Muujintii 1:18 - Ereyga Illaahey Axdiga Cusub

¹⁸ Waxaan ahay Midka Nool, waan dhintay, haddana arag, weligey waan noolaan doonaa! Waxaanna hayaa furaha dhimashada iyo xabaalahaba.”

KITAABKA QUDUUSKA AH

¹⁸ iyo kan nool. Anigu waan dhintay, oo bal eeg, waan noolahay tan iyo weligayba, oo waxaan haystaa furayaasha dhimashada iyo Haadees.

Kitaabka Quduuska Ah

¹⁸ iyo kan nool. Anigu waan dhintay, oo bal eeg, waan noolahay tan iyo weligayba, oo waxaan haystaa furayaasha dhimashada iyo Haadees.

Muujintii 1:18 Iomraidhean Croise

Matayos 11:23

Idinkuna dadkii Kafarna’umow, ma waxaad u maleyneysaan in jannada la idiin qaadi doono? Maya, waxaa la idin ku tuuri doonaa naarta! Waayo haddii mucjisooyinkii la idin ku dhex sameeyay lagu dhex sameyn lahaa Sodom, illaa maanta wey jiri lahayd.

Matayos 16:19

Waxaan ku siin doonaa furayaasha albaabada boqortooyada jannada, wax walboo aad dhulka ka diidaan jannadana waa laga diidi doonaa, wax walboo aad dhulka ka ogolaataanna jannada waa laga ogolaan doonaa.”

Luukos 24:5

Naxdin iyo cabsi darteen haweenkii dhulka ayey ku dhaceen oo wey sujuudeen, laakiin nimankii ayaa ku yiri, “Maxaad kan nool kuwa dhintay uga dhex raadineysaan?

Yohana 11:25

Ciisana wuxuu iyada ku yiri, “Waxaan ahay sarakicidda iyo nolosha. Mid walboo i aamina wuu noolaan doonaa, inkastoo uu dhintay.

Yohana 14:19

In yar kadib dunidu ima arki doonto, laakiin idinku waad i arki doontaan. Waayo waan noolahay oo idinkuna waad noolaan doontaan.

Rooma 6:9

Waan hubnaa in dembigu uusan Masiixa korkiisa awood ku lahayn. Wuu dhintay waana la soo sarakiciyay, isaga oo aan mar labaad dhimaneyn.

2 Korintos 13:4

Inkastoo uu daciifnimadiisa loogu qodbay, laakiin hadda wuxuu ku nool yahay xoogga Illaahey. Sidaas oo kale ayaan dhexdiisa daciif ku nahay, laakiin waxaad arki doontaan inaan ku nool nahay xoogga Illaahey sida Masiixa uu yahay.

Galatiya 2:20

Waxaa iskutallaabta la igula qodbay Masiixa sidaa darteed ma isu nooli, laakiin Ciise ayaa igu dhex nool. Nolosha aan hadda ku noolahay, waxaan ku noolahay iimaanka aan saartay Wiilka Illaahey dartiis. Kaasoo i jeclaaday oo darteyda isu bixiyay.

Kolosay 3:3

Waayo waad u dhimatay, oo noloshaadana waxaa lagu qariyay tan Masiixa oo ku jirto Illaahey.

Cibraaniyada 1:3

Wiilka Illaahey wuxuu haystaa nuurka ammaanta Illaahey dhinac walbana wuu uga egyahay. Ereygiisa awoodda leh ayaa aduunka isku haya. Wiilku markii uu dembiyadeena naga nadiifiyay kadib ayuu fariistay gacanta midig ee Illaaha Weyn ee sareeya.

Cibraaniyada 12:2

Waa inaan indhaheena Ciise ku heyno kaasoo na hogaamiya iimaankeenana dhameystira. Wuxuu u adkeystay ceebta ah in iskutallaabta lagu qodbay, waayo wuxuu ogaa inuu hadhow ku farxi doono inuu sidaas sameeyay. Haddana wuxuu fadhiyaa dhinaca midig ee carshiga Illaahey!

Cibraaniyada 7:16

Midka wadaad ku noqday aasaaska aan ku saleysneyn sharciga awoowayaashiis, laakiin ku noqday awoodda nolosha aan la dumin karin.

Cibraaniyada 7:25

Sidaa darteed wuxuu weligiis awood u leeyahay inuu badbaadiyo kuwa uu Illaahey isaga ku hogaamiyo, waayo isagu weligiis wuxuu u nool yahay inuu iyaga u duceeyo.

Muujintii 10:6

Wuxuuna ku dhaartay magaca kan weligiis nool, kaasoo abuuray samada iyo waxyaalihii ku jiray oo dhan, dhulka iyo waxyaalihii ku jiray oo dhan, badda iyo waxyaalihii ku jiray oo dhan. Wuxuuna yiri, “Waqtigii sugitaanka wuu dhamaaday.

Muujintii 15:7

Kadibna mid ka mid ah afarta xayawaan ayaa toddobadii malaa’ig siiyay toddobo baaquli oo ey carada Illaahey ka buuxdo, kaasoo weligiis nool.

Muujintii 2:8

“Fariin u qor malaga kaniisadda Simurna. Kuwani waa ereyada kan horey u jiray iyo kan ugu dambeeyo, kaasoo dhintay oona soo noolaaday.

Muujintii 20:13

Kuwii badda ku dhintay wey kasoo baxeen, kuwii kale ee ku jiray meelaha dhimashada iyo xabaalahana wey kasoo baxeen, qof walbana waxaa lagu xukumay wixii uu sameeyay.

Muujintii 20:14

Kadibna Illaahey wuxuu amray in dhimashada iyo qabriga lagu tuuro warta dabka ah. Warta dabka ah waa dhimashada labaad.

Muujintii 3:7

“Fariin u qor malaga kaniisadda Filadelfiya. Kuwani waa ereyada kan ah quduus iyo run, kaasoo haya furihii Daa’uud. Wuxuu furo qofna ma xiri karo, wuxuu xirana qofna ma furi karo.

Muujintii 4:9

Mar walboo xayawaanadaas ey Illaahey ammaanaan, sharfaan oo ey u mahadceliyaan kan ku fadhiya carshiga kaasoo weligiis noolaanaya,

Muujintii 5:14

Afartii xayawaan waxey yiraahdeen, “Aamiin,” Kadibna labaatan iyo afartii odayaal intey jilbaha dhigteen ayey caabudeen Wankii.

Muujintii 6:8

Waan fiiriyay, horteydana waxaa taagnaa faras leh midab dambas ah! Midka wadana waxaa loo bixiyay Dhimasho, gadaashiisana aduun xabaalo ayaa ka jiray. Waxaa la siiyay awood ey afar meelood oo aduunka ka mid ah ey seef ku dilaan, abaar, dhimasho iyo xayawaan duureed.

Muujintii 9:1

Kadibna malagii shanaad ayaa ka dhawaajiyay buunkiisi, waxaanna arkay xiddigtii cirka kasoo dhacday oo dhulka ku dhacday. Xiddigtaas waxaa la siiyay furaha bohosha.