1 Pheeturu 1:15 - Hapari Zooshapweya

¹⁵ Ila nkhama etthiipo eeyiyeezo ttakatthiifu otule ookhuweliyeenini, theenya mweeyo mwiiye attakatthiifu khwa zooretta zenu zooshi,

1 Pheeturu 1:15 Iomraidhean Croise

Matewuzhu 5:48

Nakataalikha mwiiye atthu khaamili, nkhama etthiipo eeyiyeeyo khaamili Papeenu wa pinkuuni.

Arooma 9:24

Ama talili ti fweeyo, theenya awaakhuweliyeeyo khahiyo vakatthi wa mayaahuuti paasi, ila theenya amalapo.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

Afiliipu 1:27

Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.

Afiliipu 3:14

kiniikarisa epile kintthomaazo, yoori kipatthe tthuvo ya okhuweliwa wa pinkuuni wa Nluku khwa Al-Masiihu Yinsa.

Afiliipu 3:20

Ila onyunti eetthu ori pinkuuni, ottuukho nininwejaawo woohivarankeyi Namuusuru, Mbwana Yinsa Al-Masiihu.

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

1 Timootiyu 4:12

Ahiiyevo antakhaaye wuutarawu mwaasa wa wiiya shaapu, ila khwa ottakhula wawo, menttezi awo, pheta, amini na wookemaanivo wiiye nthoonyezo wa anamwaamini.

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

Tiitu 3:14

Atthu eetthu ana ya ojinozela oretta vitthu zooshapweya na awaawunaka azaaya nkatthi wa tafwawuthi, wakhula siikhu, na ahiiye ooviliwa.

Tiitu 3:8

Mattakhuzi apa pi awaamineya, miiyo kintakha yoori weeyo Tiitu okhanyarele olupa, yoori apale aninkhupalaaye Nluku ajilipisane oretta khaazi zooshapweya. Vitthu zaya epo pi za otepa oshapweya na za fwayita khwa anaatamu.

Meepereewu 12:14

Mwijilipisane wiikhala khwa heeri na atthu ooshi na yoori mwiiye attakatthiifu; noohiina ottakatthifu, khina anttelaaye omoona Mbwana.

Meepereewu 13:5

Mwaattuwanise ohaayi enu pheta ya nzurukhu. Mwifurahele vitthu epile mwiriinaazo; maana Nluku mweenyeweene alupa yoori: “Miiyo akinteela wuulikhani na wala akinteela owaanswini.”

Tiyaaku 3:13

Paani ariina akhili na weeleyiwa vakatthi venu? Ti athoonyeze wooshapweyavo khwa khaazi zookholiwa woojipushuwisavo zoolankha muujuwa.

1 Pheeturu 2:12

Mwiikhale nkhama nthoonyezo vakatthi wa makaafiri, yoori hatha nkhama yo antta wuulokovezani oretta vitthu zootakhala, oone khaazi zenu zooshapweya na anttitthimise Nluku siikhu yoophukiwa.

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

1 Pheeturu 3:16

Khwa zooshi, mwirette epo khwa emaani na shitaha mwithokorelaka akhili zooshapweya, khwa nanna yoori apale anttakhulaaye wootakhalavo khwa menttezi enu ooshapweya khwa Al-Masiihu, ewaapatthe haaya na ohankawaani aya.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

1 Yaahaya 3:3

Wakhula otule ariina nroromelo opu ajittakatthise nkhama etthiipi naye eeyiyeeyo woottakattha.

Othoonyeziwa 3:7

“Khwa ojama wa Nluku wa Filateelifiya waatikhe yoori: Apa mattakhuzi a otule eeyiye nttakatthifu na nkhweele, ariina efukulo ya Daawuuda. Etile ye anfukulaaye khina anwahaaye ofuka, na etile ye anfukaaye khina anwahaaye ofukula.

Othoonyeziwa 4:8

Wakhula moote yaarina mapaphelo sitha na zaari za wiitaala maasho, nkerekhere mpakha mmapaphelo. Woohilikheleli osikhu na nthana wiipa yoori: “Ttakatthiifu, ttakatthiifu, ttakatthiifu, ti Mbwana Nluku, Nwahi zooshi, aariivo, ariivo, na anttelaaye ota.”

Othoonyeziwa 6:10

Yo aari okhuwa woosileyavo alupaka yoori: “Mpakha lini oo Mfwalume Nwulu, nttakatthifu na nkhweele, onttelaaye oweja yoori owaaphuke anamwiikhala a va tuniya na ojiripha khwa taamu yeetthu?”