موکأشفه 8:1 - کتاب مقدس به زبان گیلکی - گویش شرقی

¹ وقتی بره هفتمی مهره بشکنئه، حدودا نیم ساعت آسمؤن مئن سکوت برقرار بوبؤ.

Gilaki New Testament

¹ او وخت کی بٚرّه هفتومی مُهرَ وأکوده، آسمأنٚ میأن نیزدیکٚ نیم سأعت بوستی کی کأمیل سأکیت بو.

کتاب مقدس به زبان گیلکی - گویش رشت و غرب گیلان

¹ وقتی كی برّه هَفتمی مُهرَ بشکنه، دُوروبَرِ نيم ساعت آسمانِ درون سکوت برقرار بُبوست.

موکأشفه 8:1 Iomraidhean Croise

متّی 27:66

پس بوشوُئن و مقبره سنگِ مُهر و موم بودَن و چنته سرباز اوره بنَئن تا مقبره بپائن.

موکأشفه 5:1

او موقع او تخت نیشین راست دست مئن یکته طومار بدئم که اون پوشت و رو، بنویشته هنّأبو و هفت ته مهر همأ مهر و موم بوبؤبو.

موکأشفه 5:9

و اوشؤن یکته تازه سرود بوخؤندن کی گوت: «تو قابیلی که او طوماره هگیری و اون مهرؤنه بشکنی، چره کی قوربؤنی بوبؤی و تی خون همرأ مردومه هرته طایفه و زبؤن و قؤم و میلّت أجی، خدا به بهی؛

موکأشفه 6:1

او موقع برهَ بدئم که یکته از او هفت ته مهره بشکنئه و بشتؤسم که یکته از او چهارته زینده مخلوق، یکته صدا همرأ که آسمؤنگؤر جور بو، بوته: «بیه!»

موکأشفه 6:12

و وقتی کی بره ششمی مهره بشکنئه، مو نیا بودم و بین، یکته پیله زلزله بمأ و خورشید، پلاس مورسؤن، سیاوابؤ و کامیل مانگ، خون رنگ بوبؤ.

موکأشفه 6:3

وقتی بره دومته مهره بشکنئه، بشتؤسم کی دومته زینده مخلوق بوته: «بیه!»

موکأشفه 6:5

هیطؤ کی بره سومی مهره بشکنئه، بشتؤسم کی سومی زینده مخلوق بوته: «بیه!» و مو نیا بودم، و بین، یکته سیه أسپ بو و او که او أسپ سه سوار بو، خوشه دست مئن یکته ترازو دأشت.

موکأشفه 6:7

وقتی کی بره چهارمی مهره بشکنئه، چهارمی زینده مخلوق صدا بشتؤسم کی بوته: «بیه!»

موکأشفه 6:9

وقتی بره پنجمی مهره بشکنئه، مو قوربؤنگای جیر، او آدمؤن جؤنه بدئم کی خدای کلؤم وأسی و او شهادتؤن وأسی کی بدأبون، بکوشته بوبؤبون.