1 Korint 4:8 - Ekajuk Scriptures NT

⁸ Anv, wahn ebbel ejum ajehng ajehng ji ń kpꞌsebe. Wahn ebfang, wahn ebfere jol atul. Wahr ka jol. Kp-m koro re, wahn lohko jol atul, goji wahr lꞌtob jol atul a nahne a nahne.

Ekajuk New Testament

⁸ Anv, wahn ebbel ejum ajehng ajehng ji ń kpꞌsebe. Wahn ebfang, wahn ebfere jol atul. Wahr ka jol. Kp-m koro re, wahn lohko jol atul, goji wahr lꞌtob jol atul a nahne a nahne.

1 Korint 4:8 Iomraidhean Croise

Matiu 5:1

Eji Jisos nyehne ellong ane bao, á kehm tahme go ewong. Á ji kan a me, abatꞌtoono ebe kehm bake go ege.

NWER NYI LUK 6:25

“Eyuu a nahne, wahn ji kpꞌwohngo anv, tibre ḿ bahke jene njal njal. “Eyuu a nahne, wahn ji kpꞌwolo anv, tibre ḿ bahke jehke ndon ndon, fere jo ling.

Eltum 26:29

Pol kehm faange re, “Afi mmongare ntiil wo, afi fere labe na ekidi, n kpꞌkake ero ka Esowo, jol wo ntahngtahng sang, wahn ane kpee ba wuk-m no lela re wahn jol ana me n li no, sehngem agbekobo nyaa nya ń lꞌkꞌwoomo.”

NWER NYI POL NYONO TV ANEB ERO BA LI GO ROM 12:3

Tib go nnoobo nyi Esowo ma-m ka, nyi nyi wahnge n kpꞌgboongo nne awohng awohng ewahne re, á kꞌjo geere kak ejum ji á ki kpi. Jo tiren nob nob, wahn kahn ji ḿ bahke jo lim go ayare nya Esowo ma-n ka, ana nya nne awohng awohng ewahne ma bel.

1 Korint 1:5

Tib eji ń li ajehng a Jisos, owo wahnge ḿ ma fang go alum abungu kpee, a elkahne anehng anehng.

1 Korint 4:18

Egom ejahne jindiki ebkehme elgeere. Bo kpꞌtiri re, me n nehme kpe ba go egahne.

1 Korint 5:6

Elgeere enahne ni ń kpꞌgeere nobem. Ń ka wuk a wuk elgan ni bungu re, “Abonsꞌsohko amohk ayist kpo lim ebred kohro kohro tunga?”

Galesa 6:3

Nne awohng awohng no lꞌtir re, ye nne wo, eji á ki tohko fꞌfoongo nne, á kpi elne nehm.

Filipai 1:27

Nong, eljini enahne fuumu a nnoobo etib bi Kraist, eji afi m ba na, ba nyehn-n, afi m maam ba, n lꞌwuk re, wahn baa, yim tꞌtahne go etohko na ajehng, fere kpꞌnoko a eltim anehng ka eltibi ni nnoobo etib bi e kpꞌtaame tv.

Filipai 2:12

Akpondahme enyame, ana ń jo wuk-m ngare anyehng anyehng eji n jolo a nahne, anv, eji n ki kpe li a nahne wo ga nob re, wahn jo ga-m wuk. Noken go elfahle, a akahb akahme, eji ń lꞌgohro bel eltahre enahne.

Ellennge 3:17

Tibre a kpꞌbungu re, ‘Me n fang, anv, me n jol njꞌjoka nne. Ejumjum limm, ji n kpꞌkpeke seb.’ Na nyehne ga, a nehme kahn re, a li erem erem, fere kpꞌfili ane ndon. Wobgbo ekpak, fere wa amahr, fere kpꞌjene ebun ebun.

Ellennge 5:10

Wobbob bo etul, fere lim bo jol abalimajom, eji bo lꞌjo loko Esowo. Bo ba bahke jo fili njini.”