Eltum 4:21 - Ekajuk Scriptures NT

²¹ Bo kehm kpe rehke bo tꞌtahne, kehm yake bo, bo song. Bo nyehnem mbang anyehng anyehng nyi bo bahke kake bo erem tib ane ba jolo o. Tibre nne awohng awohng jo tehke Esowo tib go nkpokosi nyi ma lim.

Ekajuk New Testament

²¹ Bo kehm kpe rehke bo tꞌtahne, kehm yake bo, bo song. Bo nyehnem mbang anyehng anyehng nyi bo bahke kake bo erem tib ane ba jolo o. Tibre nne awohng awohng jo tehke Esowo tib go nkpokosi nyi ma lim.

Eltum 4:21 Iomraidhean Croise

Matiu 15:31

Jo kpo ane esi sehng, eji bo nyehne akamme kpꞌbungu, fere nyehn agboodo ma nob, fere nyehn abanne kpꞌjene, awakamahr fere jo nyehn. Bo kehm kehme Esowo bio bi Israel ellub ka.

Matiu 21:46

Bo kehm gare ana bo bahk-e bobo. Bo jo fahle ellong ane ba jo bum Jisos ana nnyehnamahr.

Matiu 26:5

Bo jo bungu re, “Nong, wahr kꞌlim ngare elkak, eji lꞌkꞌgbo ntong.”

Matiu 9:33

Jisos kehm kame nne noo ebi etohko jio yehke, nne noo soro kehme elbungu. Ane bao kehm kpoko bo esi. Bo kehm kehme elbungu re, “Elkohn ejum ana jia, e ka nyehn a nyehn go Israel.”

Matiu 9:8

Eji ane bao nyehne ano, bo kehm kehme elfahle, fere jo tehk Esowo bi ma ka ane elkohn nsahm ana nyio.

NWER NYI LUK 13:17

Alum nya Jisos faange no kehm riki anebekv ebe ndon, bo ane kpee. Wo, ellong ane bako kpee jo bele na eyebatahng tib go agburu nsol nya á ma lim.

NWER NYI LUK 20:19

Atꞌtibi ba atahm, a atubesi abalimajom gare re bo bob Jisos ngare nyꞌnehm ona. Tibre bo jo kahne re, á tubu elgan nio bada bo. Fvfo, bo jo fꞌfahl ane.

NWER NYI LUK 20:6

E lꞌfere tong re, ‘Lohng goji ane,’ ane kpee bahk-r atal tuubu.” Tibre bo jo sahb kꞌkahn re, Jon jolo nnyehnamahr Esowo.

NWER NYI LUK 22:2

owo atubesi abalimajom, a atꞌtibi ba atahm jo seb mbang ana nyi bo bahke wulu Jisos. Fvfo, bo jo fꞌfahl ane.

NWER NYI LUK 5:26

Ane bao kpee kpo bo esi area. Bo kehm kehme Esowo tehk afahlafahle, fere jo bung re, “Wahr ebnyehn akpokosi nsol lela.”

Eltum 4:17

Nong, wahr rehke bo, bo kꞌkpe bung tong ane go mbing nyi Jisos, eji eka jia lꞌkꞌkpe yeere nkpel anyehng anyehng.”

Eltum 4:22

Nne no bo lim-e no, á nob, ngare nyio yebkang sehnge nnya atahl abal.

Eltum 5:13

Ane bako joom sahb yel ellong ebo, tvtv ona bo jo kake bo sehng.

Eltum 5:26

Ntubesi abꞌbaabe etahk Esowo kehm tahme, a ane ebe song ko bo, ba a bo. Bo joom lim go nsahm, tibre bo jo fahle re, ane bako bahke bo atal tuubu.

Eltum 5:40

Bo kehm koko elle ni Gamaliel, fere lung abatiingetib Jisos bao re bo feere ba. Bo kehm dohko bo, kehm rehke bo re, bo kꞌkpe tiki bung go mbing nyi Jisos, kehm yake bo, bo song.