Jems 2:21 - Ekajuk Scriptures NT

²¹ Ebraham nso ejahre li eno go esamahr bi Esowo tib go ejum ji á limi no, eji á rodo Aisik mmon ewe, song lim njom.

Ekajuk New Testament

²¹ Ebraham nso ejahre li eno go esamahr bi Esowo tib go ejum ji á limi no, eji á rodo Aisik mmon ewe, song lim njom.

Jems 2:21 Iomraidhean Croise

Matiu 12:37

Tibre Esowo bahke koko alum enya nya a bungu no, lam-a. Fundiki a bahke lehke eno. Fundiki a bahke lehke ebi.”

Matiu 3:9

Kana kpe laange, fere jo bung go egahna ntim re, ‘Ebraham wo li nso ejahre.’ N kp-n tongo re, Esowo bahke ma ko atal nyaa, lim abon ka Ebraham.

NWER NYI LUK 1:73

eji á tiri no, fere tong Ebraham, nso ejahre re,

NWER NYI LUK 16:24

Owo á kehm rabe re, ‘Nso Ebraham, nong, me n fil-a ndon! Lub tum Lasaros, á song behde ebnyohkobo ebe go alahb, ba behd-m go ebliki, eji ebliki ebame lꞌlub naang-m. Tibre n kpꞌnyehne erem sehng go agun nyaa.’

NWER NYI LUK 16:30

“Efange nne jio kehm tene re, ‘Eꞌee nso Ebraham, nne lꞌlohng akvne, fere song kpiri bo, bo bahke gboko ndon.’

NWER NYI JON 8:39

Bo kehm-e faange re, “Ebraham wo li nso ejahre.” Jisos kehm bungu tong bo re, “Li re ń li abon ba Ebraham, kehn ń kpꞌlimi ji Ebraham limi no.

NWER NYI JON 8:53

Anv, wo wo ga gbal sehnge Ebraham, nso ejahre no ma kpoa? Abanyehnamahr Esowo fvfo tꞌtob kpo. Anv, a kpꞌtiri re, wo elkohn nne awo?”

Eltum 7:2

Stiven kehm faange re, “Babnso wahn, a abonanee, wuungen atung! Esowo bi kpi ellub kpiri nso ejahre Ebraham eji á lene go Mesopotemia. Ebraham kehm song jol go Haran.

NWER NYI POL NYONO TV ANEB ERO BA LI GO ROM 3:20

Tibre nnene limm, no bahke lehke eno go esamahr bi Esowo, tib eji á limi ji atahm bungu no. Tibre Esowo ka atahm, eji ane lꞌkahn re, bo li aneb abiafem.

NWER NYI POL NYONO TV ANEB ERO BA LI GO ROM 4:1

Jen ji e bahke bungu bade Ebraham nso ejahre, no e lohng go ege etꞌtohngo?

NWER NYI POL NYONO TV ANEB ERO BA LI GO ROM 4:12

Á tob li nde no ane ba ma yehke nrur, ba ki yehke nrur nyi nyi, ba tob jo toono mbang eltaame ni Ebraham nso ejahre taame no ngare nyi á kala yehke nrur.

NWER NYI POL NYONO TV ANEB ERO BA LI GO ROM 4:16

Esowo nyame re, á bahke kake ane ba ma taame tv-e njini, eji lꞌjol ejum ayare ji nnoobo enye ka abon ba Ebraham kpee. Limm ka abon ba kpo bum atahm ba ba, tob li ka abon ba kpꞌtaame elkohn eltaame nio ni Ebraham. Tibre ye wo li nso ejahre, wahr ane kpee.

Hibru 11:17

Eltaame ni wahnge Ebraham yake mmon ewe ka ana ejum njom, ngare nyi Esowo wuung-e no. Á toobo ebjing re á yake mmon ewe na awohng awꞌwohng ka,

Jems 2:18

Nne nondiki li ma bung re, “Ane bandiki kpꞌtaame go nnyo, ane bako kpꞌlimi eljini ni eltaame.” Elkohn nne noo m bahk-e faange re, “A bahk-m ma tib eltaame ena renan, eji a kil jo lim eljini ni eltaame? M bahk-a tibi eljini ename, a kahn eltaame ename.”

Jems 2:24

Ń kpꞌnyehne re, nne, Esowo kpo ka-e eno tib go nsol nyi á kpꞌlimi, eltaame ni ni sang.