1 Ebitru 1:4 - Ohwihwim Olehe

⁴ Okyku eka he, agi e la e ka ayi ozhẽ ba agi é ba e hwiŋ owlama nzenze ba Ahogbrẽ a shri a zga ma okyku moarehwĩ baŋ. A shri lo a zga Ongyeŋ okyku gimi. Ahe lo, alo o kpo o gbu ba alo o vrẽ mbo, o mbo le ba alo o tpi ayi mbo, o mbo le ba alo o shraŋ mbo ku-ku.

1 Ebitru 1:4 Iomraidhean Croise

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Amarku 10:17

Omba ba Eyesu pa la moanwyeotum baŋ a klo o kso o yi egi ehwõ, are angyiŋ-akyeŋ a knye a ba a kʼpu egi ayi baŋ nga a zhĩ ŋa a lu mi le, Andakʼpo ba Shasha, ame é kpo eshi okyku o da me e hwiŋ esõ ba gbabgu-amo?

Otum 20:32

Ambo ohuhuhi ame e shri gimi e ghwo abgo Ahogbrẽ, ta la oshpa ba okpoghwo baŋ. Aŋa a kpo a gbu baŋ a da gimi e tspi osheshye, nga a shri owlama baŋ a shri a zga ma okyku moare baŋ, a shri a da gimi.

Otum 26:18

Aŋo angyiŋ ó ba o hwile ayi mo, nga ó ba o se mo o sku evbu, nga ó ba o shri mo ó ba ayimom, nga aŋo ó zhiŋ mo ekʼpo ba Eshitaŋ ó ba ekʼpo ba Ahogbrẽ. Okyku o wo moa a bmi ba adlidzi pa la me le, moa á kyu mo abgo odlobi mo, nga moa á hwiŋ okro odzuma eshki moarehwi ba Ahogbrẽ a sla mo.

MoaOroma 8:17

Eka ba agi e wo moanwye baŋ hi, agi é hwiŋ egbre baŋ a shri a zga ma okyku moarehwi baŋ. Agi nga é pu ekplo ba Ahogbrẽ a shri a zga ma okyku Eyesu ka la ŋa otsotse. O wo ba agi e bmi e kpo ewu ka la ŋa, agi é ri ekʼpo ka la ŋa otsotse.

1 MoaOkorinti 9:25

Areyaŋ a mbo la a la a nye o kpo ekpyle le, a la a nye o ta eso akpyli. Aŋa a la a kpo ohe lo okyku ela egbre la e wo la owlama okyku omba ple sha. Ambo agi e la e kpo ekpyle bi okyku egbre ba gbagbu-amo.

MoaEgalasiya 3:18

O wo ba odaŋ angyiŋ o wo esĩ ba ofaodi ba Ahogbrẽ le, ohwihwim baŋ o wo ba ototno angyiŋ. Ekayaŋ a mbo, Ahogbrẽ a shri ohe lo a da Ebrahim okyku eshi a sheŋ a hwim ka la ŋa okyku lo.

MoAfisu 1:11

Ekployaŋ a mbo e la e kpo la ohwihwim ba Ahogbrẽ angyiŋ. Ahogbrẽ nga a sla gi okyku o da gi e dzu moarehwr baŋ okro okŋeobga ta la Ekristi okyku ozga-esõ baŋ, ozhẽ baŋ a sheŋ a hwim a zga ma okũ oriori.

MoAfisu 1:14

Ogbgaodzi angyiŋ o wo ozhezheŋ ba agi é ba e hwiŋ ekplo ba Ahogbrẽ a hwim a zga ma okyku moarehwĩ baŋ. Aŋa a shĩ gi ba Ahogbrẽ á ba a shri odzudum la o bli á ba a shri á da moare la a wo moarehwĩ baŋ. E da gi e hlu eshko baŋ la ovyevye!

MoAfisu 1:18

Ame e vẽ okyku o da Ahogbrẽ a hwile gimi esõ okyku o da gimi e ka ayimom baŋ, okyku o da gimi e yi okayiozhẽ baŋ a bzi gimi okyku lo, nga okyku o da gimi e yi baŋ a hwim pa la moarehwĩ baŋ, okyku owlama ba egbregbre la o wo nzenze,

MoaOkolosi 1:12

Nga okyku o da gimi e vye la Adigi la ovye, okyku eshi aŋa angyiŋ a da gimi e tse ma okyku o da gimi e hwiŋ ogʼba bimi eshki ekplo baŋ a shri a zga ma oreŋ ba ayimom.

MoaOkolosi 1:5

Omba ba oshpa ba adlidzi, Oshpaodzadzi he lo, o ba okro bimi, agimi e gno eka ba oshpa lo o shri okayiozhẽ o la o shri o ba. Okyku eka he obmi ba adlidzi bimi ta la oklo bimi, moa a tspi ayakplo ba agimi e la e ka ayi ozhẽ okyku lo angyiŋ. Moa a shri lo a zga Ongyeŋ adzadzi okyku gimi.

MoaOkolosi 3:24

E tne aga eka ba Adigi-odne á ba a hre gimi. Agimi nga é hwiŋ ekplo baŋ a hwim a zga ma okyku moarehwĩ baŋ. Okyku eshi Ekristi angyiŋ a wo Adaŋ-odne ba agimi e la e kpo otum okyku ŋa.

2 Etimoti 4:8

Ohuhuhi nga egbre e wo ma okyku me okyku ba ame e ri. Egbre he lo e wo egbre ba odlodzi ba Adigi-odne la a sõ ombgu ba adlidzi angyiŋ, aŋa á shri lo á da me Onda mi lo. Aŋa á shri lo á da me sha angyiŋ mbo, ambo á shri lo á da areyaŋ a mbo la a la a dzu a bli ŋa la oklo okyku oba-ba baŋ.

MoaIbrani 10:34

Agimi e kpo ewu eka moa-oprusuna. Nga omba ba moa a ngʼga gimi anzho a mbo agimi e ghwo egimi esõ nga e dzu la esõ ekyle. Okyku eshi agimi e yi e wo la ayakplo la a wo owlama a gre mi ma. Ayakplo he lo á dzu ma gbagbu-amo.

MoaIbrani 9:15

Okyku okũ he lo, Ekristi angyiŋ a wo are la a shri ohwihwim olehe a shri a ba, okyku o da moarehwĩ ba Ahogbrẽ a bzi mo a hwiŋ owlama ba gbagbu-amo ba Ahogbrẽ a hwim a zga ma. Ohe lo o kpo o gbu ibu eku baŋ a kpu. Alo angyiŋ e shri okyuabgombgu o shri o da moare okro akpu ba moa a ta omba ba moa a wo abgo ba ohwihwim ba oriori.

Eyakubu 1:11

Olum nga o la o zgi la ovovo, nga o dzõ asĩ afpu. Ambumbwi ba alo a wo ta la ozba lo, o kpo nga o kpu. Are angyiŋ a mbo, moa á jygi ŋa ozhezhẽ he lo angyiŋ omba baŋ a la a kpo otum baŋ.

1 Ebitru 3:9

Ambo o wo ba arekyeŋ a tra ŋo ezhim le, aŋo o tra ŋa ambgu. Nga agimi e ta anyuabi angyiŋ e ygi are la a ta anyuabi a ygi gimi mbo, ambo e fa anyuadzi angyiŋ, okyku eshi Ahogbrẽ, omba baŋ a bzi gimi, a hwim baŋ á ba a fa anyuadzi angyiŋ á ygi.

1 Ebitru 5:4

Nga omba ba Andakʼpo ba moa la a kpaŋ ékylu he lo a ba le, agimi é yga egbre ba ekla-eshri ba esesla. Alo é shraŋ nga mbo ku-ku gbagbu-amo.

Otsotsa 21:27

Ambo ekplo-kyeŋ ba eshre é gre é yi osku he lo eshyẽ mbo ku-ku. Are la a la a kpo ayakplo ba anzi ta la are la a sheŋ akpro, á yi osku he lo mbo. O wo le moarehwĩ ba moa a ta ashko mo akpa ba esõ, ba Anwye Ekylu lo dne á ba a yi osku he lo.