Muujintii 2:3 - Ereyga Illaahey Axdiga Cusub

³ Magaceyga dartiis ayaad ugu sabarteen dhibaato idinka oo aan quusanin.

KITAABKA QUDUUSKA AH

³ Waad dulqaadataa, oo dhib baad ugu adkaysatay magacayga aawadiis, kamana aad daalin.

Kitaabka Quduuska Ah

³ Waad dulqaadataa, oo dhib baad ugu adkaysatay magacayga aawadiis, kamana aad daalin.

Muujintii 2:3 Iomraidhean Croise

Markos 15:21

Simoon oo reer Sayriin ah ayaa ag marayay isaga oo beertiisa ka yimid, waxeyna ku qasbeen inuu iskutallaabta qaado. Simoon wuxuu aabe u ahaa Aleksanderos iyo Rufus.

Luukos 14:27

Mid walboo aan iskutallaabtiisa soo qaadan oo isoo raacin ma noqon karo xerteyda.

Luukos 18:1

Kadib Ciise wuxuu u sheegay xertiisi tusaale si uu u tuso iney mar walba duceystaan oo eysan u qalbi jabin.

Luukos 21:19

Daacada aad ii tihiin daraadeed waxaad heli doontaan noloshiina.

Luukos 5:5

Simoon ayaa u jawaabay oo ku yiri, “Sayidow, xaley oo dhan ayaan shaqeyneynay waxna maanan qaban. Laakiin haddaad saas dhahday shabaagyada biyaha ayaan ku tuurayaa.”

Luukos 8:15

Laakiin abuurkii carrada fiican ku dhacay waa kuwa daacada ah oo qalbiga fiican leh, kuwa markey ereyga maqlaan qaata oona haysta, oo dulqaadashadoodana ku dhala mirro.

Yohana 15:21

Waxey sidaas idin kula dhaqmi doonaan waa magaceyga dartiis, waayo ma garanayaan kan isoo diray.

Rooma 12:12

Rajadiinu farxad ha idin siiso. Dulqaata waqtiga dhibaatada ducadana ha joojinina.

Rooma 16:12

Iigu salaama Tarufayna iyo Tarufoosa, kuwaasoo Rabbiga aad ugu adeega. Iigu salaama saaxiibteyda qaaliga ah Bersis, taas oo iyaduna Rabbiga aad ugu adeegta.

Rooma 2:7

Wuxuu siin doonaa nolosha weligeed ah kuwa si joogto ah u sameeyay waxa wanaagsan iyagoo rajeynaya iney helaan ammaan, sharaf iyo nolol aan dhamaaneyn.

Rooma 8:25

Si kastaba ha ahaatee haddii aan rajeyno wax aanan haysan, waxaan u sugnaa si dulqaad ku jiro.

1 Korintos 13:7

Wax walba ayuu u dulqaataa, mar walbana wuu aaminaa, mar walbana wuu rajeeyaa, mar walbana wuu adkeystaa.

1 Korintos 16:16

waa inaad ka dambeysaan dadkaas oo kale iyo kuwa kale ee shaqadan haya.

2 Korintos 10:15

Sidoo kale ku faani mayno shaqada qof kale. Rajadeenu waxey tahay markaad iimaanka ku kortaan, shaqadeena dhexdiinana wey weynaan doontaa.

2 Korintos 11:23

Miyey yihiin adeegayaasha Masiixa? Waa waali inaan sidan u hadlo, laakiin iyaga ka badan ayaan Illaahey u adeegaa. Aad ayaan u shaqeeyay, marar badanna xabsi la ii geliyay, aadna la iigu garaacay oo aan dhimasho u dhowaaday.

2 Korintos 4:1

Sidaa darteed Illaahey naxariistiisa ayaan ku helnay shaqadan mana ka niyad jabeyno.

2 Korintos 4:16

Sidaa darteed ma niyad jabeyno. Inkastoo jirkeena uu dhimanayo, laakiin ruuxdeena waa la cusbooneysiinayaa maalin walba.

2 Korintos 5:9

Sidaa darteed haddaan Rabbiga u tagnay ama aan weli u tagin waa inaan dadaalnaa si aan isaga uga farxino.

2 Korintos 6:5

Waa na la garaacay oo xabsi na la geliyay rabshooyinkana wax nagu gaareen. Aad ayaan u shaqeynay anaga oo aan hurdeynin oo sooman.

Galatiya 6:2

Dhibkiina isla wadaaga, sidaas haddaad sameysaan sharciga Masiixa ayaad adeeceysaan.

Galatiya 6:9

Bal yaanan ka daalin inaan waxyaalo wanaagsan sameyno, waayo waqti fiican ayaan abuurka guran doonaa haddii aanan qalbi jabin.

Filiboy 2:16

Idinka oo weliba ku sii wacdinaya ereyga nolosha, sida aan ugu faano maalinta uu Masiixu soo laabanayo, waayo waa hubaal in dadaalkeyga iyo shaqada adag ee aan idin ka dhex qabtay eysan ahayn micno la’aan.

Filiboy 4:3

Haa, waxaan adiga ku weydiisanayaa, wehelkeyga runta ah inaad caawisid labadan haweeney, waayo aad ayey ila dadaaleen markaan kuwa kale u sheegayay warka wanaagsan. Waxaa kale oo ey la shaqeeyeen Kaleemeentos iyo kuwa kale ee ila shaqeeya, kuwaasoo magacyadoodu ku qoran yihiin buugga nolosha.

Kolosay 1:11

Waxaanna ka baryeynaa inuu Illaahey idin ku xooggeysiiyo xoogiisa ammaanta leh si aad u lahaataan dulqaad iyo sabar ey farxad la jirto.

1 Tesaloniika 1:3

Markaan Illaaha Aabaha ah idiin barino, waxaan ku mahadcelinaa shaqadiina aaminka ah, shaqada aad jaceyl ku sameyseen iyo dulqaadkiina ka imaaday rajada aad ku leedihiin Rabbigeena Ciise Masiix.

1 Tesaloniika 2:9

Walaalayaalow, runtii waad xusuusataan sida aan dhib iyo daal ugu shaqeysaneynay, habeen iyo maalin ayaan shaqeyneynay si aanan culeys qofna ugu ahaanin markaan idiin wacdineyno injiilka Illaahey.

1 Tesaloniika 5:12

Haddaba walaalayaalow waxaan idin weydiinayaa xushmeeya kuwa idin ka dhex shaqeeya, oona idiin daryeela Rabbiga dartiis idiinna waaniya.

2 Tesaloniika 3:13

Walaalayaalow idinkuna haka daalina inaad sameysaan waxa wanaagsan.

2 Tesaloniika 3:5

Waxaan idiin baryeynaa inuu Rabbigu qalbiyadiina ku hogaamiyo jaceylka Illaahey iyo dulqaadashada Masiixa.

2 Tesaloniika 3:8

Weligeen qofna cunto kama qaadanin anaga oo aan lacag ku bixinin. Habeen iyo maalin ayaan shaqeyneynay si aanan culeys qofna u saarin.

1 Timoteyos 4:10

Waana sababta aan aad ugu dadaalno una dhibaatoono waayo waxaan rajadeena saaranay Illaaha nool kaasoo ah badbaadiyaha dadka oo dhan, gaar ahaan kuwa iimaanka leh.

1 Timoteyos 5:17

Odayaasha kaniisadda ee shaqadooda sida wanaagsan u qabta waa in la maamuuso oo la sharfo gaar ahaan kuwa shaqadoodu tahay wacdinta iyo wax barida.

Cibraaniyada 10:36

Waa inaad dulqaad lahaataan si aad u sameysaan doonista Illaahey una heshaan ballanqaadkiisa.

Cibraaniyada 12:1

Waxaan heysanaa marqaatiyaal badan sidaa darteed waa inaan ka tagnaa wax walboo dib noo dhigaya gaar ahaan dembiga mar walba aan si fudud ugu dhaceyno. Aan si adkeysi leh ugu orodno tartanka Illaahey horteena dhigay.

Cibraaniyada 13:13

Haddaba aan banaanka xerada u baxno oo aan isaga u tagno si aan ula wadaagno ceebta.

Cibraaniyada 6:10

Illaahey ma ahan mid xaq dara ah, wuuna xasuusan doonaa sida aad dadkiisa horey ugu caawiseen iyo sida aad haddaba u caawineysaan. Dadkii Illaahey ayaa tihiin mana uu ilaawi doono jaceylka aad tusteen dadkiisa.

Cibraaniyada 6:12

Ma rabno inaad caajislowyaal noqotaan, Laakiin inaad ku dayataan tusaalihii kuwii iimaanka lahaa oo dulqaatay illaa Illaahey ballankii uu iyaga ka qaaday oofiyay.

Cibraaniyada 6:15

Kadib markii uu Ibraahim dulqaatay waxaa la siiyay wixii uu Illaahey ballan qaaday.

2 Butros 1:6

aqoontana iscelin, iscelintana dulqaad, dulqaadkana cibaado,

Muujintii 1:9

Aniga oo ah Yooxanaa, walaalkiin iyo midki idin kala qeyb qaatay dhibaatada iyo boqortooyada iyo dulqaadashada Ciise, waxaan joogay jasiiradda Batmos aniga oo wacdinaya ereyga Illaahey oo Ciisana u marqaatifuraya.

Muujintii 3:10

Waayo waxaad xajiseen amarkeyga idinkoo ku samraya, aniguna waan idin ka ilaalin doonaa waqtiga jarribaadda ee u soo socda aduunka oo dhan si loo jarribo waxyaalaha aduunka jooga oo dhan.