Matiu 9:2 - Ekajuk Scriptures NT

² Ane bandiki kehm koko mbanne nyi noongo go edilnong ba a ne go ege. Eji Jisos nyehne eltaame ebo, á kehm tongo mbanne nyio re, “Mmon ewame, bob eltim! Abiafem enya, me n tahm ka-a.”

Ekajuk New Testament

² Ane bandiki kehm koko mbanne nyi noongo go edilnong ba a ne go ege. Eji Jisos nyehne eltaame ebo, á kehm tongo mbanne nyio re, “Mmon ewame, bob eltim! Abiafem enya, me n tahm ka-a.”

Matiu 9:2 Iomraidhean Croise

Matiu 14:27

Jisos kehm soro bung a bo tvtv re, “Boben eltim, me wo, kana kpe fahl!”

Matiu 4:24

Ane kpee ba jolo go Siria wuku kan elgahm ene, owo bo kehm koko aneb ayam kpee ba go ege, ba jo yam ajoobo ayam tvv, fere jo nyehn ajoobo arem, a ane ba bele abi atohko go bo a ntim, a aneb eyam atatehk, a ane ba ma banne. Jisos limi bo kpee, bo nob.

Matiu 6:12

Jo tahm ka-r go egahre abiafem, ana wahr kpo tahm ka ane ba lim-r abiafem.

Matiu 8:10

Eji Jisos wuku ano, kehm-e kpoko esi. Á kehm tongo ane ba jo toon-e re, “Etingitingi, n kp-n tongo re, elkohn eltaame ana nia n ka nyehn a nyehn go Israel.

Matiu 8:16

Eji elgung ba no, ane kehm koko ane gbalee ba bele abi atohko, ba go ege. Á kehm kame bo abi atohko nyao kpee yehke go ege ellum, fere lim aneb ayam kpee, bo nob,

Matiu 9:22

Jisos kehm keebe, nyehn-e, kehm-e tongo re, “Mmon ewame, bob eltim! Eltaame ena ni ma-a lim, a ma nob.” Ngare nyꞌnehm ona nyi nnenkal noo kehm soro nob.

Matiu 9:5

Anv, jen ji ga riidi, n lꞌtong-e re, ‘Abiafem enya me n tahm ka-a,’ afi n lꞌtong-e re, ‘Tahm, wo jen!’?

Matiu 9:6

M bahk-n tibi re, Mmon no nne kpi nsahm go njini nyia nyi á bahke ma tahm ka nne go ege abiafem.” Owo á kehm tongo mbanne nyio re, “Mehl, wo rod edilnong eja, song kehnge!”

NWER NYI MAK 1:32

Elgung ba kan a me, ngare nyi njul ma lahm, ane kehm koko aneb ayam kpee, a aneb abi atohko ba goji Jisos.

NWER NYI MAK 10:49

Jisos kehm yiimi, kehm bungu re, “Lungen ye tv-m!” Bo kehm lungu nwakamahr nyio re á ba. Bo kehm-e tongo re, “Bob eltim, wo tahm ba, á kp-a lungu.”

NWER NYI MAK 5:34

Jisos kehm tongo re, “Nnenkal, eltaame ena ebwahng ka wobnob. Song go eyebatahng! Woblohko nob eyam eba.”

NWER NYI MAK 6:50

Eji bo kpee nyehn-e no, bo kehm kehme elfahle. Jisos kehm soro tong bo re, “Me wo, kana kpe fahl! Boben eltim!”

NWER NYI JON 16:33

M bungu alum nyaa tong-n, eji ń lꞌbel elkoono tib go egame esi. Go njini nyia ḿ bahke jo bel afemfem. Kana jo tiiri, me n ga njini nyia.”

NWER NYI JON 2:25

Kpeem fuumu re nne awohng awohng tong-e bade ana ane li no, tibre yefono antahng kꞌkahn ana ntim ane li no.

NWER NYI JON 21:5

Jisos kehm bahbe bo re, “Abon ebame, ḿ bꞌbob nsahra?” Bo kehm-e faange re, “Eꞌee, ejumjum e bobem.”

Eltum 14:9

Á ji, jo wuungu atung go alum Esowo nya Pol jo bung. Pol kꞌkahn re, nne noo ebtaame elkohn eltaame ni á bahke nobo. Owo á kehm-e soro seenge too,

Eltum 19:12

Ane jo ko afiafong nya Pol bele no, a abomo enye, jo tahm a nya goji aneb ayam, bo jo nob ayam ebo, abi atohko fere jo lohng bo.

Eltum 23:11

Etoono atv mako, Ntul a Jisos kehm lohngo ba yiimi kohlo Pol, kehm bungu re, “Bob eltim! Wobyiimi ntianse ka-m go Jeusalem. A bahke tob kpe yiimi ntianse go Rom fvfo.”

NWER NYI POL NYONO TV ANEB ERO BA LI GO ROM 5:11

Jol ano ano sang, e kpꞌtob geere kak Esowo tib Jisos Kraist Ntul ewahre no ma-r lim re wahr jol go etem a Esowo.

Jems 2:18

Nne nondiki li ma bung re, “Ane bandiki kpꞌtaame go nnyo, ane bako kpꞌlimi eljini ni eltaame.” Elkohn nne noo m bahk-e faange re, “A bahk-m ma tib eltaame ena renan, eji a kil jo lim eljini ni eltaame? M bahk-a tibi eljini ename, a kahn eltaame ename.”