1 Ebitru 2:2 - Ohwihwim Olehe

² Agimi e dzu eka moanwye able ba moa a mbre mo ehehe. Omba-mba pyeŋ agimi e la e kpo ekhwo okyku orga abme ba esõ la a wo tsetsetseŋ, okyku o da gimi e wa nga e hlu nga e hwiŋ oshla,

1 Ebitru 2:2 Iomraidhean Croise

Amatiyu 18:3

nga a nyuŋ mo a lu mi le, Agimi e ka! O wo bimi e zhiŋ e dzu eka moanwye afifi mbo le, agimi é yi Oreŋ Ongyeŋ mbo ku-ku.

Amatiyu 19:14

Ambo Eyesu a nyuŋ moanwyeotum baŋ a lu mi le, Agimi e da moailwye afifi a ba okro me, e kyku mo mbo, okyku eshi, Oreŋ Ongyeŋ o wo okyku edgu moahi lo angyiŋ.

Amarku 10:15

E gno, areyaŋ a mbo la a yga Oreŋ Ahogbrẽ eka moanwye afifi he lo mbo, á yi Oreŋ Ahogbrẽ mbo ku-ku.

Oluka 18:17

Agimi e ngli atuŋ e gno! Areyaŋ a mbo la a yga Oreŋ Ahogbrẽ eka ba anwye afifi mbo le, á kpo á gbu baŋ a yi Oreŋ Ahogbrẽ mbo.

MoaOroma 6:4

Ozhẽ ba abaptisma moa a kpo gi o dzu eka moa a ngybi gi ka la ŋa, nga ba agi e kpu ka la ŋa. O wo eka ba moa a kso Ekristi ongybi la anyuŋ ekʼpo ba Adigi, okyku o da gi a mbo e sa e hwiŋ eso elehe ozhẽ he lo.

1 MoaOkorinti 14:20

Agimi anáŋ, e tne aga eka moanwye afifi mbo. Ambo e dzu eka moanwye afifi angyiŋ egi ayi ba odlobi, nga e da aga bimi a dzu eka ba aga moare la a bmye ayi a khwo.

MoAfisu 2:21

Aŋa angyiŋ a kom aku lo pyeŋ abgo, nga a da lo a ta ma-ma nga a dzu Anyuŋ-akulu ba esesla okro ba Adigi-odne.

MoAfisu 4:15

O raŋ o gre ba agi e hlu eka ba Ekristi la a wo eshri a wo, nga e lu adlidzi la oklo esõ bi e sku o kpo ayakplo ba eda ebi.

2 MoaEtasolonika 1:3

O raŋ o gre ba agi e vye la Ahogbrẽ okyku gimi anáŋ ombamba pyeŋ! O raŋ o gre ba agi e kpo eka he lo, okyku eshi obmi ba adlidzi bimi o la o ta ma o ta-ta, nga oklo ba agimi e wo la alo ma okyku moahwõ a mbo o la o ta ma-ma.

1 Ebitru 1:23

Okyku eshi okro ba odlo ba Ahogbrẽ la o wo la esõ ma nga ba alo ó dzu ma gbagbu-amo, moa a sa a bla gimi a mbre eka moanwye ba ada la á kpu ku-ku nga mbo.

2 Ebitru 3:18

Ambo agimi e hlu la okpoghwo, ta la oyioyi ba Adigi-odne la a wo Areoshla bi, Eyesu Ekristi. Ekʼpo e dzu e baŋ ohuhuhi ka la gbagbu-amo! Amin.