Otsotsa 9:2 - Ohwihwim Olehe

² Eyi enzo he lo e hwile enzhe lo e khwo nga, odzo o zgi enzhe lo kyukyukyu eka ba odzo o la o zgi aku la a ri ovo. Ahrẽ pyeŋ a gbu evbu okyku odzo la o zgi enzhe he lo.

Otsotsa 9:2 Iomraidhean Croise

Otum 2:19

Ame é kpo ayakplo ba egbregbre ahrẽ, ta la obiŋ hi. Moa á ka amanzhli ta la ovo, ta la odzo nzenze.

Otsotsa 14:11

Odzo ba ovo la ó ba o kpo mo ewu lo ó yi ongyeŋ gbagbu-amo. Olulum ta la okyukyu odzudum ó wo ma mbo okyku moa la a hlu ebyi lo ta la ambgu ba ebyi lo eshko, ta la areyaŋ a mbo la a yga egŋe ba eshko ba ebyi he lo.

Otsotsa 8:12

Ambla he nga anwyeadga ba onyi a hlu egbaru baŋ. Nga ogʼba okyeŋ eshki ba egʼba etra ba olulum ta la o ba ohwa, ta la o ba eyi enzo, moa a tra lo. Okyku eka he nga ogʼba okyeŋ eshki ba egʼba etra ba ayimom, alo o blu. Ogʼba okyeŋ egʼba etra ba omba ba olulum, ayimom o wo ma mbo, okyukyku a mbo o wo ekakahelo.

Otsotsa 9:17

Nga okoka ba ame e ka, ame e ka ényma lo, pa la moanwyeakyuŋ la a vre lo. Ombyli ba ahwre ba moa a wo la alo ma o wo obme mbwi eka ba ovo, nga o sa ahwĩ mlemle eka ba etu. Nga o sa o wo abme mlemle eka ba eri ba azhi. Ashri ba ényma lo a wo eka ba ashri ba émbdze. Ovo ta la odzo, ta la eŋe la e bmye ovo e gre eshri e zgi anyu mo.

Otsotsa 9:1

Ambla he nga anwyeadga ba otno a hlu egbaru baŋ. Ame e ka eyi enzo e gʼbu e zgi ongyeŋ e gbu obiŋ. Moa a shri emakuli ba enzhe la e gyuŋ mgbyimgbyimgbyiŋ a shri a daŋ.

Otsotsa 9:11

Areŋ la a ri ekʼpo eshri mo angyiŋ a wo anwyeadga la a kpaŋ enzhe la e gyuŋ mgbyimgbyimgbyiŋ e gre eshri. Eshko baŋ olom moaEyahuda e ri Abadoŋ. Nga la Egrise alo e ri Apoliyoŋ, alo o dzu, Ebga.

Otsotsa 16:10

Ambla he nga anwyeadga ba otno a zhiŋ olom la o wo atku baŋ a ygi emgbakyiŋ oreŋ ba ebyi la e wo ebi he lo. Evbu e shki oreŋ ba ebyi lo pyeŋ, nga moare a la a taŋ azhga anyu okyku avuolo.