1 Ebitru 2:1 - Ohwihwim Olehe

¹ Agimi e ngʼba e sku ayakplo pyeŋ la a wo abi. O raŋ o gre ba agimi e sheŋ akpro mbo, nga e kpo abibli mbo, nga e ta efpu mbo, nga e lu odlo la o wo odzi mbo.

1 Ebitru 2:1 Iomraidhean Croise

Amatiyu 15:7

Agimi abibli moarehwĩ! Eshaya a ta akpu ku-ku omba baŋ a ka a lu eshri bimi mbo! Aŋa a lu ma Ahogbrẽ a lu mi le,

Amatiyu 23:28

Ekakahelo egi edzi, agimi e zgi e dzu moare ayi eka bimi e wo la odlodzi, ambo ésõ bimi, akpro, ta la odlobi sha o wo ma.

Amatiyu 24:51

Adaŋ-odne lo á kplu ŋa agbu. Nga á daŋ a hwiŋ egbre baŋ pa la moa la a bile moare. A mi lo aŋa á wu okũ nga á taŋ azhga anyu.

Amatiyu 7:5

Aŋo are la a la a bile ŋo! Aŋo o se ogbuokõ la o wo eyi boŋ ayga, okyku o doŋ o kpo o gbu o se aso la a wo eyi ba anóŋ.

Amarku 12:15

Eyesu a ka a tspi moa a klo o kpyi ŋa nga a zhĩ mo a lu mi le, Agimi e klo e kpyi me okyku eshi? E shri eyiamgbaŋ e ba e da me e ka.

Oluka 11:44

A ba eshri bimi! Agimi e wo eka ba engybi moare a ka lo mbo, nga moa a la a dzi ma la efifĩ.

Oluka 12:1

Omba moare ezbi nzenze a tspi otsotse nga a la a pre emo adga, Eyesu a nyuŋ moanwyeotum baŋ a lu mi le, Agimi e nyuŋ e kpo-kpo ta la eyist moaEfarisi. Ame e lu odlo eshri obile mo angyiŋ.

Oluka 6:42

Aŋo ó kpo ekayaŋ ó ba o lut a la anóŋ o lu mi le, O da me e se ŋo aso eyi, ambo aŋo o dzu ogbuokõ la o wo eyi boŋ o zga? Aŋo are la o kpo abibli. O se ogbuokõ la o wo eyi boŋ ayga okyku o doŋ o kpo o gbu o ka nga o se aso la o wo eyi anóŋ.

Eyohana 1:47

Omba ba Eyesu a ka Enataniyelu a ba okro baŋ nga, a lu odlo eshri baŋ a lu mi le, Alom he lo a wo arehwĩ ba Esrayila zhezheŋ. Ekplokyeŋ ba o fu oha eshri baŋ e wo ma mbo.

MoaOroma 1:29

Moa a bli la edgu ayakplobi andandandim ta la ogroayi, ta la oriayi, ta la efpu, ta la ebga, ta la ambgu, ta la obile, ta la eshre, nga moa a la a njygu emo,

1 MoaOkorinti 14:20

Agimi anáŋ, e tne aga eka moanwye afifi mbo. Ambo e dzu eka moanwye afifi angyiŋ egi ayi ba odlobi, nga e da aga bimi a dzu eka ba aga moare la a bmye ayi a khwo.

1 MoaOkorinti 5:8

Okyku eka he, agimi e da gi e ri Apaska la agbrotsa la a wo la Eyist egbyi ma mbo. Eyist he lo angyiŋ e wo odlobi ta la ayakplo ba eshre. Ambo agimi e da gi e ri abgo la agbrotsa la a wo eyist ma mbo, alo angyiŋ a wo agbrotsa la a wo la erum mbo nga a wo la adlidzi ma.

2 MoaOkorinti 12:20

Ame e fu eso eha, o dzu mbo, omba ba ame e gbu a mi le, ame é hwiŋ gimi la edgu odzudzukyeŋ ondundum, o dzu mbo agimi a mbo é hwiŋ me la edgu odzudzukyeŋ ondundum. Ame e ka eka ba ame é ba e hwiŋ oklaodlo ta la efpu, ta la esõ-ebi, ta la okloeshri, ta la odzi, ta la onjygu, ta la onyomegʼba, ta la oslaokro.

MoAfisu 4:31

Agimi e dzu la esõ la e wo ebi ta la arekyeŋ mbo, nga e dzu ta la ogroayi, ta la olom mbo. Nga e la e kʼpi ohwa la ota enzi angyangyeŋ o mbo le e la e dzĩ egimi nga mbo! Nga e la e kpo edgu ofpuyaŋ a mbo ta la egimi ku-ku nga mbo.

1 MoaEtasolonika 2:3

Ovevẽ ba agi e la e vẽ gimi he, o wo akpu angyiŋ mbo, nga o zgi aga abi angyiŋ mbo, nga agi e la e zga gble okyku o bile arekyeŋ angyiŋ mbo.

1 Etimoti 3:11

O raŋ o gre ba eda moashe mo e wo eda edzi, nga moa a dzu moa la a kpo onjygu mbo. O raŋ o gre moa a nyuŋ eshri a zga nga a kpo adlidzi ekployaŋ a mbo.

Etitu 2:3

Nga o nyuŋ moakpoatsoŋ-ashe a mbo ekakahelo. O lu o da mo a kpo ayakplo eka moashe la a kpaŋ eshri mo adzadzi okyku Ahogbrẽ. Moa a kpo onjygu nga a dzu moawaghrẽ ba ami anab mbo. Ambo o raŋ o gre ba moa a nye ekplo la e wo edzi,

MoaIbrani 12:1

Agi nga e wo la moaegŋe nzenze la a ta gi a kpaŋ. Agi nga e se ekployaŋ a mbo la e la e bme gi egŋe ozhẽ ta la odlobi la o la o ri gi egʼba, nga agi e knye oŋe la o wo egi ayi bi la esõ ekyekyeŋ.

Eyakubu 1:21

Okyku okũ he lo, agimi e kyu edgu ayakplo bimi e la e kpo la a wo eshre, ta la edgu eda ebi abgo. Agimi e shri eshri bimi e shri e da Ahogbrẽ, nga e yga odlo a yle lo esõ bimi. O kpo o gbu ba alo o shri oshla o shri o da gimi.

Eyakubu 3:14

Ambo o wo bimi e wo abi angyiŋ esõ bimi le, nga agimi e la e kpo efpu nga e klo eshri le, o raŋ o gre bimi e hre egʼba nga e sheŋ akpro eshri adlidzi he lo mbo.

Eyakubu 4:11

Agimi anáŋ, o raŋ o gre ba agimi e lu odlo ototno eshri egimi mbo. Areyaŋ a mbo la a lu odlo eshri anáŋ o mbo le a sõ ŋa ombgu le, o dzu eka baŋ a tla odaŋ, nga a sõ odaŋ ombgu angyiŋ. O wo boŋ o la o sõ odaŋ ombgu le, o dzu eka boŋ o wo are la a kpaŋ odaŋ lo nga mbo, ambo aŋo o dzu are la a sõ ombgu la odaŋ lo angyiŋ.

Eyakubu 4:5

Agimi e ka eka ba odlo ba Ahogbrẽ o wo odlo ototno angyiŋ mbo. O lu mi le, Ogbga ba Ahogbrẽ a da lo o dzu esõ bi o la o wo la ekhwo la e lbi.

Eyakubu 5:9

Agimi anáŋ, e nyi agla ta la egimi mbo, okyku o da Ahogbrẽ a sõ gimi ombgu mbo. Are la a sõ ombgu a wo osusku a mo, aŋa a dzu a bli okyku o gre o ba eshyẽ sha angyiŋ a mo!

1 Ebitru 2:16

O raŋ o gre ba agimi e dzu eka moarehwĩ la a wo la odzudum ma. Ambo agimi e sko odzudum e kha ekplokyeŋ ebi ba agimi e kpo mbo. Ambo agimi e dzu eka moawaghrẽ ba Ahogbrẽ.

1 Ebitru 2:22

Aŋa a kpo odlobi a ka mbo ku-ku. Arekyekyeŋ a gno odlo ba akpro anyu baŋ a ka mbo ku-ku.

1 Ebitru 3:10

Odlo Ahogbrẽ o lu mi le, Areyaŋ a mbo la a klo o gno oraŋ ta la odzudzu nga okyku o daŋ a wo la omba la o gbu esõ obiŋ le, O raŋ o gre baŋ a lu odlo la o wo obi mbo, nga baŋ a kyu osheŋ akpro abgo.

1 Ebitru 4:2

Okyku eka he, a zga ohuhuhi a yi, o raŋ o gre ba agimi e da Ahogbrẽ a kpo ekʼpo ta la odzudzu bimi la o ra obiŋ hi. Agimi e dzu la okoklo ba egʼba mbo.

1 Ebitru 4:4

Nga ohuhuhi moaevbu a ka egbregbre eka ba agimi e pu pa la mo ibu odzudzu ba ototno la o wo eka lo mbo. Okyku eka he moa a la a dzĩ gimi.

Otsotsa 14:5

Moa a hwiŋ mo la akpro ondakyeŋ mbo ku-ku. Moa a wo la akpu ma mbo.