Muujintii 3:8 - Ereyga Illaahey Axdiga Cusub

⁸ Waan ogahay camalladiina. Bal eega waxaan hortiina dhigay albaab furan oo uusan qofna xiri karin. Waan ogahay inaad leedihiin xoog yar, laakiin weli ereyadeyda ayaad adeecdeen oo magaceygana ma eydan diidin.

KITAABKA QUDUUSKA AH

⁸ Waan ogahay shuqulladaada (oo bal eeg, waxaan hortaada dhigay albaab furan oo aanu ninna xidhi karin), waayo, waxaad leedahay wuxoogaa xoog ah, oo eraygaygiina waad dhawrtay, oo magacaygiina ma aad inkirin.

Kitaabka Quduuska Ah

⁸ Waan ogahay shuqulladaada (oo bal eeg, waxaan hortaada dhigay albaab furan oo aanu ninna xidhi karin), waayo, waxaad leedahay waxoogaa xoog ah, oo eraygaygiina waad dhawrtay, oo magacaygiina ma aad inkirin.

Muujintii 3:8 Iomraidhean Croise

Luukos 12:9

Laakiin mid walboo dadka hortooda igu inkira isagana Illaahey iyo malaa’igta hortooda ayaa lagu inkiri doonaa.

Yohana 15:20

Balse xasuusta waxaan idin ku iri, ‘Adeeguhu kama weyna sayidkiisa.’ Haddii ey aniga i silciyaan idinkana waa la idin silcin doonaa. Haddii ey waxbarideyda adeeceen idinkana waxbaridiina wey adeeci doonaan.

Yohana 17:6

“Waxaan magacaaga u muujiyay kuwii aad aduunka iga siisay. Waxey ahaayeen kuwaagii laakiin waad i siisay weyna adeeceen ereygaaga.

Falimaha 14:27

Markey halkaas gaareen, waxey iskugu yeereen xertii waxeyna u sheegeen wax walboo uu Illaahey iyaga u isticmaalay iyo sidii uu albaabka iimaanka ugu furay dadkii aan Yuhuudda ahayn.

1 Korintos 16:9

Waayo albaab weyn oo shaqo waxtar leh ayaa ii furmay, laakiin kuwa badan ayaa iga soo hor jeeday.

2 Korintos 2:12

Haddaba markaan tagay Taroo’as si aan kaga wacdiyo Injiilka Masiixa, waxaan arkay in Rabbigu irid ii furay.

Filiboy 4:13

Waayo wax walba waan sameyn karaa aniga oo u maraya Ciise kaasoo i xoogeynaya.

Kolosay 4:3

Anagana noosoo duceeya, inuu Illaahey albaab u furo fariinteena, si aan u wacdino waxa qarsoon ee ku saabsan Masiixa, taas oo darteed aan xabsiga ugu jiro.

1 Timoteyos 5:8

Qofkii aan daryeelin qaraabadiisa gaar ahaan reerkiisa wuxuu ka tagay iimaankiisi. Qofkaas wuxuu la mid yahay qof aan Rabbiga rumeysneyn.

2 Timoteyos 4:7

Dagaal wanaagsan ayaan dagaalamay, tartanka waan ku guuleystay, iimaankana waan xajiyay.

Yuudas 1:4

Waxaan sidaas u leeyahay, qaar cibaadalaawayaal ah ayaa kiniisadihiina galay oo waxey yiraahdeen, Illaahey nimcadiisu wey noo ogolaanaysaa inaan sineysano. Kuwa noocaas ah xukunkooda horey ayaa loo qoray, waayo, waxey diideen Sayidkeena iyo Rabbigeena Ciise Masiix.

Muujintii 2:13

Waan ogahay halka aad degantihiin, halkaas oo Shaydaanku carshi ku leeyahay. Inkastoo ey sidaas tahayna magaceyga waad xijiseen. Iimaanka kama eydan tagin xitaa maalmihii Antibas kaasoo ahaa marqaatigeyga aaminka ah oo lagu dilay magaaladiina halkaas oo Shaydaanku ku noolaa.

Muujintii 2:2

Waan garanayaa camalladiina, dadaalkiina iyo dulqaadkiina. Waana ogahay in eydan u dulqaadaneyn dadka sharta leh, waadna baarteen kuwa rasuullada iskugu yeera oo aan rasuullo ahayn, waxaadna ogaateen iney yihiin beenaalayaal.

Muujintii 22:7

“Bal fiiri, mar dhow ayaan imaan doonaa! Waxaana barakeysan kan xajiya ereyada la sii sheegay ee buugga ku qoran.”

Muujintii 3:1

“Fariin u qor malaga kaniisadda Sardis. Kuwani waa ereyada kan haya toddobada ruux ee Illaahey iyo toddobada xiddigood. Waan ogahay camalkiina, qof walba wuxuu idiin maleeyaa inaad xagga ruuxa ka nooshihiin laakiin xaggaas waad ka dhimateen.

Muujintii 3:10

Waayo waxaad xajiseen amarkeyga idinkoo ku samraya, aniguna waan idin ka ilaalin doonaa waqtiga jarribaadda ee u soo socda aduunka oo dhan si loo jarribo waxyaalaha aduunka jooga oo dhan.

Muujintii 3:15

Waan ogahay camalkiina, in eydan ahayn kuleyl ama qabow. Waxaan jeclaan lahaa inaad midkood ahaataan!

Muujintii 3:7

“Fariin u qor malaga kaniisadda Filadelfiya. Kuwani waa ereyada kan ah quduus iyo run, kaasoo haya furihii Daa’uud. Wuxuu furo qofna ma xiri karo, wuxuu xirana qofna ma furi karo.