Eltum 2:47 - Ekajuk Scriptures NT

⁴⁷ fere jo tehk Esowo. Bo jo koro nne awohng awohng. Esowo jo kpe kpele na ane efung abehng abehng go ellong abatꞌtoono Jisos, ba jo bel eltahre.

Ekajuk New Testament

⁴⁷ fere jo tehk Esowo. Bo jo koro nne awohng awohng. Esowo jo kpe kpele na ane efung abehng abehng go ellong abatꞌtoono Jisos, ba jo bel eltahre.

Eltum 2:47 Iomraidhean Croise

NWER NYI LUK 19:48

Jol bo tikem kahn mbang ana nyi bo bahke limi. Tibre ane kpee jo wuung-e atung sehng, eji ellum ene anehng anehng lꞌkꞌgbo ndi.

NWER NYI LUK 2:52

Jisos kehm gbale go elkahne, fere gbal agbal nya ngubjing. Elkoro ni á jo kor Esowo, fere jo kor ane jo kpe gbal na.

Eltum 11:21

Nsahm nyi Jehova jolo a bo. Ellong ane gbalee ba taame no, feere goji Jehova.

Eltum 11:24

Tibre Barnabas jolo nnooba nne no bele ekakesehk, etohko ji Esowo ruru go ege eltim. Ellong ane gbalee ba kpe jo taame tv Ntul a Jisos.

Eltum 13:48

Eji ane baka baka wuku ano, eltim yebe bo sehng. Bo kehm kehme alum Esowo tehk. Ane bao ba Esowo ma yehke re bo bel elkpin ni li go njinanjini, bo tꞌtaame.

Eltum 14:1

Eji bo rehnge go Ikonium, Pol, a Barnabas, bo song yel go ekpꞌkpa ero ji Jus. Bo bungu sehng, toono o, Jus gbalee taame, a ane baka baka gbalee fvfo.

Eltum 14:21

Bo kehm bungu alum Esowo go Derbe. Ane gbalee ba taame no o. Bab Pol kehm feere go Listra, sehng song rehng go Ikonium, sehng o kehm song rehng Antiok ji Pisidia.

Eltum 16:5

Aneb ero bao ona gbale na, fere yiimi tꞌtahne go mbang nyi Esowo. Ane jo kpe rur na efung abehng abehng, ba jo taame.

Eltum 17:12

Owo wahnge ane gbalee go ebo ellong taame no. Go bo ellong o, ajꞌjok anebkal Grik tob woomo o semme aneblum.

Eltum 2:39

Enyam bia li ka wahn, a abon ebahne, a ajahbe nya li fee, a nne awohng awohng no Jehova bahk-e lungu tv elne.”

Eltum 2:41

Ane bao ba wuku alum enye fere taame, bo ba bele ewohngalahb. Bo jolo ejum ane atahltahl nkpel esehma ane atahl awubu (3,000), ba Esowo budu no efung bio.

Eltum 4:21

Bo kehm kpe rehke bo tꞌtahne, kehm yake bo, bo song. Bo nyehnem mbang anyehng anyehng nyi bo bahke kake bo erem tib ane ba jolo o. Tibre nne awohng awohng jo tehke Esowo tib go nkpokosi nyi ma lim.

Eltum 4:33

Abatiingetib Jisos jo yiimi ntianse bade elnyahme ni Jisos a nsahm a nsahm. Esowo kehm fuulu bo egburu elfuulu bo ane kpee.

Eltum 4:4

Ane gbalee ba wuku alum Esowo nyao tꞌtaame. Nfange aneblum jolo ejum ane atahltahl nkpel ewubbal ane atahl awubu (5,000).

Eltum 6:1

Ngare nyio o eji nfange ane nyi abatꞌtoono Jisos jo kpe rur na budu, nfem kehm gboko anebe Jus ba lohng go Gris, a anebe Jus baka ga ba li etahk. Anebe Jus ba lohng go Gris jo bungu re, efung abehng abehng bo lꞌkehme nsol bak, akalebun ebo kpehme bel jang jang ana ane bako.

Eltum 6:7

Alum Esowo kehm yeere na yeere. Abatꞌtoono Jisos kpe rur na go Jeusalem gbalee. Abalimajom gbalee ba tob taame, jo toono eltibi ni Jisos.

Eltum 9:31

Owo wahnge aneb ero bao ba jolo go Judea, a Galili, a Samaria bele eyebatahng ngare nyio, tibre nfem anyehng anyehng kpeem jol. Ero kpe gbal na go nrur, fere tꞌtahne. Bo jo jene go elfahle ni Esowo. Etingi Etohko jo kake bo eltim.

Eltum 9:35

Eji ane bao kpee ba jolo go Lida, a Seron nyehn-e no, bo kehm taame tv Esowo.

NWER NYI POL NYONO TV ANEB ERO BA LI GO ROM 14:18

Nne lꞌloko Kraist go mbang nyia, Esowo bahk-e koko, ane bahke jo tehk-e tehk.

NWER NYI POL NYONO TV ANEB ERO BA LI GO ROM 8:30

Ane ba á ma jak bo, yebtob lung bo. Bo ji á lungu bo, á limi bo re bo jol atingitingi ane go ege esamahr. Ane ba á ma lim bo re bo jol atingitingi ane, yebtob ka bo ellub ene.

NWER NYI POL NYONO TV ANEB ERO BA LI GO ROM 9:27

Aisaya jo rabe bade Israel re, “Abon Israel lꞌrur ana asahknti, ebsake bi bi bahke bele eltahre.

1 Korint 1:18

Alum nyao nya li bade ekros ji Kraist kpoo no, li agboolo nsol go ejang ane bao ba kpꞌtane. Go egahre ejang, wahr jia ji kpꞌbele eltahre, alum nyao li nsahm nyi Esowo.