1 Korint 4:5 - Ekajuk Scriptures NT

⁵ Owo wahng ka nobo re wahn kꞌjo lam nne awohng awohng, ngare nyio kehm rehnge, nyi Ntul ewahre bahke bake. Nsol nyi li mbehr mbehr go ejannge, á bahke lohngo a nyi go edi ji li gbuul. Nsol nyi wob go ntim ane, á bahke lennge, nne awohng awohng nyehn. Owo Esowo bahke kehm tehke nne awohng awohng ana fuumu re á tehk-e.

Ekajuk New Testament

⁵ Owo wahng ka nobo re wahn kꞌjo lam nne awohng awohng, ngare nyio kehm rehnge, nyi Ntul ewahre bahke bake. Nsol nyi li mbehr mbehr go ejannge, á bahke lohngo a nyi go edi ji li gbuul. Nsol nyi wob go ntim ane, á bahke lennge, nne awohng awohng nyehn. Owo Esowo bahke kehm tehke nne awohng awohng ana fuumu re á tehk-e.

1 Korint 4:5 Iomraidhean Croise

Matiu 10:26

“Kana jo fahl ane! Ejum ajehng ajehng limm, ji bo bulu no, ji Esowo lꞌkꞌlennge. Ejum ajehng ajehng limm, ji bo behre no, ji ane lꞌkꞌkahn.

Matiu 24:30

“Owo ane bahke kehm nyehne elliingi ni Mmon no nne go elbung. Ane kpee ba li go njini bahke kehme ellingi, fere nyehn Mmon no nne kpꞌbake go akparesemsem, a nsahm a nsahm, a egburu ellub.

Matiu 24:46

Eyebatahng bahke jolo a nlokeltum noo no nde lꞌba, á bahke ba kpir-e, á kpꞌlimi ano.

Matiu 25:21

“Owo nde kehm-e tongo re, ‘Woblim sehng, nkakesehk a nlokeltum no nno. Eji a bele ekakesehk go abonsꞌsohko abon nsol, m bahke yake agburu nsol, kak-a go ebo. Ba yel ga, wo bel eyebatahng ana n kpi no.’

Matiu 25:23

“Owo nde kehm-e tongo re, ‘Woblim sehng, nkakesehk a nlokeltum no nno. Eji a bele ekakesehk go abonsꞌsohko abon nsol, m bahke yake agburu nsol, kak-a go ebo. Ba yel ga, wo bel eyebatahng ana n kpi no.’

NWER NYI LUK 6:37

“Kana jo lam ane bako, Esowo wahn nehm tob lam. Kana jo tong ane re, bobli ebi, Esowo wahn nehm tob tong re, wahn ebli ebi. Jo tahmen ka ane, Esowo bahke tob tahm ka-n.

NWER NYI JON 21:22

Jisos kehm faange Pita re, “Lꞌkor-m re á jol a, tete me n feere ba, elam eja sang, wo toon-m na toono!”

NWER NYI JON 21:23

Eka jia kehm yeere na yeere go ellong aneb Esowo re, ntꞌtoono a Jisos noo nehm kpo, jol eji Jisos ki-e tꞌtong ejumjum re, á nehm kpo. Alum nya Jisos bungu no li re, “Lꞌkor-m re á jol a, tete me n feere ba, elam eja sang.”

NWER NYI JON 5:44

Bahke limi renan, ń kehm taame tv Esowo, eji ń kpo ko ellub goji ane? Esowo bi li na abehng, ellub ene ń kpehme seb.

NWER NYI POL NYONO TV ANEB ERO BA LI GO ROM 14:4

Wo elkohn nne awo, no bahke lame nlokeltum no nne noko? Yefono nde wo bahke kahne antahng, joare nlokeltum noo bahke yiimi, afi á bahke gboko. Á bahke yiimi. Tibre Esowo bi li nde no we bahk-e ma lim, á yiimi.

NWER NYI POL NYONO TV ANEB ERO BA LI GO ROM 2:1

Fvfo, a lꞌjo lam nne noko, a nehm ma laange kunu ejum ajehng ajehng, afi a jolo elkohn nne awo. Tibre eji a kpꞌlame nne noko, a kpi elna ebi ka. Tibre wo jꞌnehm o ji kpꞌlame, a kpo tob lim nsol nyꞌnehm.

NWER NYI POL NYONO TV ANEB ERO BA LI GO ROM 2:16

Ano wo bahke jolo go efung bi Esowo bahke lame nsol nyi wob ane go atahng sehng goji Jisos Kraist. Ejum jia ji n kpo kono eltiingi go egama nnoobo etib.

NWER NYI POL NYONO TV ANEB ERO BA LI GO ROM 2:29

Etingitingi nne a Jus li nne no li nne a Jus go ege atahng. Etingitingi nrur ayehke li nrur nyi nne yehke go ege eltim. Li ejum etohko, ji ngubjing sang. Elkohn nne noo, Esowo bi bahk-e tehke, ane sang.

NWER NYI POL NYONO TV ANEB ERO BA LI GO ROM 2:7

Ane bandiki ba kpi ekakesehk go nnoobo alimi, fere jo seb ellub ni Esowo, a ekpunu, a elkpin ni ki kpi esꞌkohlo, bo ba Esowo bahke tuuru bo, ka elkpin ni li go njinanjini.

1 Korint 1:7

Ano wo wahnge nnoobo anyehng anyehng nyi Esowo ka-r no kil-n ebkpe rin, ana ń kpꞌsiki re bo lennge Ntul a Jisos Kraist ka-n.

1 Korint 11:16

Nne awohng awohng no lꞌseb re á lim nfaabe go alum nyaa, nong, á kahn re, ano e kpehme lim, a aneb ero bako go fvfo.

1 Korint 11:26

Ngare anyehng anyehng nyi ń jo li ebred jia, fere wo go nkob nyia, ń kpꞌtiingi etib bi elkv ni Ntul a Jisos, tete á feere ba.

1 Korint 15:23

Nne awohng awohng bahke nyahme go ege a ngare. Kraist wo jolo ngbokambang. Ane bao ba li ka Kraist, bo bahke nyahme ngare nyi á lꞌba.

1 Korint 3:13

Eltum nne awohng awohng, bo bahke nyehne. Efung bio bi Kraist, agun nya bahke tibi ana eltum ni nne awohng awohng jolo no. Agun nyao bahke wuungu eltum anehng anehng, joare nꞌnob, afi nobem.

1 Korint 3:14

Ejum ajehng ajehng ji nne lꞌsi, kunu go nnahb ekahme nyio, lꞌsahb agun, nne noo wo bahke bele eltuuru.

1 Korint 3:8

Nne no kpo bahm, a nne no kpo toomo alahb, bo li jang jang. Nne awohng awohng bahke bele eltuuru ene, ana á limi eltum.

1 Tesalonaika 5:2

Tibre wahnfono antahng kpꞌkahne re, efung bi Ntul a Jisos bahke bake, á bahke gbede na ana nwajv atv.

Hibru 4:13

Ejumjum limm ji li go mbiiri, ji á kil elnyehne. Nsol kpee li gbuul go ege esamahr. Ye wo li nne no bahk-r bahbe.

Jems 4:11

Abonanee, kana jo bung ebꞌbi bade atemtem. Nne no lꞌbung ebꞌbi bada mmonannyehn, tohko jol ano, á lꞌlam mmonannyehn, yebbung ebꞌbi bade atahm, fere lam atahm. A lꞌlam atahm, a kpeem li nne no kpo bum atahm, wobjol nne no kpꞌlame atahm.

Jems 5:7

Abonanee, owo fvfo nobo re, wahn kpooro tete Ntul a Jisos ba. Nyehnen ana mbahmgbe kpo kpooro, jo sik anoobo nsol nya á bahke kpake go ege egbe. Nya nya wahnge á kpo kpooro sik ngbokambang elahb tete elahb kimi, á song kpa.

Jems 5:9

Abonanee, kana jo memme tob atemtem, eji Esowo lꞌki-n lam. Nyehnen, nlꞌlame ga, yim no go mbutahk.

1 Pita 1:7

joare ekakesehk ejahne li ji nno. Jol agul nya bahke ma rannge, bo kpo wꞌwuungu go agun. Ano wo fvfo ekakesehk ejahne ji nobo sehnge agul, bo bahke tob wuungu go agun, eji ń lꞌbel ellub, bo fere tehk-n, fere kpun-n efung bio bi Esowo bahke lennge Jisos Kraist tib,

1 Pita 5:4

eji ntubesi abaabebul lꞌlohng ba, ḿ bahke bele ekpasi ntul ji ellub ene, ji lꞌkꞌtiki rannge.

2 Pita 3:12

eji ń kpꞌsiki re efung bio bi Esowo kpir-n. Jo noken, goji efung bio lꞌgulu elbiingi, bi elbung bahke lulu, fere fi kpee, nsol nyi li o fere nyane tib go elfuubu agun nio.

2 Pita 3:4

“Á nyame tong-n re, á bahke bake. Ye nona? Bomo ngare nyi babnsoo ejahre kpo no tete sik anv, njini ka tiki yaange, kpeke li ana jolo go ngare nyi Esowo limi no.”

NWER NYI JUD 1:14

Enohk wo jolo nne no biingi ane asehma bomo goji Adam. Ye wo tob nyehn enyehnamahr jia bade elkohn ane baa re, “Nyehn ana Ntul ma ba a abarebare ane ebe ba li mbud a nkunu,

Ellennge 1:7

Á bahke gulu elbake go akparesemsem. Nne awohng awohng bahk-e nyehne, budu ane bao ba jahm-e elkong. Ye wo bahke wahnge nnahb anyehng anyehng nyi li go njini bahke kehme ellingi ndon ndon. Bahke jolo ano. Emen.

Ellennge 20:12

Owo n kehm kpe nyehn akvne, egom jindiki jolo abonse, egom jehko anebkul, bo yim go mbuksong eti etul jio. Esowo kehm lennge awer, kehm kpe lennge nwer nyehko nyi jolo nwer nyi elkpin. Akvne nyao, bo lame bo ana bo nyono go awer nyao, jang jang ana bo limi no.