Eltum 2:30 - Ekajuk Scriptures NT

³⁰ Tib eji á jolo nnyehnamahr Esowo, á jo kꞌkahn ji Esowo nyame tong-e re, ‘Mmon ewa wo bahke jehke go ega eti etul.’

Ekajuk New Testament

³⁰ Tib eji á jolo nnyehnamahr Esowo, á jo kꞌkahn ji Esowo nyame tong-e re, ‘Mmon ewa wo bahke jehke go ega eti etul.’

Eltum 2:30 Iomraidhean Croise

Matiu 22:43

Jisos kehm tongo bo re, “Jen ji wahnge Devid lungu Mesaya re, ‘Ntul ewame’, eji Etingi Etohko mehl-e no, á bungu re,

Matiu 27:35

Bo kum-e kan a lake go ekros, bo kehm soro kehme elfaange tub, eji bo lꞌmal baange nsol ebjing enye.

NWER NYI MAK 12:36

Yefono Devid nyono ana Etingi Etohko tong-e no re, “ ‘Esowo bungu tong ntul ewame re, Ji go egame eboblum, tete me n lim anebekv eba etikunakpade eja.’

NWER NYI LUK 24:44

Á kehm tongo bo re, “Alum enyame nya ana, nya n jo bung a nahne ngare nyi n kpeke li a nahne re, Ejum ajehng ajehng ji bo nyono bada name go atahm nya Moses, fere nyon go awer nya abanyehnamahr, a nwer a Saams bahke lohko jol go etingitingi.”

Eltum 1:16

“Abonanee, nwer Esowo eblohko jol go etingitingi ana Etingi Etohko bungu no tong Devid bada Judas ji ko ane song tib Jisos, bo bob-e.

NWER NYI POL NYONO TV ANEB ERO BA LI GO ROM 1:3

Nnoobo etib bio li bada Mmon ewe. Ana nne, bo jel-e kak go etꞌtohngo ji Devid.

NWER NYI POL NYONO TV ANEB ERO BA LI GO ROM 15:12

Aisaya kpe bung re, “Nlohk nyi Jesi bahke bake, ye ji bo bahk-e mehle wahre re á fili ane baka baka. Ye wo, ane baka baka bahke jo kun-e ekpu.”

2 Timoti 2:8

Jo buumu Jisos Kraist ji nyahme go elkv, ye ji lohng go etꞌtohngo ji Devid, ana n kpo tiingi nnoobo etib ebame.

Hibru 1:1

Mahne mahne Esowo jo bungu tong babnso ejahre go ajoobo abang nkpel tvv, sehng go anyo nya abanyehnamahr.

Hibru 3:7

Ana Etingi Etohko bungu re, “Ń lꞌwuk alum enye lela,

Hibru 4:7

Tibre Esowo ebkpe kunu afung nya á jo lung re, “lela”. Eji ma kang ekidi ma lab, á bungu alum nya e ma tohko bung a, sehng go nnyo mi Devid re, “Ń lꞌwuk alum enye lela, kana tahne asi enyahne.”

Hibru 6:17

Ano wo Esowo tob tir budu go ege enyam bi á nyame no, eji á sebe re á tib ane ba á nyame tong bo go mbang nyi bo lꞌkꞌkpe ma faabe re, á nehm yaange ji á toobo no.

Hibru 7:21

Eji Esowo tiri no, á kehm-e tongo re, “Jehova ebtir, á nehm yaange ntir atahng enye, ‘A li nlimanjom go njinanjini.’ ”

2 Pita 1:21

Tibre enyehnamahr ajehng ajehng limm, ji ane ko ba a ji, ana koro bo, sehngem ane ba etohko ji Esowo jo melle bo, bo ba jo bung alum Esowo.

Ellennge 17:14

Bo bahke noko ebta a mmon a njoro. Mmon a njoro, a ane ebe ba á lungu bo, fere jak bo, bo ji kpi ekakesehk kp-e toono, bahke gake bo. Tibre ye wo li ntul no sehnge atem atul bako kpee.”

Ellennge 19:16

Bo nyono mbing go ege ekpawobo, fere nyon go ege eyo re, “Ntul no gbale sehnge atem atul bako.”