Muujintii 20:2 - Ereyga Illaahey Axdiga Cusub

² Wuxuuna qabtay masduulaagii, maskii duqa ahaa, kaasoo ah ibliiska, ama Shaydaanka wuxuuna ku xirxiray silsiladii kun sanadood.

KITAABKA QUDUUSKA AH

² Oo markaasay qabsatay masduulaagii ahaa maska duqa ah, kaasoo ah Ibliiska iyo Shaydaanka, oo intii kun sannadood ah ayay xidhay,

Kitaabka Quduuska Ah

² Oo markaasay qabsatay masduulaagii ahaa maska duqa ah, kaasoo ah Ibliiska iyo Shayddaanka, oo intii kun sannadood ah ayay xidhay,

Muujintii 20:2 Iomraidhean Croise

Matayos 19:29

Qof walboo aniga dartey uga soo tagay guri ama walaalo wiilal ah ama walaalo gabdho ah ama aabe ama hooyo ama xaas ama caruur ama beero wuxuu heli doonaa boqol jibaar wixii uu kasoo tagay wuxuuna dhaxli doonaa nolosha weligeed ah.

Matayos 8:29

Waxey ku qayliyeen, “Ciisow, Wiilkii Illaaheyow, maxaad naga rabtaa? Ma waxaad u timid inaad na ciqaabto intaan waqtigii na la ciqaabi lahaa la gaarin?”

Markos 4:15

Dadka qaarkood waa sida abuurka jidka ku dhacay ereyga wey maqlaan laakiin Shaydaanku intuu u yimaado ayuu qalbigooda ka saaraa ereygii lagu beeray.

Markos 5:7

Markaas ayuu cod dheer ku qayliyay oo yiri, “Maxaad iga rabtaa, Ciisow, Wiilka Illaaha ugu Sareeyow? Ballan magaca Illaahey iiga qaad in aadan i ciqaabin!”

Yohana 12:31

Haddaba waqtigii xukunka aduunka ayaa la joogaa. Hadda Shaydaanka oo ah taliyaha aduunka banaanka ayaa lagu tuuri doonaa.

Yohana 16:11

Xaga xukunka, waayo kan aduunka xukuma hadda waa la xukumay.

Rooma 16:20

Illaaha nabadda bixiyana wuxuu mar dhow Shaydaanka keeni doona cagihiina hoostooda. Nimcada Rabbigeena Ciise Masiix ha idin la jirto.

Cibraaniyada 2:14

Maadaama aan leenahay jir isaguna wuxuu na la wadaagay binu aadannimadeena si dhimashadiisu u burburiso awoodda ibliiska, kaasoo haya awoodda dhimashada.

1 Butros 5:8

Soo jeeda! Iska ilaaliya cadawgiina weyn ee ah ibliiska. Wuxuu u ciyaa sida libaax wareegaya isaga oo doonaya qof uu cuno.

2 Butros 2:4

Waayo Illaahey uma naxariisan xitaa malaa’igta dembaabtay. Wuxuu ku tuuray hogga mugdiga ah ee naarta iyagoo silsilado ku xirxiran si ey halkaas u joogaan illaa maalinta xukunka la gaaro.

Yuudas 1:6

Waxaa kaloo aad ogtihiin Malaa’igtii aan shaqadoodi qaban ee meesha ka baxday oo ka tagay meelihii ku haboonaa. Illaahey wuxuu ku xiray silsilado weligood ah, oo hadda wuxuu ku hayaa godad gudcur ah illaa maalinta weyn ee xukunka.

Muujintii 12:13

Masduulaagii markii uu ogaaday in dhulka lagu tuuray, wuxuu bilaabay inuu haweeneydii dhashay cunug wiil ah ka daba galo.

Muujintii 12:15

Kadibna maskii afkiisa wuxuu ka tufay biyo sida webi oo kale ah, si uu daadku iyada u qaado.

Muujintii 12:17

Masduulaagiina aad ayuu ugu xanaaqay naagta oo wuxuuna bilaabay inuu la dagaallo caruurteeda kale, kuwaas oo amarka Illaahey iyo marqaatifurkoodi xagga Ciise xajiyay.

Muujintii 12:3

Kadibna waxaa samada kasoo muuqday calaamad kale, waxaan arkay masduulaa weyn oo gaduudan wuxuuna lahaa toddobo madax iyo toban geesood, madaxiisana wuxuu ku watay toddobo taaj.

Muujintii 12:4

Seyntiisuna waxey xaaqday saddex meelood meel xiddigaha oo dhulka ku daadisay. Masduulaagii wuxuu hor istaagay naagtii dhali rabtay, si uu u dilo cunuggeeda isla markii uu dhasho.

Muujintii 12:9

Masduulaagii weynaa oona ahaa maskii hore kaasoo la dhihi jiray ibliis ama Shaydaan, kaasoo aduunka oo dhan khiyaanayay dhulka ayaa lagu tuuray isaga iyo malaa’igtiisi oo dhan.

Muujintii 13:2

Bahalkan arkayna wuxuu u ekaa haramcad, laakiin cagihiisu waxey u ekaayeen bahal, afkiisuna wuxuu u ekaa sida af libaax. Masduulaagii wuxuu bahalkii siiyay awoodiisi, carshigiisi iyo amarkiisi weynaa.

Muujintii 13:4

Dadku waxey caabudeen masduulaagii waayo wuxuu amar siiyay bahalkii, sidoo kalana waxey caabudeen bahalka oo ku yiraahdeen, “Yaa sida bahalkan ah? Yaana la dagaali kara?”

Muujintii 20:10

Ibliiskii iyaga khiyaanayna waxaa lagu tuuray warta baaruudda holceysa ah, isaga oo ku biiraya bahalka iyo nebiyada beenta ah. Habeen iyo maalin ayaana la silcin doonaa weligood.

Muujintii 20:7

Kunka sanadood markey dhamaato, Shaydaanka xabsiga ayaa laga soo saari doonaa.

Muujintii 9:11

Boqorkoodi wuxuu ahaa malag ka yimid bohosha, af Cibraaniga magaciisu waa Abaddoon, af Gariigana waa Abolyoon. Taas oo macnaheedu yahay Burburiyaha.