1 Ebitru 2:21 - Ohwihwim Olehe

²¹ Okyku ohi lo angyiŋ, Ahogbrẽ a bzi gimi. Okyku eshi Ekristi a mbo a kpo ewu okyku gimi, nga a dzu egŋe a zga ma okyku o da gimi a mbo e kpo eka he lo, nga e sõ ozhẽ baŋ a sõ lo.

1 Ebitru 2:21 Iomraidhean Croise

Amatiyu 10:38

Areyaŋ a mbo la a bmi okyku o kpo ewu okyku me, nga a la a kpo ayakplo ba ame e klo mbo le, aŋa a wo ekplokyeŋ angyiŋ egi ayi me mbo.

Amatiyu 11:29

Agimi e da me e ri ekʼpo eshri bimi, nga e nye ibu me, okyku eshi ame e wo la esõ ble-ble pa la opresõ-obiŋ, nga agimi é hwiŋ odzudum.

Amatiyu 16:24

Eyesu a sa a lu pa la moanwyeotum baŋ a lu mi le, O wo ba are a klo o lu me ma le, aŋa a shri eshri baŋ a ndba nga a bmi o kpo ewu ma-me la eku a mbo okyku me, nga a lu me ma.

Oluka 24:26

O dzu omgbybi ba Emisiya á kpo ewu eka he nga á hwiŋ odzudzu ba ekʼpo baŋ mbo?

Eyohana 13:15

Ame e tsa gimi ozhẽ otsa angyiŋ, okyku o da gimi e kpo eka ba ame e kpo ka la gimi.

Eyohana 16:33

Ame e lu ohe lo e da gimi okyku o da gimi e hwiŋ opyapyaŋ ba eso okro me. O ka, obiŋ hi ó kpo gimi ewu, ambo agimi e ghwo eso! Ame e sheŋ e kpo e gre obiŋ hi bgu!

Otum 14:22

Moa a shĩ moa la a bmi ba adlidzi nga, moa a nyuŋ mo ma moa a tspi osheshye ta la obmi ba adlidzi mo. Moa a nye moare a lu mi le, O dzu omgbybi ba agi e kpo ewu okyku o gre o yi Oreŋ ba Ahogbrẽ.

Otum 17:3

Aŋa a la a sla lo a da mo a ka nga, a tsa mo eka ba o dzu omgbybi ba Emisiya á ba a kpo ewu nga moa á kso ŋa ongybi. Oblus a nyuŋ mo a lu mi le, Eyesu ba ame e la e lu odlo eshri baŋ he lo a mi, a wo Emisiya he lo.

Otum 9:16

Nga, ame é tsa ŋa ewu baŋ á ba a kpo okyku me.

MoaOroma 8:29

Okyku eshi moare ba Ahogbrẽ a sheŋ mo a sla, a sla mo a zga agba nga a da mo a sko emle ba Anwye baŋ, okyku o da Anwye baŋ a dzu a ba oriori eshki moanáŋ mvye.

1 MoaOkorinti 11:1

Agimi e mbli me eka ba ame e mbli Ekristi.

MoAfisu 5:2

Agimi e da oklo angyiŋ o ri ekʼpo eshri bimi, eka ba Ekristi a klo gi nga a shri esõ a shri a da gi eka ba oshriondba la o shka efpi edzadzi la o raŋ Ahogbrẽ esõ.

MoaEfilibi 2:5

O raŋ o gre ba agimi e dzu la edgu odzudzu ba Ekristi Eyesu a wo la alo ma.

1 MoaEtasolonika 3:3

okyku o da arekyeŋ eshki bimi a zhiŋ a yi ambla okyku ewu he mbo. Agimi a mbo e yi ba ewu he lo e dzu ekplo ba Ahogbrẽ a shri a zga okyku gi angyiŋ.

1 MoaEtasolonika 4:2

Agimi nga e sheŋ e yi onyenye ba agi e nye gimi okro ba ekʼpo ba Adigi-odne Eyesu.

2 Etimoti 3:12

Moare pyeŋ la a klo o dzu moarehwĩ ba Ahogbrẽ okŋeo-bga ta la Ekristi Eyesu, moa á kpo ewu zheŋ.

MoaIbrani 2:10

O wo shasha angyiŋ okro ba Ahogbrẽ la a kpo ekployaŋ a mbo nga a la a kpaŋ lo. Aŋa a kpo eka he okyku o da Eyesu a bli shasha okro ba ewu lo, okyku o da moare nzenze a pu ekekʼpo baŋ he lo ka la ŋa. Okyku eshi Eyesu angyiŋ a wo are la a tsa mo ozhẽ ba oshla he lo.

1 Ebitru 1:20

Ahogbrẽ a sheŋ a sla ŋa ayga moa a kpo obiŋ hi. Nga moa a shri ŋa a tsa omba ba amom-abgo he okyku gimi.

1 Ebitru 2:24

Ekristi ababgo baŋ a sko odlobi bi egʼba baŋ a shri a gre egŋe aki, okyku o da gi e dzu eka ba moare la a kpu angyiŋ ta la odlobi. Are la a kpu moa á tka ŋa aŋa a kpo a gbu baŋ a yi mbo. Okyku eka he, are la a kpu okro odlobi, a kpo a gbu baŋ a yi odlobi mbo, nga a dzu okyku o kpo odlodzi. Nga okyku ero ba moa a fa Ekristi egʼba angyiŋ, agimi e hwiŋ oshye.

1 Ebitru 3:18

Okyku eshi Ekristi ababgo baŋ a mbo a kpu okyku gimi. Okyku okpyemgbyeŋ a mo angyiŋ a kpu okyku odlobi. Okpu-kpu baŋ he lo, o wo odgo okyekyeŋ sha. Are ba odlodzi angyiŋ a kpu okyku moarehwĩ ba odlobi. A kpo eka he lo okyku o daŋ a shri gimi a shri a yi okro ba Ahogbrẽ. Moa a daŋ a kpu eku ba egʼba, ambo moa a sa a daŋ a hwiŋ odzudzu ba esõ.

1 Ebitru 3:9

Ambo o wo ba arekyeŋ a tra ŋo ezhim le, aŋo o tra ŋa ambgu. Nga agimi e ta anyuabi angyiŋ e ygi are la a ta anyuabi a ygi gimi mbo, ambo e fa anyuadzi angyiŋ, okyku eshi Ahogbrẽ, omba baŋ a bzi gimi, a hwim baŋ á ba a fa anyuadzi angyiŋ á ygi.

1 Ebitru 4:1

Eka ba Ekristi a kpo ewu egʼba baŋ, alo o dzu omgbybi ba agimi a mbo e dzu la oshye-esõ nga e kpo ewu okyku okũ he lo. Okyku eshi areyaŋ a mbo la a kpo ewu egʼba le, aŋa á wo ewu ba odlobi nga mbo.

1 Ebitru 4:13

Ambo o raŋ o gre ba agimi e kpo ovye angyiŋ okyku ba agimi e pu ta la Ekristi ewu baŋ a la a kpo, okyku o da gimi e bli la ovye angyiŋ omba ba moa a tsa gi esesla baŋ.

1 Eyohana 2:6

Are la a lu mi ma aŋa a la a wo ta la Ahogbrẽ le, o raŋ o gre baŋ a dzu eka ba Eyesu Ekristi a dzu.

1 Eyohana 3:16

Ekristi a shri esõ baŋ a shri a di, okyku gi ozhẽ he lo angyiŋ agi e yi ekplo la e la e wo oklo. Nga o raŋ o gre ba agi a mbo e shri esõ bi e shri e di okyku moanigi!

Otsotsa 12:11

Okyku amanzhli ba Anwye Ekylu angyiŋ, nga okyku oshpa adlidzi ba moa a la a nyum angyiŋ, moanigi a kpo a gre emabi egagre he lo. Moa a bmi ba o shri eshri mo o shri o di nga ba o kpukpu.