Jems 5:6 - Ekajuk Scriptures NT

⁶ Wahn ba lame etingi nne, kim ebi ka-e, fere wul-e. Á kpo yake elne ka-n.

Ekajuk New Testament

⁶ Wahn ba lame etingi nne, kim ebi ka-e, fere wul-e. Á kpo yake elne ka-n.

Jems 5:6 Iomraidhean Croise

Matiu 21:38

“Eji abayaame etahngga bao nyehne mmon ewe noo kpꞌbake, bo kehm bungu atemtem re, ‘Ye wo li nlehkelkv, nong, wahr song wulen ye, eji etahngga jia lꞌfere jol jꞌjahre.’

Matiu 27:20

Atubesi abalimajom, a anebkul nfam kehm kehme ellong ane bao eltim sennge re, bo gboongo Pailet, á yehke Barabas yake, fere wul Jisos.

Matiu 5:39

Wo, me n kp-n tongo re, Kana jo sahde ebi nne go eko! Nne lꞌrum-a elkpal go ekpoko eboblum, sennge ekpoko ebobkal ka-e, á kpe-a rum.

Eltum 22:14

“Ananayas kehm bungu re, ‘Esowo bi babnso ejahre ma-a yehke re wo kahn mbang enye, fere nyehn Etingitingi Nne ewe, fere wuk alum enye go ege a nnyo antahng.

Eltum 7:52

Nnyehnamahr awo no babnso ejahne ki-e nohk? Bo wulu bao ba jo tiingi wuku wuku re, ‘Etingitingi nne kpꞌbake.’ Ye wo ń gung-e no, fere wul-e.

Eltum 8:32

Edi nwer Esowo ji á jo lꞌlung li re, “Á jolo ana njoro nyi bo ma rod, yahke wul. Á jolo ana mmon a njoro no kil biingi, eji bo kp-e kpudu anyar. Á belle na belle, jol ellum anehng anehng á bungem.

Hibru 10:38

Edi nwer Esowo jehko kpe bung re, “Etingitingi nne bahke bele elkpin tib go ege eltaame. Wo, á lꞌjeere, feere njahm, eltim m-e nehm kpe yebe tob-e.”

Jems 2:6

Wahn ebdaange nkpak. Anv, afang ane sang kpo fil-n nyaame nyaama, fere jo tohng-n tahm a nahne go esuba?

Jems 4:2

Ń kpo sahb sꞌseb nsol, wo, ń kpehme bel. Owo wahnge ń kpo wul ane. Ń kpo baare amahr go nsol ane, ń kpehme bel. Owo wahnge ń kpo nok abohng, fere nok nta. Ń kpehme bel, tibre ń kpehme bahb.

1 Pita 4:18

Ana nwer Esowo bungu re, “Lꞌjol ejahkjahk re etingi nne Esowo bel eltahre, kehm gohro jol renan goji nne abiafem no ki nyi Esowo?”