دوم تیموتائوس 2:23 - کتاب مقدس به زبان گیلکی - گویش شرقی

²³ او بحثؤن أجی کی نادؤنی و نفهمی جی ایسه دوری بوکون، چره کی دؤنی دعوا مرافعه چاکؤنه.

Gilaki New Testament

²³ بأزَم تٚرَه گم: «تٚرَه اَلکی بحثأنٚ وأسی معطلَ نوأکودٚن، چونکی اَ بحثأن غیظ و دعوأ بوجود اَوٚره.

کتاب مقدس به زبان گیلکی - گویش رشت و غرب گیلان

²³ جه اُ بحث ئان کی، نادانی و نَفَهمی جا ایسِه دوری بُکون، چره کی دَنی دعوا مرافه به پا کونه.

دوم تیموتائوس 2:23 Iomraidhean Croise

اوّل تیموتائوس 1:4

و خوشؤنه داستؤنؤن و بی‌پایؤن شجره‌نؤمه ئان ئبه وقف نوکونن؛ ای چیزؤن عوض ای کی خدا کاره کی ایمؤن راه مئن دره پیش ببره، هچی جنجال چاکؤنه کی هیچ ثمری ندأنه.

اوّل تیموتائوس 4:7

او داستؤنؤن همرأ کی کفرآمیز و پوچه کأر ندأر، بلکی تأ دینداری به تربیت بوکون.

دوم تیموتائوس 2:14

ای چیزؤنه اوشؤنه یاد بأر و خدا جلؤ اوشؤنه سفارش بوکون کی کلیمه ئان سر دعوا مرافعه نوکونن، کی هیچ فایده ندأنه، بلکه هچی باعیث بنه اوشؤنی کی ایشتؤنن راه جی بدر ببون.

دوم تیموتائوس 2:16

ولی دونیا مفت گبؤن أجی دوری بوکون، چون مردومه ویشتر و ویشتر بی‌دینی ور هأکشنه.

تیتوس 3:9

ولی جنگ و جدال أجی کی حیماقت سره، شجره نؤمه ئان أجی، ایختلافؤن و دعوا و مرافعه ئان أجی کی شریعت باره ایسن، دوری بوکون. چونکی بی فایده و بی أرزشن.

یعقوب 4:1

چی باعث بنه شیمه میئن دعوا ببی؟ و چی باعث بنه شیمه میئن جنگ و جدال دکی؟ مگه شیمه هوا و هوس واسه نیه که شِمه وجود میئن جنگسه درین؟