1 Ebitru 5:5 - Ohwihwim Olehe

⁵ Nga ozhẽ he lo, agimi ola anwye, o raŋ o gre ba agimi e fa olbi e da moare la a kʼpo gimi. Nga o raŋ o gre ba agimi pyeŋ e kpo ble-ble, nga agimi e kpo e ghwo la egimi. Odlo ba Ahogbrẽ o lu mi le, Ahogbrẽ a tla moare la a nyom egʼba, ambo aŋa a la a kpo a ghwo la moarehwĩ la a wo ble-ble.

1 Ebitru 5:5 Iomraidhean Croise

Oluka 22:26

Okro bimi o wo ondundum. O dzu omgbybi ba are la a wo ekʼpo a gre pyeŋ eshki bimi, a dzu eka anwye afifi, nga o dzu omgbybi ba andakʼpo a sa a dzu eka anwye-odne.

MoaOroma 12:10

Agimi e klo egimi adzadzi okyku eshi agimi e wo moanáŋ angyiŋ eshko ba Ekristi, nga agimi e la e fa olbi e da egimi la oklo.

MoaOroma 13:14

Agimi e tslo anzho eko ba Adigi Eyesu Ekristi, nga e da ogroayi ba egʼba o ri oshye bimi mbo.

MoAfisu 5:21

Agimi e fa olbi e da egimi, okyku oklo ba agimi e wo la alo ma okyku Ekristi.

MoaEfilibi 2:3

O raŋ o gre ba agimi e kpo ekplokyeŋ la e shri ogogʼba e ba angyiŋ mbo, o mbo le la oklo ekʼpoeshri mbo. Ambo e pre esõ obiŋ ta la egimi. Arekyeŋ a la a sko eshri baŋ a zga eka baŋ a yi a kpo a gre moahwõ mbo.

MoaOkolosi 3:12

Agimi e wo moarehwĩ ba Ahogbrẽ. Aŋa a klo gimi nga a sla gimi okyku o da gimi e dzu moarehwĩ baŋ. Okyku eka he o raŋ o gre ba agimi e sko okayiekŋe ta la okpoghwo, ta la opresõ-obiŋ, ta la esõ ble-ble, ta la oghwo-esõ, e ygi egʼba.

1 Etimoti 5:1

Aŋo o shrom atsoŋ are mbo ambo o lu odlo ka la ŋa eka baŋ a wo adoŋ angyiŋ. Nga o kpo pa la moa ola anwye eka moa a wo moanóŋ.

MoaIbrani 13:17

O raŋ o gre ba agimi e ka moandakʼpo la olbi nga e kpaŋ odlo mo. Moa a la a kpaŋ esõ bimi a la a dzu a dum mbo, okyku eshi o dzu mo omgbybi ba moa á ba a shri etsko otum mo á ba a shri á da Ahogbrẽ. O wo ba agimi e la e fa olbi e da mo le, moa á kpo otum mo la esõ ekyle. O wo eka he mbo le, moa á kpo lo la esõ ebili. Nga alo ó kpo ó ghwo la gimi mbo.

Eyakubu 4:6

Ambo okpoghwo ba Ahogbrẽ a shri a di, alo o wo oshye o gre pyeŋ. Okyku eka he, odlo ba Ahogbrẽ o lu mi le, Ahogbrẽ a tla moare la a nyom egʼba, nga a la a kpo a ghwo la moare la a wo esõ ble-ble.

1 Ebitru 3:8

Ekplo ba amom-abgo, o raŋ o gre ba agimi e dzu la aga ta la okoka okyekyeŋ angyiŋ e ma. Agimi e la e klo egimi eka moanáŋ. Nga e la e kpo e ghwo la egimi, nga e kpo ohe-heŋ angyiŋ ta la egimi.

1 Ebitru 4:1

Eka ba Ekristi a kpo ewu egʼba baŋ, alo o dzu omgbybi ba agimi a mbo e dzu la oshye-esõ nga e kpo ewu okyku okũ he lo. Okyku eshi areyaŋ a mbo la a kpo ewu egʼba le, aŋa á wo ewu ba odlobi nga mbo.

1 Ebitru 4:5

Ambo o dzu omgbybi ba moa a shri etsko ba eshri mo, a shri a da Ahogbrẽ. Ahogbrẽ he lo a dzu a bli baŋ á sõ moa la a wo ayi pa la moa la a kpu, ombgu.