Muujintii 9:1 - Ereyga Illaahey Axdiga Cusub

¹ Kadibna malagii shanaad ayaa ka dhawaajiyay buunkiisi, waxaanna arkay xiddigtii cirka kasoo dhacday oo dhulka ku dhacday. Xiddigtaas waxaa la siiyay furaha bohosha.

KITAABKA QUDUUSKA AH

¹ Oo haddana waxaa ka dhawaajisay malaa'igtii shanaad, markaasaan arkay xiddig samada ka timid oo dhulka ku soo dhacday; oo waxaa iyadii la siiyey furihii ceelka yaamayska.

Kitaabka Quduuska Ah

¹ Oo haddana waxaa ka dhawaajisay malaa'igtii shanaad, markaasaan arkay xiddig samada ka timid oo dhulka ku soo dhacday; oo waxaa iyadii la siiyey furihii ceelka yamayska.

Muujintii 9:1 Iomraidhean Croise

Luukos 10:18

Ciise ayaa u jawaabay oo ku yiri, “Waxaan arkay Shaydaankii oo samada laga soo tuuray sida hilaaca oo kale.

Luukos 8:31

Markaas ayaa ruuxyadii wasakhda lahaa Ciise baryeen oo ku yiraahdeen fadlan ha noo dirin boholaha.

Rooma 10:7

“Sidoo kalana ha dhihina, ‘Yaa boholaha dhulka hoostiisa ah aadaya si uu Masiixa dhimashada uga soo sarakiciyo?’ ”

Muujintii 1:18

Waxaan ahay Midka Nool, waan dhintay, haddana arag, weligey waan noolaan doonaa! Waxaanna hayaa furaha dhimashada iyo xabaalahaba.”

Muujintii 1:20

Macnaha toddobada xiddigood ee aad aragtay aniga oo gacanteyda midig ku haya iyo toddobada laambadood ee dahabka ah. Toddobada xiddigood waa malaa’igta toddobada kaniisadood, toddobada laambadoodna waa toddobada kaniisadood.”

Muujintii 11:7

Haddaba markey dhameeyaan marqaatifurkooda, waxaa u imaan doona bahal ka yimid bohosha oo la dagaali doona, wuuna ka guuleysan doonaa wuuna dili doonaa.

Muujintii 17:8

Bahalka aad aragtay wuu noolaan jiray, laakiin hadda ma noolo. Mar dhow ayuuna ka imaan doonaa bohosha oona tagi doonaa halka lagu burburin doono. Dadka dunidan ku nool oo aan magacyadooda lagu qorin buugga nolosha ka hor abuurka, wey la yaabi doonaan markii uu bahalka soo baxo kaasoo horey u dhintay.

Muujintii 20:1

Haddana waxaan arkay malag ka imaanaya samada, wuxuuna gacanta ku hayay furaha bohosha iyo silsilad culeys ah.

Muujintii 20:10

Ibliiskii iyaga khiyaanayna waxaa lagu tuuray warta baaruudda holceysa ah, isaga oo ku biiraya bahalka iyo nebiyada beenta ah. Habeen iyo maalin ayaana la silcin doonaa weligood.

Muujintii 6:13

Kadibna xiddigihii samaduna waxey kusoo daateen dhulka, sida geedka berdaha ah markey dabeeshu ruxdo uu mirihiisa u soo daadanayaan.

Muujintii 8:10

Malagii saddexaad ayaa buunkiisi ka dhawaajiyay, markaas ayaa waxaa cirka kasoo dhacay xiddig weyn oo u ifaya sida toosh wuxuuna ku dhacay saddex meelood meel ka mid ah wabiyada iyo ilihii biyaha ahaa.

Muujintii 8:12

Malagii afaraad ayaa ka dhawaajiyay buunkiisi, markaas ayaa saddex meelood meel qoraxda, dayaxa iyo xiddigaha lagu dhuftay oo waxey noqdeen madow. Saddex meelood meel maalinta waxey noqotay iftiin la’aan, sidoo kalana saddex meelood meel habeenka.

Muujintii 8:2

Waxaan arkay toddobadii malaa’ig ee hor taagnaa Illaahey oo la siiyay toddobo buun.

Muujintii 9:2

Markii uu furay bohoshii, waxaana kasoo baxay qiiq u eg qiiq ka imaanaya dab weyn. Qoraxda iyo cirkaba qiiqaas ka yimid bohosha ayaa modow ka dhigay.