افسسیان 1:3 - کتاب مقدس به زبان گیلکی - گویش شرقی

³ مووارک ببون خدا و امئه خداوند عیسی مسیح پئر، که امره مسيح مئن، هرته روحونی برکت همرا آسمونی جیگه ئان مئن برکت بدأ.

Gilaki New Testament

³ ستأیٚش خودا رِه بٚبه، اَمی خوداوند عیسا مسیحٚ پئر، اَمٚرَه جٚه اَ خأطر کی مسیحَ دوچوکستیم، هرتأ روحأنی برکت اَمرأ آسمأنٚ سأمأن دورون مووأرٚک چأکوده.

کتاب مقدس به زبان گیلکی - گویش رشت و غرب گیلان

³ مُوارک بِبه خُدا و اَمی خُداوند عیسی مسیحِ پئر، کی اَمرا مسیحِ درون هر روحانی برکتِ امرا آسمانی جیگائان درون برکت بدَه.

افسسیان 1:3 Iomraidhean Croise

لوقا 2:28

شَمعون اونه کیشایته و خُدا ستایش بوده و بوته:

یوحنا 14:20

او روز میئن فَهمنین که مو پئر میئن ایسام و شمه می میئن و مو شیمه میئن.

یوحنا 17:21

تا همه یکته بوبؤن، هوطوکه تو ای پئر، تو می میئن ایسای و مو تی میئن، که اوشؤنم أمه میئن بیسَن، تا دونیا ایمون بأری که تو مه سرا دای.

یوحنا 20:17

عیسی اونه بوته: «مَه دست نزن، چونکه حلِه می پئر ورجه جؤر نوشؤم. بلکه می برارون ورجه بشو و اوشونه بگو: می پئر ورجه و شیمه پئر ورجه، می خدا ورجه و شیمه خدا ورجه جؤر شوئد​رم.»

رومیأن 12:5

پس اَمرم کی زياديم، مسیح مئن یکته تن ایسیم و تک به تک، کس کس اعضا ایسیم.

رومیأن 15:6

تا کس کس اجی یکدیل و یک زبون، امئه خُداوند عیسی مسیح پئره، یعنی خُدا، پرستش بوکونیم.

اوّل قرنتیان 1:30

اون واسی ایسّه که شمه مسیح عیسی میئن ایساین. او مسیح عیسی که خدا طرفای أمه به حکمت بوبؤ، یعنی صالحی، قدوسیت و آزادی.

اوّل قرنتیان 12:12

چون هیطو که تن یکته ایسّه و خیلی عضو دانه؛ و تموم تن اعضا با اینکه زیاد ایسّن، یکته تنن. مسیح هم هیطو ایسّه.

دوم قرنتیان 1:3

متبارک ببی خدا، أمه پئرِ خداوند، عیسی مسیح، که رحمتؤن پئر و تموم تسلیئن پئر ایسّه؛

دوم قرنتیان 11:31

خدا، خداوند عیسی پئر، کی تا ابد اونه سپاس گونم، دونه کی دوروغ نوگونم.

دوم قرنتیان 5:17

پس اگر یگنفر مسیح مئن بیسا، یکته تازه خلقته. هرچی کی کهنه بو ده تمنابو؛ الون همه چی تازه وابو.

دوم قرنتیان 5:21

خدا او کسه کی گوناهه نشناخته، امئبه گوناه چاگوده، تا امه اون مئن خدا صالحی ببیم.

غلاطیأن 3:9

پس اوشؤنی کی ایمؤنه تکیه کؤنن، ابراهیم همرأ، ایمؤن مردأی، برکت گینن.

افسسیان 1:10

خدا نقشه ای بو که هیطو که اون وقت برسئه همه چئه، چی آسمون مئن و چی زمین سر، کس کس همأ مسیح مئن گرداگیره.

افسسیان 1:17

تا امئه خداوند عیسی مسيح خدا، او پورجلال پئر، حیکمت و مکاشفه روحه شمره هدئه تا اونه بشناسین،

افسسیان 1:20

که اونه مسیح مئن کاراگیته، او زمت که اونه بمرده ئان اجی ویریسونئه و آسمونی جاجیگه ئان مئن، خو راست دست ور بنیشونئه،

افسسیان 2:6

و خدا امره مسيح همرا ویریسونئه و آسمونی جاجیگه ئان مئن مسیح عیسی هما بنیشونئه،

افسسیان 3:10

تا بواسیطه کلیسا، خدا جورواجور حیکمت، رئیسون و قدرتون، آسمونی جیگه ئان مئن آشکارابون.

افسسیان 6:12

امئه جنگ جسم و خون همأ، یعنی آدمی همأ نئه، بلکه امه رئیسون ضید، قدرتون ضید، و او تاریکی نیروؤن ضید که ای دونیا سه حاکیمن، شریر روحؤنی لشگرؤن ضید که آسمونی جاجیگه ئان مئن درن، جنگنیم.

فیلیپیان 2:11

و هرته زبؤن موقؤر بأ کی عیسی مسیح خداوند ایسه، خدای پئر جلال ئبه.

عبرأنیأن 8:5

اوشون آسمونی چیزونه نمونه و سایه کونن. هینه واسه، چون او زمت که موسی خاس خیمهَ برپا بکونی، خدا اونه حکم بوده و بوته: «تی حواس هننأبی که همه چئه عَین او نمونه که کوه مئن تأ نشؤن بدأ بوبؤ چاکونی.»

عبرأنیأن 9:23

پس خأ ای چیزؤن، که آسمؤنی چیزؤن جی یکته نمونه ایسن، ای قربؤنی ئن همرأ پکأبون، اما خود آسمؤنی چئن او قربونی ئن همأ که ایشون جی بهتره پکأبنن.

۱پطرس 1:3

متبارک ببون خدا، أمئه خداوند عیسی مسیح آسمؤنی پئر، کی خوشه پیله رحمت همأ، أمره بواسیطهٔ عیسی مسیح ویریسأن، بمرده ئان أجی، یکته تازه تولد ببخشئه، زینده امید ئبه