1 Ebitru 4:2 - Ohwihwim Olehe

² Okyku eka he, a zga ohuhuhi a yi, o raŋ o gre ba agimi e da Ahogbrẽ a kpo ekʼpo ta la odzudzu bimi la o ra obiŋ hi. Agimi e dzu la okoklo ba egʼba mbo.

1 Ebitru 4:2 Iomraidhean Croise

Amatiyu 12:50

Areyaŋ a mbo la a kpo ekployaŋ a mbo ba Adugu la a wo Ongyeŋ a gno oraŋ angyiŋ, a wo anime-alalom, ta la anime-alashle, ta la anungu.

Amatiyu 20:4

Nga a nyuŋ mo a lu mi le, Agimi a mbo e yi e kpo otum agbi me. Ame é hre gimi ekplo la e raŋ e gre.

Amatiyu 21:31

Ayaŋ eshki moanwye aha he lo, a kpo ekplo ba adimo a klo? Moa a tno ma a lu mi le, Anwye andakʼpo angyiŋ a kpo ekplo ba Adimo a klo. Eyesu a nyuŋ mo a lu mi le, Ame e lu e da gimi, moa la a yga ewaŋ, pa la moashe la a la a ri eshra, moa á yi Oreŋ Ahogbrẽ á sku gimi.

Amatiyu 7:21

Areyaŋ a mbo la a la a bzi a lu mi le, Adigi-odne, Adigi-odne, angyiŋ, á ba a yi Oreŋ Ongyeŋ mbo, o wo le moa la a kpo ayakplo ba Adugu la a wo Ongyeŋ a klo dne.

Amarku 3:35

Are la a la a kpo ekplo ba Ahogbrẽ a klo angyiŋ a wo anime-alalom, ta la anime-alashle, ta la anungu.

Amarku 7:21

Esõ arehwĩ nga, aga ba o kpo ayakplobi, eka esi, ta la obga ebga,

Eyohana 1:13

Moa a dzu moanwye Ahogbrẽ ibu ombrembre ba egʼba mbo, ozhẽ ombrembre ba moarehwi a mbo mbo. Ahogbrẽ ababgo baŋ a dzu Adimo.

Eyohana 7:17

Areyaŋ a mbo la a bmi nga a la a kpo ekplo ba Ahogbrẽ a klo, á kpo á gbu baŋ á ka á bmye ba onyenye me he o wo o ba Ahogbrẽ angyiŋ le, o wo o ba ekʼpo eshri me angyiŋ.

MoaOroma 12:2

Agimi e kpo otum okyku o da obiŋ hi angyiŋ o gno oraŋ ka la gimi mbo, ambo agimi e da Ahogbrẽ angyiŋ a kpo otum eso bimi nga a zhiŋ gimi pyeŋ. O wo baŋ a zhiŋ gimi le, agimi é kpo é gbu bimi é ka okoklo ba Ahogbrẽ é bmye. Agimi é kpo é gbu bimi é yi aga baŋ la a wo adzadzi nga a raŋ ŋa eso nga a wo zhezheŋ.

MoaOroma 14:7

Arekyeŋ a wo ma la eso okyku eŋa sha mbo, arekyeŋ a kpu okyku eŋa sha mbo. O wo ba agi e wo ma le, agi e wo ma okyku Ahogbrẽ angyiŋ.

MoaOroma 6:11

O raŋ o gre bimi e tne aga eka bimi e kpu okyku odlobi, ambo e sa e dzu ma okyku Ahogbrẽ okŋeobga ta la Ekristi Eyesu.

MoaOroma 6:2

O wo eka he angyiŋ mbo! Agi e sheŋ e kpu ta la odlobi bgu. O wo odzi bi e sa e dzu ta la alo nga nga?

MoaOroma 7:4

Agimi anáŋ, alo a mbo o wo ekakahelo angyiŋ ta la egimi. Eka ba odaŋ o wo, agimi a mbo e sheŋ e kpu bgu, okyku eshi agimi e wo eka ogʼba ba egʼba ba Eyesu angyiŋ. Nga ohuhuhi agimi e wo moare ba are ba moa a kso ŋa ongybi okyku o da gi e kpo ayakplo la a wo shasha okyku Ahogbrẽ.

2 MoaOkorinti 5:15

A kpu okyku moarehwi pyeŋ okyku o da moa la a yi a wo la eso ma a dzu emomo nga mbo, ambo okyku o da mo a dzu okyku ŋa sha, okyku eshi aŋa a kpu nga moa a kso ŋa eku okyku mo.

MoAfisu 2:3

Ambo ayga, agi pyeŋ e wo eka mo angyiŋ, nga agi e dzu la okoklo bi ba egʼba. Nga agi e kpo ekployaŋ a mbo ba egʼba ta la aga bi e klo. Nga alo o dzu ba Ahogbrẽ á kpo gi pyeŋ ewu eka baŋ a kpo areyaŋ a mbo ewu.

MoAfisu 4:17

La eshko ba Adigi-odne angyiŋ ame e lu odlo he, nga ame e la e tspi gaŋ okyku lo. O dzu omgbybi ba agimi e dzu eka moaevbu ku-ku nga mbo. Aga mo a wo adzi ku-ku mbo.

MoAfisu 5:17

Agimi e dzu moadro mbo, ambo e nyuŋ e mbli e ka ekplo ba Adigi-odne a klo ba agimi e kpo.

MoAfisu 6:6

E kpo ohe lo omba ba moadigimi-odne a wo ka la gimi sha angyiŋ okyku o da mo a tsom gimi mbo. Ambo o raŋ o gre ba agimi e kpo ekployaŋ a mbo ba Ahogbrẽ a klo la esõ ekyekyeŋ. E kpo ekployaŋ a mbo eka moawaghrẽ ba Ekristi.

MoaOkolosi 1:9

Okyku eka he a zga omba ba agi e gno oshpa bimi, agi e fa olu okyku gimi. Agi e la e vẽ Ahogbrẽ okyku o daŋ a bli gimi la oyioyi eshri okoklo baŋ, nga a bli gimi la okaobmye pyeŋ ta la okoka ba Ogbgaodzi angyiŋ o la o shri o di.

MoaOkolosi 3:3

Okyku eshi agimi e sheŋ e kpu, nga esõ bimi e yi e ghre ta la Ekristi okro ba Ahogbrẽ.

MoaOkolosi 4:12

Ebafara a mbo a shko gimi. Aŋa a mbo a wo arehwĩ ba eshki bimi angyiŋ. Aŋa a mbo a wo awaghrẽ ba Ekristi Eyesu angyiŋ. A la a fa olu osheshye okyku gimi ombamba pyeŋ. Aŋa a la a vẽ Ahogbrẽ okyku o da gimi e tspi la osheshye la esõ la e bmye ayi e klu, la obmi ba adlidzi nga la obibmi la esõ ekyekyeŋ ta la okoklo ba Ahogbrẽ.

1 MoaEtasolonika 5:18

E vye la Ahogbrẽ okyku ekployaŋ a mbo, okyku eshi Ahogbrẽ a klo eka he angyiŋ ka la gimi ibu odzudzu bimi okro ba Ekristi Eyesu.

MoaIbrani 13:21

Aŋa nga la a wo Ahogbrẽ ba opyapyaŋ, o wo baŋ a bmi le, a shri ekployaŋ a mbo la e wo edzi ba agimi e wo la alo ma mbo a shri a da gimi, okyku o da gimi e kpo ayakplo baŋ a klo. Aŋa nga, okro ba Eyesu Ekristi, aŋa a kpo esõ bi ekplo la e raŋ ŋa esõ. Nga ekekʼpo e dzu e ba Ekristi gbagbu gbagbu-amo! Amin.

Eyakubu 1:18

La oklo ba esõ baŋ angyiŋ, a kpo gi ozhẽ ba odlo ba adlidzi okyku o da gi e hwiŋ okro ba anyuanyuŋ angyiŋ e dzu ma eshki ba ayakplo pyeŋ baŋ a kpo.

1 Ebitru 1:14

E kpaŋ odlo ba Ahogbrẽ nga e da edgu okoklo ba ayakplo ba agimi e wo la alo ma omba bimi e wo efĩ o ri ekʼpo eshri bimi mbo.

1 Ebitru 2:1

Agimi e ngʼba e sku ayakplo pyeŋ la a wo abi. O raŋ o gre ba agimi e sheŋ akpro mbo, nga e kpo abibli mbo, nga e ta efpu mbo, nga e lu odlo la o wo odzi mbo.

1 Eyohana 2:17

Obiŋ hi ta la ekployaŋ a mbo la e wo ma ba moarehwĩ a la a klo lo moa á bre á yi. Ambo are la a la a kpo ayakplo ba Ahogbrẽ a klo le, á dzu ma gbagbu-amo.