuumananaaye nafusi.

1 Pheeturu 3:15

Khapulathi, mwimwinkhe hishima Al-Masiihu nroho mweenu nkhama Mbwana. Wakathi wooshi mwiiye woojitthenkeza yoori mwinjipu wakhula otule anuuvekelaanini weeleziwa monkoni wa nroromelo mwiriinaaye.