Amatiyu 2:11 - Ohwihwim Olehe

¹¹ Moa a gre odne eshyẽ nga moa a ka anwye lo ta la anaŋ Emeri. Moa a kne a shki obiŋ, nga moa a hlu ŋa eshko. Moa a hwile apuoshri mo nga moa a se ototno moa a shri. Moa a shri ezanariya, ta la afarakis ta la emri.

Amatiyu 2:11 Iomraidhean Croise

Amatiyu 1:18

Ozhẽ ba moa a mbre Eyesu Ekristi. Oyusufu angyiŋ a wo la a kpo eshra ba Emeri anaŋ Eyesu. Omba ba moa a kyu eble a wo mbo, aŋa a ka a bmye ba Emeri a kpo onyi ekʼpo ba Ogbgaodzi.

Amatiyu 12:46

Omba ba Eyesu a la a lu odlo pa la moare nga, anaŋ, pa la moanáŋ-alalom moa a gbu. Moa a tspi edzi a dzu a bli ŋa okyku o lu odlo ka la ŋa.

Amatiyu 14:33

Moanwyeotum a dzu amgblami a hlu Eyesu eshko a lu mi le, Adlidzi angyiŋ, aŋo angyiŋ o wo Anwye Ahogbrẽ!

Amatiyu 2:10

Moa a kpo ovye a gre eshri omba ba moa a ka eyi enzo lo!

Amatiyu 2:2

Anwye able ba moa a mbre ŋa, baŋ angyiŋ á ba a dzu anyuŋ-areŋ moaEyahuda a wo ayaŋ? Agi e ka eyi enzo baŋ omba ba alo e zgi egi etne. Okyku eka he agi e ba okyku o hlu ŋa eshko.

Oluka 2:16

Moa a zhiŋ ogbu hu a gre nga, moa a yi a ka Emeri ta la Oyusufu, ta la anwye lo, a lom aku ebme.

Oluka 2:38

Ombamba he lo a gbu, a ba a vye Ahogbrẽ nga, a lu odlo eshri anwye lo pa la moare la a ka ayi ozhẽ okyku omba ba Ahogbrẽ á ba a shla Orushalima.

Eyohana 19:39

Enikodimo la a gre ibu ba Eyesu okyukyku ombakyeŋ, a gre ta la Oyusufu. A shri awargi la a shka efpi. Alo a wo alaba endgaekyeŋ. Moa a kpo lo la emri ta la aloso.

Otsotsa 19:10

Ame e kŋe e shki obiŋ egi ayi baŋ okyku o hlu ŋa eshko, ambo a lu mi le, O kpo eka he mbo! Ame a mbo e wo awaghrẽ eka boŋ pa la moanóŋ pyeŋ la a kpaŋ adlidzi ba Eyesu a tsa lo zhezheŋ. Aŋo o hlu Ahogbrẽ angyiŋ eshko! Okyku eshi adlidzi ba Eyesu a ra lo a tspa zhezheŋ angyiŋ a shĩ esõ moarehwĩ ba Ahogbrẽ a hom mo otum.

Otsotsa 5:8

Omba ba Anwye Ekylu a kpo eka he nga, ébyi enyi la e wo la esõ ma lo, pa la moandakʼpo ekʼpoha la anyi, moa a tsu a ygi obiŋ egi ayi baŋ. Ayaŋ a mbo eshki mo a wo la egbani ta la atku ba azurfa nga ayakplo ba moa a la a ta odzo okyku oshriondba, alo a bli atku lo slu. Alo angyiŋ o wo olu ba moarehwĩ ba Ahogbrĩ.