Luukos 10:2 - Ereyga Illaahey Axdiga Cusub

² Wuxuuna ku yiri, “Waxa beerta kasoo go’aya wey badan yihiin laakiin shaqaaluhu wey yar yihiin. Haddaba Sayidka beergoyska weydiista inuu shaqaale badan beertiisa u soo diro.

KITAABKA QUDUUSKA AH

² Wuxuuna ku yidhi, Waxa beerta laga gooynayaa way badan yihiin, shaqaalayaashuse waa yar yihiin. Sidaa darteed Sayidka beergooyska barya inuu shaqaalayaal beertiisa u soo diro.

Kitaabka Quduuska Ah

² Wuxuuna ku yidhi, Waxa beerta laga gooynayaa way badan yihiin, shaqaalayaashuse waa yar yihiin. Sidaa darteed Sayidka beergooyska barya inuu shaqaalayaal beertiisa u soo diro.

Luukos 10:2 Iomraidhean Croise

Matayos 20:1

“Boqortooyada jannada waa sida nin dhul leh oo aroortii tagay si uu shaqaale ugu raadiyo beertiisa canabka ah.

Markos 13:34

Waa sida nin safar u socda, oo gurigiisa ka tagay wuxuuna maamulka u dhiibay shaqaalihiisa, shaqaala walbana wuxuu sameynayo ayuu u sheegay, kan albaabka waardiyeeyana wuxuu ku yiri ila socodsii wax walba.

Markos 16:15

Ciise wuxuu iyaga ku yiri, “Dunida oo dhan taga oo warka wanaagsan kusoo wacdiya quruumaha oo dhan.

Markos 16:20

Xertiisana wey tageen oo waxey ka wacdiyeen meel walba, Illaaheyna wuu ka dhex shaqeeyay oo mucjisooyinkii ey sameeyeenna waxey cadeeyeen in fariintey wadaan ey run tahay.]

Luukos 9:1

Maalin ayaa waxaa dhacday Ciise inuu iskugu yeeray laba iyo tobankii xertiisa ahayd, wuxuu siiyay awood iyo xukun ey ku bixiyaan ruuxyada wasakhda leh iyo iney dadka ka bogsiiyaan cuduradooda.

Falimaha 11:19

Qaar ka mid ah xerta ayaa ka kala cararay silicii dhacay markii Istefanos la dilay waxeyna u safreen illaa Foynike, Qubrus iyo Antiyokh, waxeyna ereyga la wadaagayeen Yuhuudda kaliya.

Falimaha 13:2

Maalin iyagoo Illaahey baryaya soomayana ayaa Ruuxa Quduuska ah ku yiri, “Gooni iigu sooca Barnabas iyo Sawlos si ey u qabtaan shaqadii aan u doortay.”

Falimaha 13:4

Markii uu labadoodiba Ruuxa Quduuska ah diray, waxey tageen Selukiya halkaas oo ey kasii aadeen jasiiraddii Qubrus.

Falimaha 20:28

Is ilaaliya dadka kalana ilaaliya, waayo Ruuxa Quduuska ah ayaa idin ka dhigay ilaaliye. Noqda arijirka kaniisadda Illaahey, taas oo uu dhiigiisa ku soo iibsaday.

Falimaha 22:21

“Kadib ayaa Rabbigu ii jawaabay oo igu yiri, ‘Bax, waxaan kuu diri doonaa meel fog oo ey joogaan dad aan Illaahey garaneyn.’  ”

Falimaha 8:4

Kuwii soo kala firdhismay ayaa injiilka ka wacdiyay meel walboo ey tageen.

1 Korintos 12:28

Illaaheyna markii hore wuxuu kaniisadda ka doortay dad uu ka dhigo rasuullo, marka labaadna nebiyo, marka saddexaadna macalimiin, kadibna kuwo mucjisooyin sameeya, kuwo hadiyaddo dadka lagu bogsiiyo leh, kuwo dadka kale caawiya, kuwo leh hadiyada dadka lagu hogaamiyo, iyo kuwo afafka kale ku hadla.

1 Korintos 15:10

Laakiin Illaahey nimcadiisa ayaan ku ahaaday waxaan hadda ahay, nimcadiisuna shaqo fiican ayey iga dhex sameysay. Anigu si rasuullada kale ka badan ayaan Illaahey ugu shaqeeyaa, aniga ma aha laakiin nimcada Illaahey ayaa iga dhex shaqeysa.

2 Korintos 6:1

Anaga oo la shaqeyneyna Illaahey ayaan idin ka baryeynaa in aadan qiima la’aan u qaadanin nimcada Illaahey.

Filiboy 2:21

Waayo qof walba wuxuu fiiriyaa dantiisa kaliya, intii ey ka fikiri lahaayeen waxa Ciise Masiix muhiimska u ah.

Filiboy 2:25

Laakiin waxaan u maleynayaa iney muhiim tahay inaan dib idiin kugu soo diro Ebafroditos, walaalkey aan shaqaale iyo askariba wada nahay. Kaasoo ahaa fariinsidihiina, isaga oo aadna u soo dirteen inuu baahideyda iga caawiyo.

Filiboy 2:30

Waayo shaqada Masiixa darteed ayuu u dhiman gaaray. Noloshiisa ayuu halis u geliyay inuu i caawiyo caawimaad eydan idinku i caawin karin.

Kolosay 1:29

Sidaa darteed ayaan aad ugu dadaalaa aniga oo ku kalsoon awoodda weyn ee Masiixa taas oo iga dhex shaqeyneyso.

Kolosay 4:12

Ebafras, kaasoo idin ka tirsan oona ah adeegaha Ciise Masiix, isaguna wuu idin soo salaamayaa. Aad ayuuna idiin ku duceeyaa, si uu Illaahey idiin adkeeyo oo kaamil idinkaga dhigo, idinka oo si dhameystiran kalsooni u leh oo aadna doonista Illaahey u sameysaan.

1 Tesaloniika 2:9

Walaalayaalow, runtii waad xusuusataan sida aan dhib iyo daal ugu shaqeysaneynay, habeen iyo maalin ayaan shaqeyneynay si aanan culeys qofna ugu ahaanin markaan idiin wacdineyno injiilka Illaahey.

1 Tesaloniika 5:12

Haddaba walaalayaalow waxaan idin weydiinayaa xushmeeya kuwa idin ka dhex shaqeeya, oona idiin daryeela Rabbiga dartiis idiinna waaniya.

2 Tesaloniika 3:1

Walaalayaalow ugu dambeyntii, waxaan idin weydiisaneynaa inaad noo duceysaan. Soo duceeya si fariinta Rabbigu si degdeg ah u faafto, meel walboo ey gaartana laga sharfo, sidi markey idin soo gaartay oo kale.

1 Timoteyos 4:10

Waana sababta aan aad ugu dadaalno una dhibaatoono waayo waxaan rajadeena saaranay Illaaha nool kaasoo ah badbaadiyaha dadka oo dhan, gaar ahaan kuwa iimaanka leh.

2 Timoteyos 4:5

Laakiin waa inaad is dejiso oo aad diyaar u tahay inaad dhibaatada u adkeysato. Waa inaad ku dadaashaa inaad warka wanaagsan sheegtid oo aad si wanaagsan u qabatid shaqadaada.

Filemon 1:1

Warqaddan waxey ka socotaa Bawlos oo maxbuus u ah wacdinta injiilka Ciise Masiix dartiis. Iyo walaalkeen Timoteyos oo ila jooga. Waxaan warqaddan ku salaameynaa Filemon oo ah saaxiibkeen qaaliga ah oo aan isla shaqeyno.

Cibraaniyada 3:6

Laakiin Masiixu waa Wiilka xukuma dadka Illaahey oo dhan. Inaguna waxaan nahay dadkaas haddii aan sii adkeysano oo aanan rajo beelin.

Muujintii 2:1

“Fariin u qor malaga kaniisadda Efesos. Waxaadna ku dhahdaa, aniga ayaa waxyaalahan ku dhahaya, aniga ayaana toddobada xiddigood gacanteyda midig ku haya. Aniga ayaa ku dhex socda toddobada laambadood.