NWER NYI POL NYONO TV ANEB ERO BA LI GO ROM 11:1 - Ekajuk Scriptures NT

¹ N kpꞌbahbe re, anv, Esowo ebten ane ebea? Eꞌee! Mefono antahng, me nne Israel wo. Me mmon no Ebraham wo. N lohng go etꞌtohngo ji Benjamin.

Ekajuk New Testament

¹ N kpꞌbahbe re, anv, Esowo ebten ane ebea? Eꞌee! Mefono antahng, me nne Israel wo. Me mmon no Ebraham wo. N lohng go etꞌtohngo ji Benjamin.

NWER NYI POL NYONO TV ANEB ERO BA LI GO ROM 11:1 Iomraidhean Croise

NWER NYI LUK 20:16

Á bahke bake ba wul abayaame etahngga bao, fere faake etahngga jio ka ane bandiki.” Eji ane bao wuku ano, bo kehm bungu re, “Esowo kꞌtaame!”

Eltum 22:3

“Me nne a Jus wo. Bo jel-m go Tarsus ji Silisia. Bo ko-m ntiil ntiil, ba a name go Jeusalem. Gamaliel wo jolo ntꞌtibi ewame. Bo tib-m tib atahm nya babnso ejahre nseenga nseenga. N rodo elname kpee nob nob ka Esowo jang jang ana wahn ji li a lela.

Eltum 26:4

“Jus kpee kpꞌkahne eljini ename, bomo ngare nyi n jolo ntiil. Tibre n jo kono eljolo a ane ebame go Jeusalem.

NWER NYI POL NYONO TV ANEB ERO BA LI GO ROM 11:11

N kpꞌbahbe re, Anv, bobsel elsel ni bo bahke gboka? Eꞌee! Ebꞌbi ebo ji wahnge eltahre ma rehng goji ane baka baka, eji bo lꞌjo teele Israel ala.

NWER NYI POL NYONO TV ANEB ERO BA LI GO ROM 3:4

Eꞌee, ano sang, Esowo li go etingitingi. Ane kpee ba kpo soodo. Ana nwer Esowo bungu re, “O Esowo, alum nya a kpo bung, ane bahke nyehne re, lohko li go etingitingi. Bo lꞌkak-a elam, a bahke lehke eno.”

NWER NYI POL NYONO TV ANEB ERO BA LI GO ROM 9:3

Tibre mefono antahng, n jo sahb sꞌseb re me n jol ejum nkuk, fere yaame a Kraist tib esi ji abonanee ba e lohng ano a bo,

Filipai 3:5

Bo yehk-m nrur, eji m ma kang nfung enehkeni. Me nne Israel wo. N lohng go etꞌtohngo ji Benjamin. Me nne a Hibru wo dahb dahb dahb. Babnsoo, anebe Hibru ba. Bade eyaame ji atahm abumu, me nne a Farisi wo.