Eltum 9:3 - Ekajuk Scriptures NT

³ Eji Sol ma kabbe go Damaskus, ellennge kehm lohngo go elbung ya tub-e.

Ekajuk New Testament

³ Eji Sol ma kabbe go Damaskus, ellennge kehm lohngo go elbung ya tub-e.

Eltum 9:3 Iomraidhean Croise

Eltum 22:6

“Eji e ma tahm asongo, yahke ba elrehnge go Damaskus, ngare nyio jolo ngare efin, n kehm nyehne egburu ellennge ni lohngo go elbung, ya tub-m.

Eltum 9:17

Ananayas kehm soro tahm song rehng go etahk jio, sehng song yel ekpꞌkpa, kehm song kunu Sol ebo ebe, kehm bungu re, “Egban Sol, Ntul a Jisos ji a nyehn-e go mbang nyi a lohngo no jo ba, ye wo ma-m tum a, eji a lꞌkpe nyehn, Etingi Etohko fere rur go ega eltim.”

Eltum 9:27

Owo Barnabas kehm-e koko ba a ne goji abatiingetib Jisos, fere tooro tong bo ana Sol nyehne Jisos go mbang, Jisos fere bung a ne. Á tꞌtob tong bo ana Sol jo bung alum Esowo go mbing nyi Jisos esahb esahb go Damaskus.

1 Korint 15:8

Esꞌkohro, á kehm gohro ba kpiri me ji li ana nne no bo jel-e eji ngare ma sehng.

1 Korint 9:1

Anv, me n limm nne no ma fora? Anv, me n ntiingetib a Jisos sanga? Anv, n ka nyehn Jisos Ntul ewahra? Wahn sang li eltuuru go eltum ename ni n kpꞌlimi ka Ntula?

1 Timoti 6:16

ye ntahngtahng wo lꞌkꞌtiki kpo. Á lene go edi ellennge. Nnene limm, no bahke ma jen kohl-e. Nnene limm, no m-e nyꞌnyehn. Jol nnene limm, no bahk-e ma nyehn. Nong, ekpunu jol a ne, a nsahm nyi li go njinanjini. Emen.

Ellennge 21:23

Ejahbe jio ona kpehme seb njul, a ebareka re jo ya ona, tibre ellub ni Esowo ni kpꞌyake ejahbe jio, ni ni kpo ka ejahbe jio ellennge. Mmon a njoro wo li etꞌrekahng ji kpꞌyake ona.

Ellennge 22:5

Atv nehm kpe jol ejolojolo. Bo nehm kpe seb atꞌrekahng, jol njul bo nehm kpe seb. Tibre Jehova wo bahke jolo etꞌrekahng ebo ji bahke jo ka bo ellennge. Bo bahke jolo atul, jo fili adi go njinanjini.