موکأشفه 15:1 - کتاب مقدس به زبان گیلکی - گویش شرقی

¹ او زمت یکته د عجیب و پیله نوشؤنه آسمؤن مئن بدئم؛ هفت ته فریشته که هفت ته بلا اوشؤن همرأ دبو. اوشؤن، آخرته بلائان ایسن؛ چونکی خدا غضب اوشؤن همرأ تمنأبنه.

Gilaki New Testament

¹ آسمأنٚ میأن ایتأ دِه عجأیب غرأیبٚ نیشأنه بیدِم کی ایتأ موهیمٚ ایتفأقٚ جَا خٚوٚر دٚئی: هفتأ فٚرٚشته، هفتأ آخری بلأیَ بدأشته بود کی فوکوند زیمین سٚر، کی آخرپٚسی خودا غیظ فوروز بأیٚه.

کتاب مقدس به زبان گیلکی - گویش رشت و غرب گیلان

¹ اُ موقع ایتا دِه پیله نیشانه و عجیب، آسمان درون بيدِم، هَفتا فیریشته کی هَفتا بَلا اوشانِ امرا بو، اوشان آخرتا بَلا ئان ایسید، چونکی اوشانِ امرا خُدا غضب تمانَ به.

موکأشفه 15:1 Iomraidhean Croise

موکأشفه 10:3

و یکته پیله دوخؤنکه همأ، هچی شیر موسؤن نعره بزئه و هیطؤ کی نعره بزئه، او هفت ته آسمؤنگؤر به صدا بمأن و گب بزئن.

موکأشفه 11:14

دومته "وای" ردأبؤ. بین، سومته "وای" خیلی زود خأ فأرسه.

موکأشفه 14:10

اونم خدا غضب شراب أجی واخؤنه، او شراب کی پورملاته و خالیص، خدا غضب جؤم مئن دوده بوبؤ. او، مقدس فریشته ئان پیش و بره پیش، آتش و گوگرد همرأ عذاب کشنه.

موکأشفه 14:19

پس او فریشته خوشه دارهَ زمین سر بچرخؤنئه و زمین أنگورؤنه فیچئه و شراب پیله چاه مئن کی خدای غضب بو، دوده.

موکأشفه 16:1

بأزین معبد أجی یکته پیله دوخؤن بشتؤسم که او هفت ته فریشتهَ گوت: «بشین و خدای غضب هفت ته پیالهَ زمین سر فوکونین.»

موکأشفه 17:1

بأزین یکته از او هفت ته فریشته که هفت ته پیاله دأشتن، پیش بمأ و مأ بوته: «بیه تا او پیله فاحیشه داوریِ کی خیلی آؤؤن سر نیشته، تأ نوشؤن بدئم.

موکأشفه 19:15

و اون دهن أجی یکته تیج شمشیر بیرین أمأ تا اون همرأ میلّتؤنه بزنه. «آهینی عصا همرأ اوشؤن سر حکومت کؤنه.» او، خدای قادر مطلق غیظ و غضب أنگوره، شراب چاه مئن لقد دمج کؤنه.

موکأشفه 21:9

بأزین یکته از او هفت ته فریشته که هفت ته پیاله پور از هفت ته آخرته بلا دأشتن، بمأ مأ بوته: «بیه! مو عروسه، یعنی برّه زنه، تأ نشؤن دئنم.»

موکأشفه 8:13

بأزون نیا بودم و بشتؤسم که یکته عقاب آسمؤن مئن هوطؤ کی پرواز کأدبو، پیله صدا همرأ ژگله کشی: «وای، وای، وای زمین مردوم سر. چونکی هیچی نومؤنسه او سو ته فریشته شیپورؤن، به صدا در بأ.»

موکأشفه 8:2

او موقع او هفت ته فریشتهَ بدئم کی خدا جلؤ ایسنن و اوشؤنه هفت ته شیپور هدأ بوبؤ.

موکأشفه 8:6

و هفت ته فریشته که هفت ته شیپور دأشتن، حاضیرأبؤن تا اوشؤن صدا در بأرن.

موکأشفه 9:20

بقیه آدمؤن، کی ای سوته بلا یأجی بکوشته نوبؤن، نه خوشؤن دست کارؤن أجی تؤبه بودن و نه دیوؤن پرستش گودن أجی و نه طلایی بتؤن و نقره ای و برنجی و سنگی و چوبی بتؤن پرستش أجی؛ کی نه تینن بینن و نه ایشتؤنن و نه راه شنن.