1 Pheeturu 1:13 - Hapari Zooshapweya

¹³ Nakataalikha mwiiyane akhili zootthenkezeya, oolikana khwa oretta, mwiiye oojisiileza na nroromelo enu wooshi mwitthe nkatthi wa rehema mwinttelaaye winkhiwa amana Yinsa Al-Masiihu athoonyeziwa.

1 Pheeturu 1:13 Iomraidhean Croise

Olaawo 12:11

Mwiwale, nzako n'yuunu, jampali mmoolu na mwikholele pakhora mmakhono, mwirafune wawaakuvavo; otu paashikowa wa Nnyizinku.

Matewuzhu 20:4

Aphano khuwooza yoori: ‘Na mweeyo mwilawe mwakhole khaazi mmashapa mwaka la wuuva, miiyo kintta wuuriphani etile enttelaaye wiiya ya shariya.’

Luuka 12:35

Yinsa khuvira alupaka yoori: “Mwiiye oojeekesela na khantteya zenu ziri zookhoziwa.

Luuka 17:30

“Enttela orettikhana etthiipo siikhu anttelaavo othoonyeziwa Mwaana wa Pinaatamu.

Luuka 17:8

Kinoona yoori khaavo! Ila khapula onimuuza yoori: ‘Wiipikhe etthu yoojiwa, owale kuwo zawo okirumeyele kijaka na kinywaka. Aphano amana kiisha na weeyo oje na onywe!’

Arooma 13:13

Nijilikanise weekhweelevo nkhama atthu aneettettaaye nnuuru ya nthana, khahiyo khaapa twayifu na ohapaliwa, wala oraruwa na zowera, wala onyakulisana na nrima.

Arooma 8:19

Zumpe zooshi enwejela, na nroromelo nwulweene, yoori aana a Nluku eeye othoonyeziwa.

1 Akorintiyu 1:7

khwa nanna ehinuusaleeleenini hatha tthuvo ttakatthiifu, mwiwejelaka othoonyeziwa wa Mbwana eetthu Yinsa Al-Masiihu.

1 Akorintiyu 13:13

Aphano ziwaapho vitthu epi ttatthu: Amini, owejela na pheta. Nakataalikha khuulu khwa epi zaya pheta.

Ayeefezu 6:14

Khwa etthiipo, mwiiye woolikana, mwiwale nzako wa haakhi, na mwiwale jaketa ya shariya.

Akoloosu 3:4

Al-Masiihu, otule eeyiye ohaayi enu, amana athoonyeziwa, aphano mweeyo theenya mwinlawa mwathoonyeziwe na ye mu ottitthima mwawe.

2 Atizaloonika 1:7

na oniwinkhani ovumula mweeyo mwintaneliwaaye miswipa na khwa fweeyo theenya. Epo zinttela orettikhana amana Mbwana Yinsa ajithoonyeza pinkuuni na malayikha awe owahi khwa vakatthi wa moottho wookholela.

2 Timootiyu 4:5

Ila weeyo ojithuze khwa wakhula etthu, ovilele ohoowa, okhole khaazi ya onamalaleya okhole sawasawa khaazi Nluku awinkhiyeeyo.

2 Timootiyu 4:8

Aphano kapweheliwa jarata ya shariya, etile Mbwana namaphuka wa shariya, anttelaaye okinkha siikhu yaya ethiito; khahiye miiyo otthome paasi, ila theenya ooshi apale aneekeselaaye ota wawe.

Meepereewu 10:35

Apho mwihanswi nroromelo mwiriinaaye, onaaye phakari khuluyeene.

Meepereewu 3:6

Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

Meepereewu 6:19

Niiyane nroromelo nkhama nankura wa nafusi woolipalipa na wookhomaala. Nroromelo opu onvira va phazira khweetta puuro Ttakatthiifu ya attakatthiifu pinkuuni.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

1 Pheeturu 1:10

Yaari monkoni wa nusura ethiito, manapiyu eekesiyeeyo khwa phoole khuthola yoori ajuwe. Yo khulupa rehema mwatthomeliweeyo,

1 Pheeturu 3:15

Khapulathi, mwimwinkhe hishima Al-Masiihu nroho mweenu nkhama Mbwana. Wakathi wooshi mwiiye woojitthenkeza yoori mwinjipu wakhula otule anuuvekelaanini weeleziwa monkoni wa nroromelo mwiriinaaye.

1 Pheeturu 4:7

Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.

1 Pheeturu 5:12

Khwa awuni ya Siila, othuuto kinimonaaye wiiya ttwi wa waamineya, miiyo kawaatikhelani khwa mattakhuzi vattitthiiru, kuulipiselakani na kilazaka oshaahiti yoori eti rehema ya ookhweele ya Nluku. Mwiiye woolipalipa nrehema ya Nluku.

1 Pheeturu 5:8

Mwiiye oojisiileza na mwijeekesele. Sheethwani, atuwi enu, onzukulela akulumaka nkhama siipa amweekesaka ntthu yoori amwankameze.

1 Yaahaya 3:3

Wakhula otule ariina nroromelo opu ajittakatthise nkhama etthiipi naye eeyiyeeyo woottakattha.